لو سمحت حد يفيدنا بجد احنا تايهين ياريت اي...

[Mohammad Kamal]

لو سمحت حد يفيدنا بجد احنا تايهين ياريت اي مساعده... انا والدي عامل استقدام (مش زياره) لوالدتي و 2 اخواتي يروحوله السعوديه ودفع المصاريف هناك وخلص والتأشيرات وصلت السفاره (جهة القدوم القاهره)... ايه بقي المطلوب مننا هنا في مصر نعمله ؟؟ ايه الاوراق المطلوبه ل والدتي واخواتي ؟؟ هما قالو اتعاملو مع مكتب "تساهيل" بس المكتب بتحجزله ميعاد عالنت و ده بعد استيفاء كل الاوراق تقريبا... بس هي ايه الاوراق ؟؟ ياريت حد يفيدنا بالتفصيل الممل... ايه الاوراق المطلوبه دلوقتي بعد ما التأشيرات وصلت ونجيبها ازاي ونعمل ايه حد يفهمنا رجاء !!

 

[عاطف فايد]

المطلوب الجوازات وصورتين الخلفيه بيضاء وشهادات ميلاد الابناء وقسيمة الزواج بالنسبه االام
يتم حجز موعد فى تسهيل المنيل او التجمع الخامس او مساكن شيراتون
ويتم تسجيل طلب من موقع إنجاز وتسديده بالفيزا وهو يتكلف 10 دولار ونصف ثم بعد ذلك تسدد رسوم التاشيرة بالفيزا ايضا وقيمتها 435 دولار

 

[Ahmed Kamal]

اولا يا محمد انت عندك سوء فهم بالنسبة انك فاهم ان التأشيرات وصلت مصر و ده غلط انما اللى وصل مصر هو الموافقة على طلب الإستقدام و ليس تأشيرات...اولا الموافقة بتتبعت من الجوازات السعودية لمكتب تساهيل فى مصر ثم اعتمادأ على الموافقة بيتم العمل على اجراءات استخراج التأشيرة.. و لكن لو تم فعلا ارسال التأشيرات زى انت ما بتقول يبقى انت بالفعل خلصت كل الاجراءات و فاضل حضرتك تروح تستلم جوازات السفر مختوم فيها التأشيرات من مكتب تساهيل اللى انت خلصت ورقك فيه..( مكتب تساهيل هو الجهة الوحيدة و الوسيط بين الجوازات السعودية و بين المتقدم على تأشيرة زيارة او استقدام من مصر لتخليص الاجراءات داخل مصر)
ثانيا لو اللى اتبعت موافقات و ليس تأشيرات و انت عايز تخلص اجراءات التأشيرات عشان تستلمها يبقى هتروح مكتب تساهيل اللى عنوانه فى القاهرة التجمع الخامس شارع التسعين ( المكتب ده بالذات و بالتحديد لانه احسن مكتب فى التعامل و البساطة و بدون زحام ) و هتاخد معاك ارقام طلب التأشيرات و جوازات السفر لكل من المطلوبين للاستقدام و طبعا شوية نسخ من انواع صور البطاقة و شهادة الميلاد و صور شخصية و هكذا و هناك هما هيظبطولك و يفهموك كل حاجة و هيخلصولك كل حاجة لحد ما يتصلوا عليك و يقولولك تعالى استلم الجوازات و مختوم فيها التأشيرات.
و بالتوفيق

 

[Ahmed Soliman]

تعالى خاص وانا هدلك على جروب تقدر تعرف منه الاجراءات بالظبط عشان مينفعش اعرض على العام
لانك كده في كلام مشمظبوط
زي والدك دفع ٤٠٠٠ ريال وده اكيد مشصحيح لان تكاليف رسوم الاستقدام ٢٠٠٠ ريال فقط لان الطلب اللي بيتعمل بيبقي متضمن اللي والدك هيعملهم استقدام وهم والدتك واتنين من اخواتك