سوال مهم يا جماعه هيه ساعه ترانزيت فى مطار...

[Mohamed Fekry]

سوال مهم يا جماعه هيه ساعه ترانزيت فى مطار ميونخ كافيه ولا كدة الوقت ديق .
حاجه تانيه الواحد بياخد ختم على الباسبور من مطار الترانزيت ولا فى مكان الوصول

 

[Amr Dessouki]

ساعه في ميونيخ تتفع لو محصلش تاخير بتاتا....يعني لو ساعتين افضل ....
الخام بيكون عند الوصول وانت داخل البلد الي هتوصلها ومعاك كل شنطك

 

[Heba Mahmoud]

هي ساعه قليله شويه بس علي حسب بردو الطيران اللي انت مسافر عليه وهل هو مواعيده مظبوطه فعلا ولا لا .. اتأكد الاول عشان متحصلش لخبطه ف الشنط لاقدر الله .. الختم انا اخدته من الترانزيت زمأخدتوهوش من مكان الوصول لان الترانزيت كان ف دوله شنجن بردو

 

[Omar AbdEl-Aziz]

اولاً
ساعة واحده صعب جداً جداً و تكاد تكون مستحيلة
لو التيكيت مقدامكش غيرها و رخيصة جداً مقارنة بالتذاكر التانية و التذكرة تبع نفس شركة الطيران و نفس الحجز و حط تحت الكلام ده ميت خط، ممكن ساعتها تحجزها علي اساس انها لو فاتتك لاي سبب، هيغيرولك التيكيت علي حسابهم
و لو انها مش ميزة برضه لانها حصلت معايا قبل كده اضطريت استني طيارة تاني يوم
يعني ٢٥ ساعة ترانزيت!

 

[Omar AbdEl-Aziz]

بالنسبة للختم
حسب
لو انت طالع من دولة خارج الاتحاد الاوروبي
و رايح دولة في اوروبا و هتنزل ترانزيت في اوروبا برضه ( في حالتك ميونخ) يبقي هتختم في ميونخ و ساعتها ساعة ترانزيت ديه استحاله تبقي كفاية
لو انت رايح من بره الاتحاد الاوروبي لدولة تانيه بره الاتحاد، يبقي مش هتختم

 

[Mohammed Azmy]

ساعة وقت قصير جدا لان فيها رسك عالي انك انت او الشنطة ما تلحقش الطيارة التانية
اما بالنسبة للختم فلو دولة الوصول من دول الاتحاد الاوروبي فحضرتك هاتختم في ميونخ و بعدين تروح الطيران الداخلي اللي هاتركب منه لأي دولة تانية داخل الاتحاد الاوروبي

 

[Amr Dessouki]

الي نازل ترانزيت شنجن وهيكمل لبلد شنجن كهدف نهائي هيتختم له في،بلد الترانزيت ..لأنه هيركب طياره بعد الترانزيت جايه من شنجن ورايحه شنجن فبيعدي في،مطار الترانزيت من مكان فيه الطيارات الي جايه منى كل الدنيا إلا الشنجن و بيروح للجزء في،المطار الي كل طياراته جايه من شنجن ورايحه شنجن وهو بيعدي من الجزء ده للجزء ده بيختم دخول شنجن