يا جماعة انا قررت اروح سيوة في شهر 10 بس...

  • بادئ الموضوع بادئ الموضوع Dina Hashem
  • تاريخ البدء تاريخ البدء
عرض العطلة
D

Dina Hashem

:: مسافر ::
#1
يا جماعة انا قررت اروح سيوة في شهر 10 بس محتاجة ابقي مرتبة نفس من دلواقتي فقلت اسأل أهل الخبرة، ايه فنادق هناك الحلوة و في نفس الوقت أسعارها معقولة و ايه الأماكن هناك إلى لازم اروح ازورها لو قررت اطلع مع نفسي من غير شركة سياحة هعرف اظبط دنيا و اتبسط و لا لازم شركة سياحة؟ طيب و لو لازم شركة سياحة ايه شركات موثوق فيها و متجربة من اسكندرية؟ و شكرا مقدما
 
عرض العطلة
#7
عين كيلوبترا
رحلة السفاري ممتعة جدا لازم تجربها
_ زيارة معبد التنبؤات المنظر من فوق تحفة
بحيرة الملح حاجة كدة بجد خيالية والله الارض كلها حواليكي ملح
جبل الموتى
جزيرة فطناس وقت الغروب تحفة برضه
في عشا بأة في الصحراء بليل بيبئوا عاملين خيمة وحفلة واكله اسمها ابو مردم فراخ مدفونة فى الرملة على الطريقة الامازيغية علي طريقتهم تحفة
زيارة مدينة شالى & البيت السيوى دي بأة سيوة القديمة و لبسهم و الحاجات الكانوا بيستعملوها و كدة و لازم تروحي السوق تشتري بلح و زيت زيتون و حاجات يدوية اسعارهم حلوة جدا
انا روحت اخر شهر ١٢ بس كان الجو برد اوي و في عندهم مرشدين من سيوة نفسها بيفضل معاكي طول وقت الرحلة بس بجد بلد رائعة و الناس هناك طيبين جدا انا عايزة اروح تاني والله و الاعدة في الصحرة مع البدو حوالين النار عالم تاني والله
 
#9
الفنادق : باراديس بعتبر اقرب حاجة مستواها كويس للسوق و البلد اللي تعرفي تروحي منها المزارات ، في واحة سيوه "واحه مبارك سابقا " و في دريم لودج الفنادق هناك كلها تعتبر بدائيه بس مريحه جدا للاعصاب ،
المزارات : جبل شالي"سيوه القديمه ودي تعتبر ف قلب السوق يعني لو نزلتي ف فندق قريب تتراح مشي بس لازم مرشد معاكي عشان تستمعي بجد و تفهمي تاريخهم و ليه مبنيه كده ،
جبل الموتي و ده عبار عن جبل ف مقابر فرعونيه و لازلت محتفظه بالوانها الي حد كبير ،
معبد الوحي و معبد تنصيب الاسكندر دول خاصين بالإسكندر الاكبر و الروايه ان الاله نصبت الاسكندر سلطان علي مصر فيهم ،
عين كليوباترا و لو بتعرفي تعومي لازم تنزلي فيها مياه كبريتيه تحفه ،
جبل الدكرور و عين فطناس مصانع المياه و التمر و الزيتون حجات كتيير جدا ،
الاهم من كل ده السفاري و بير واحد و عيون المياه الكبريتية اللي ف الصحرا البارده و الدافيه و السفاري ف حد ذاته متعه ما بعدها متعه
 
#10
ولا اكني كنت بفكر بصوت عالي
انا النهارده فكرت في سيوه واطلعها علي شهر 11 هيكون الجو ممتع ولطيف ومش سقعه
وبعيد عن شركات السياحه حابب اطلع مع نفسي من اسكندريه انا وجروب صحابي واجرب تجربه جديده ..
بس الوقت اللي هتختاريه مهم جدا علشان تستمتعي بالرحله
 
عرض العطلة
#11
ونصيحه مني خلي الرحله دي استمتاع بالطبيعه فقط بعيد عن اي تكنولوجيا وتنزلي في فندق بسيط وتستمتعي باللكل البدوي
 
#12
حاجه كمان هناك ف مطعم اسمه عبده لازم تجربي تفطري فيه و لازم تجربي الملوخيه السيوي دي حاجة تانيه كده معديه لوحده و طبعا ممكن تروحي لوحدك بدون شركه بس تزبطي مرشد عشان تستمتعي و فندق باراديس بيزبط السفاري او المرشد او مطعم عبده
 
عرض العطلة
#17
احنا خمس او ست افراد و ممكن ننضم ليكم لاننا مسافرين في اكتوبر فكده ممكن نشوف باص و ناجره و نظبطها سوا لانها هتكون اوفر بكتير اننا ناجر عربيات هناك.
 
عرض العطلة
عرض العطلة
عرض العطلة
أعلى أسفل
عودة
قائمة