سلام عليكم انا واخد فيزا من سفاره المانيا نوع...

[Ahmed Helal]

سلام عليكم
انا واخد فيزا من سفاره المانيا نوع C " single entry "
حجزت تذكره الذهاب ع طيران Lufthansa الالماني ع طياره يوم ١٩/٩ الساعه ٣:١٠ العصر ال يتوصل فرانكفورت
وكنت حاجز عوده من برشلونه ع طيران آيجين اليوناني مؤكده ومدفوعه وغير قابله للاسترداد
حاجز فندق ف برلين وحاجز اتوبيس فلكس باص من فرانكفورت لبرلين ودافع تمنه
شركه Lufthansa رفضت تطلعني ع الطياره بحجه اني حاجز الذهاب ف تيكت والعوده ف تيكت تاني وقالولي لازم تحجز عوده من عندنا واتقالي بالنص انت رايح تكسر فيزا هناك مع اني اخدتهلم المطار شهاده قيد من الجامعه اني مقيد ف كليه طب بشري ولسه مخلصتش
انا عملت محضر ف شرطه السياحه فالمطار
ايه الاجراءات القانونيه ال ممكن اخدها ضد الشركه عشان كدا خسرت تذكره الذهاب والعرده وحجز الفندق

 

[Sheriif M. Shoukry]

مرديوش يطلعوك من مصر اصلا

 

[Mohammed El-Mesalamy]

ع فكره ده طبيعى جدااا و اجراءات صح
الموضوع ده حصل معايا وكنت رايح فرانكفورت
مع العلم ان تاشيرتى كانت بيزنيس
وحاجز لوفت هانزا
اتسالت قبل ما اركب الطياره على تذكره العوده معادها امتى ومن فين
ولما وصلت المانيا الظابط مرضيش يختملى الا لما عرف انا جاى لمين وهعمل ايه وايه صلتى بالناس اللى رايحلهم و هقعد فين و ايه دليل ان الناس ديه هقابلهم لدرجه انهم طلبوا يشوفوا منى خطاب الدعوة
ولما اتاكد ختملى على الباسبور
ع فكره فى مطار فى البلد اللى كنت رايحها بس مطار صغير سألنى قالى ليه منزلتش عليه قولتله هما اللى حجزولى ومعرفش ان فى مطار فى منهايم اصلا
رد على قال طيب وختم ودخلت
اعتقد انى لو كنت اتلجلت فى اى سؤال كان زمانى راجع على الرحله اللى بعدها
مع العلم انا واخد التاشيره من الرياض

 

[Sam Salah]

اعتقد مَش من حقهم خالص انه يمنعوك طالما معاك تيكت العودة بعض النظر بقى ان تيكت العودة دى على شركه طيران تانيه و اعتقد علشان ان مفيش عندك ترافيل هيستورى فشك فيك بس مَش من حقه يمنعك برضه وعموما لو كان فى شك كانت السفازه اللالمانيه كانت رفضت الفيزا بتاعتك من البدايه وكمان وال من حقه يمنعك ظابط الجوازات فى ألمانيا مَش موظف شركه طيران هنا فى مصر طالما انت معاك تيكت عوده .... الا بقى لو انت تيكت العودة بتاعتك كانت تيكت مَش مؤكده فده كلام تانى !

 

[Ragia Mohamed Abdelmon'em]

Bs ana safrt mn 20 youm frankfurt 3la egypt air w kant el 3awda mn barcelona 3la aegean w 3ady m7slsh haga..bs fe el matar a3do ys2lo 3la kl el tfasel w yshofo kl el 7gozat..f i think msh mn 7a2hom y3mlo m3ak kda

 

[Malika Nassiri]

سؤال: انت هترجع من برشلونة؟؟

 

[Nahla Mohamed Elborai]

علشان حضرتك واخد single entry
يعني تدخل بلد واحدة بس

 

[Mahmoud Atef]

حاجه زفت تبقي ابن ناس ورايح بفلوسك وهتصرف فلوس في البلد اللي رايحها وهتفيدهم ويتنكوا عليك ويقلولك لأ انت جي تعد عندا في الجنه.. علي ايه يعني في ستين داهيه دول كتير معاملتهم محترمه وواضحين

 

[Amr Kamel Seleem]

يا أحمد هلال .. شركة لوفتهانزا زباله زبالة .. عاملوا مراتى و أولادي وحش جدا و هم راجعين من كندا لمصر .. و كل أصدقائي محدش بيحجز عليها ..خاصة الأسر المسلمة و المحجبات و الشباب و كله .. شوف لك شركة طيران تانية

 

[Victor Zakhary]

انت اتغفلت يا معلم

 

[Ahmed Ibrahim]

Omar Samy Mohammed Ahmed Niazy

 

[Abo Ali]

هى شركة الطيران مالها
مش منطقى لانهم هم الى سمحوا بشراء تذكره ذهاب فقط
حاجه غريبه جدا

 

[Victor Zakhary]

معلم هو انت وانت بتقدم على الفيزا كانت هى دى التذكرة ولا كنت ضارب ورقة؟

 

[أحمد السيد]

اعمل ثورة و انا جاي معاك

 

[Fouad Aly]

Nothing u can do
And I advice to book other ticket and juts travel
And all tickets u booked it can be change and pay some fine

 

[Khalid Alkady]

Bassem Mohamed El Hady

 

[Muhammed Elkashway]

كنت حجزت عوده من عندهم وخلاص بدل ما تخسر كل ده

 

[Khaled Kandel]

قانونا لازم كنت تسافر بنفس التذكره اللي قدمتها في السفار وقانونا لازم تخطر السفاره في اي تغيير في خطتك .. لكن السفاره مابيحصلش معاها كده وشركات الطيران بتخاف لتاخد غرامة لانها سمحت بتهريب البشر ن دول غير الشينجن وطبعا ده مابيحصلش الا في حالات نادره جدا .. والاجراء ده ممكن يتم من ضباط الجوازات انما من شركه الطيران صعب شويه انما عرفيا وقانونا معاهم حق والحل انك تقدم اعتراض ان دي ظروف قاهره وتحاول تاخد جزء من الفلوس

 

[Alejandro Jóseph Bronceado]

الموظفة اللى عملت معاك كدة جنسيتها ايه ؟

 

[Abdullah Ezzat]

اكتب شكوتك بالعربي والانجليزي والألماني على الصفحة بتاعتهم على الفيس بوك مع شوية دعاية سلبية على الصفحات التانية واعمل شوية شبورة كدة حتلاقيهم بيعوضوك تعويض محترم.