E
Ebrahem El Sayed
:: مسافر ::
صباح الفل علي اجمل جروب فالدنيا قبل اي حاجة انا بشكركم كلكم علشان ادتوني الجرئة اني اجرب حاجة جديدة اني اسافر مكان من غير متكون تبع رحلة و بنصح كل الناس لو مسافر فكك من الرحلات علشان بتبقي اشتغالات و بتبقي مقيد ببروجرام عقيم ممكن تعيش اجمل منه لو مع نفسك انا لسة راجع من شرم الشيخ الفجر قعدت ٣ ليالي كانت رحلة جميلة اوييي من اجمل الرحلات اللي طلعتها بصوا هناك البلد فغاية الجمال والروعة والنضافة بس خلي بالكم من حاجتين مهمين اولا لو هتركب تاكسي خليه يشغل العداد قبل ميتحرك علشان بيشتغلوا الناس وممكن تركب ميكروباص متوفر هناك الحاجة التانية لو هتطلع رحلة وانت هناك سواء رحلة بحرية او سفاري في مكاتب في خليج نعمة بتطلع الرحلات د اتفق معاهم علي كل حاجة قبل متطلع الرحلة و اخيرا انا كنت نازل في فندق اسمه oonas dive club د كان تحفة وعلي البحر بس في ناس قالتلي كنت اخدت اي شقة بحوالي ٥٠٠ جنيه اسبوع بس انا مفضلش كدة علشان الفندق مميزاته كتيير انما الشقة انت كدة رايح تخدم نفسك بقي المهم سافروا و لفوا الدنيا السفر د بجد سر السعادة
