عايزه اعمل برنامج لمده اسبوع بالقاهره انا...

[Marwa Mohamed]

عايزه اعمل برنامج لمده اسبوع بالقاهره انا بالفعل منها واعرف كل الاماكن الاثريه بس انا جايلي ناس من بره وعايزه افسحهم في القاهره يا ترى ايه الاماكن اللي نقدر نروحها وتدي انطباع كويس عندهم عن مصر وخصوصا القاهره لان الاماكن الاثريه كلها اخرها اربعه كمان عايزه اماكن ترفيهيه ومطاعم وغيرها....يعني برنامج شامل انا حجزتلهم في ماريوت الزمالك كمان..
#شكرا

 

[Moutaz Mohamed]

اتفضل
/Muhamed Nabil

 

[Mohamed Taha]

عندك شارع المعز القلعة مسجد السلطان حسن والرفاعى المعبداليهودى الكنيسة المعلقة

 

[Ehab Ibrahim]

ارجوكى حاولى تظبطى ان الخروج يبقى يوم الجمعة والسبت فقط .. وكمان يوم السبت لغاية الساعة 4 عصرا بس ................... عشان الزحمة والبهدلة بتاعة الطرق بتاعتنا

 

[Ahmad M. Seleem]

برج القاهرة و الاكل فى المطعم الدوار باليل حاجة تانية

 

[Raafat Alzameeli]

بالله عليكي بكم حجزتي بالماريوت

 

[محمود عبدالمولى]

بلدى فيها مكان سياحى روعة

 

[Ahmed Badr]

لازم تسفريهم الاقصر واسوان غير كده هينقصهم حاجات كتير وتحديدا الاقصر وسيبك من اللي يقولك الجو حر وكده......لو محتاجه اي تفاصيل من الاقصر اسوان والنوبة انا تحت امرك

 

[محمود عبدالمولى]

 

[Abdallah James]

مهم هما من انهى بلد عشان اقولك البرنامج

 

[Řahma Altbarany]

عندك كوفيهات دريم زي 19 flag أو مولات سيتي ستارز مول مصر ، كايرو فيسيتيڤال، يتغدوا مرة ف الباخرة اللي ع النيل.. نوادي زي دجلة وأكتوبر، في حاجات حلوة اوي كتير ف القاهرة... وحملي الأبليكشن دا هينفعك جدًااا

 

[Mohamed Khattab]

بصي يا فندم اتحركي مع مرشد سياحي أفضل و امتع و هتلاقي علي الجروب ناس كتير مرشدين محترمين و كويسين.
بصي طبعا ما ينفعش يزوروا مصر من غير زياره الاهرامات و ابو الهول. عندك كمان هرم دهشور ده ممكن دخوله من جوه و مش هتدفعي فلوس للدخول و اريح من دوشه هرم خوفو و تقريبا نفس الحجم. و ممكن لو عايز تشوفي اكتر من هرم من عصور مختلفه يبقي لازم تروحي اهرامات سقاره و ممكن دخول بعضهم من جوه ده غير هناك في متحف صغير. جنبه في مدينه ممفيس أول عاصمه لمصر ما ينفعش يعدوها بردو.
عايزه تعيشيهم جو الفرعوني و الحياه الفرعونيه يبقي خديهم القريه الفرعونيه و فيها كم متاحف كتير جدا ده غير مجسم لمقبره توت عنخ آمون و كمان هتلاقي هناك كل الصناعات اللي كانت بتم ايام الفراعنة و اشكال بيوتهم و حياتهم حاجه كده تفصلك عن زحمه القاهره لأن المكان في جزيرة وسط النيل.
المتحف المصري من الحاجات المهمه اللي لازم تشوفيها بس ما ينفعش من غير مرشد هيبقي ملوش لازمه.
بعد كده تاخديهم علي مجمع الأديان في مصر القديمه مسجد عمرو بن العاص و الكنيسه المعلقه اللي اتبنت فوق حصن بابليون و في معبد يهودي هناك مكان حلو و جميل و مش محتاجه تدفعي فيه حاجه. اقرب طريق له محطه مارجرجس. الحاجه الوحيده اللي ممكن تندفع هو المتحف القبطي.
عندك كمان القلعه و جامع محمد علي و السلطان قلاوون. و ممكن تمشيهم شويه في القلعه بس فيه متاحف محتاجه تصاريح علي ما أتذكر.
عندك كمان السلطان حسن و الرفاعي قدام بعض و في ضهر القرعه و السلطان حسن من اجمل مساجد مصر و ده اللي أوباما زاره لما جه مصر هو مش مسجد بس ده مسجد و مدرسه و مستشفي هتلاقي فيه مدارس تمثل ال ٤ مذاهب السنيه.
عندك كمان مسجد أحمد بن طولون و جاري اندرسون لو فتحوه.
عندك كمان قصر محمد علي في المنيل ده تحفه فنيه حاجه متعه بجد.

 

[ASmaa MAs'oud]

انا كمان واحده صاحبتي جايه اخر ١٢ و قدامها ٤ ايام بس في مصر و كنت محتاجلها برنامج كويس لانها بردو هتزور القاهره فقط