طيب مبدئيا ...
غرفة ايه ام 2300 جنيه في الليله ده ؟؟؟ !! انا عندي الغرفه في الليله 880 جنيه فازاي تدفعوا 2300 جنيه في الليله ؟؟
الصور اللي بتعلن علي بوكنج مش كلها واحده يعني في غرف عاديه وفي غف بوول فيو وفي غرف سي فيو وغرف بتراس كبير وغرف استاندر وووو الخ
الفندق متقسم لمبنيين .. مبني باللون الابيض (المدخل القديم) ومبني باللون الطوبي ( المبني الجديد) بيفصل بينهم المطبخ و المغسله و الكلام ده .. واللي واضح ان حضرتك كنت نازل في غرف بتبص عليهم ..
في غرف بتبص ع البحر ( سي فرونت ) وده بتزيد 300 : 350جنيه في الليله وفي غرف بتبص ع البوول وده بتزيد 150 جنيه في الليله .. ... بس انا شايف حضرتك مصور فروت باسكت من غرفه بتطل علي البوول بالفعل ..
صورالبوفيه اللي انت منزله واضح ان فيه لحوم و خضار و سلطات وحلو و الصور مش مبينه ان في شيء مؤذي مع العلم ان المطعم عندهم متنوع هما عندهم مطعمين .. مطعم في كل مبني.. بيكون فيه يوم مصري ويوم لبناني ويوم هندي وهكذا .. والمطعمين بيقدموا اكل مختلف عن التاني
صورة الشط اللي نازله .. الفندق له شاطئين شط علي حرف يو صغير اللي حضرتك مصوره .. وشط كبير في ظهر الشط ده علي شماله وفي فوود كورت و ملعب كرة قدم وكمان بجواره مسرح بيتعمل فيه حفلات كل ليله
بخصوص رحلة البحر انا مابحجزهاش من الفندق انا باحجزها من بروكرز باتعمل معاه .. لانها مابتكونش تابعه للفندق اصلا .. ده مكتب رحلات مأجر مكان م الفندق فالفندق مالوش صله بيه اساسا ..
انا باتعامل مع الفندق ده من اكتر من 12 سنه .. السنه اللي فاتت لما كان بيعمل ري اوبننج جه منه شكاوي في الاول .. انما الموسم ده بالفعل زيرو شكاوي !!! حتي في فترة الاعياد و المواسم ..
