A
Ahmed Ashraf
:: مسافر ::
دي كانت من اجمل الرحلات اللي طلعتها في حياتي، الرحلة كانت لبروكسل و بروج او Brussels و Bruges، كانت السنة اللي فاتت وكانت الرحلة كلها طلبة وبشر كتير، زرنا اماكن كتير زي Grand Place و Atomium و Manneken Pis اللي هو تمثال الواد الصغير ده وكانت زحمه جدا وكله بيتصور معاه مش عارف على ايه ده حتى بيعملها عليهم وكمان شوفنا ال Town Hall و Cathedralو Royal Palaceو غيره كتير بس مش فاكر اوي لان في اسماء فرنسي كتير للاماكن بس الصور موجودة ده كله كان في بروكسل بس، بروج بقى كان كلها مباني وشوارع مبنية باشكال وتصميمات تحفة وطبعاً معظمها قديم و وراه قصة وحكاية وانا مكنتش فاضي اسمع حاجة هو يوم لفيت في المدينتين المهم في الموضوع كله اكلنا waffles بتاعتهم اللي صدعوا دماغنا بيها و كمان Frites بلجيكية برضو صدعونا بيهم بس حلوين بصراحة، في اخر اليوم مكنتش هلحق الاتوبيس انا و واحد صاحبي وتوهنا في بروكسل بس فضلنا ندور ونسال ولحقناه وهو طالع وهى دي حكايتي مع بروكسل وبروج، صحيح كمعلومة للناس يعني.. في بلجيكا فيه رسمي لغتين فرنساوي وهولندي والانجليزي حط نفسه معاهم والالماني موجود بس في الحدود بين الدولتين فقط يعني حوالي 5% او 10 بالكتير اوي، يلا بقى يارب اكون عقدتكم كفاية علشان تسافروا
Join us: /Bei Facebook anmelden | Facebook
Join us: /Bei Facebook anmelden | Facebook