ممكن لو حد يعرف يجاوبني؟ انا بكره مسافرة...

[Rula Saad]

ممكن لو حد يعرف يجاوبني؟ انا بكره مسافرة راجعه مصر ع المصرية ومعايا طفلين 9 سنين وسنتين ونص. كم شنطة مسموح حد فاكر؟ اللي أعرفه لكل واحد شنطتين غير شنطة الطيارة. لحد دالوقت عملت 4 شنط كبار وباقي شنط صغيرة بس وحاجاتي كتيرة

 

[Mohammad Elmaghrapy]

كل تذكرة ليها شنطتين و شنطة هاند باج صغيرة في الكبينه بس ده عموما مصر للطيران بس في وجهات معينه السياسه بتختلف. اعتقد هتلاقي كل التفاصيل علي الموقع بتاعهم في جزء سياسة الامتعه

 

[No Ur]

تمام ليكى كدة ٦ كبار كل واحدة ٢٣ كيلو و كل واحد شنطة هند باج ٧ كيلو ..
راجعى الويب سايت بردو واهم حاجة يكون فى حد يساعدك فيهم توصلى بالسلامة

 

[Shery Talaat]

يا جماعه بتختلف.. مصر للطيران بقالها فتره مغيره المعتاد وبتعمل عروض ان ممكن مثلا شنطه واحده والسعر ارخص...التفاصيل كلها موجوده عالتيكت بتاعتك متخديش كلام من حد

 

[Ayman Ahmed]

مصر للطيران عملت تذاكر مخفضة بشنطة واحدة بس خلي بالك لو تذكرتك بشنطة واحدة هتدفعي كتير. اتاكدي من الوزن في التذكرة لان لو تذكرتك من النوع ده هيزعلوكي اوي علي الشنطة التانية

 

[Soumaya Chouchene Ashraf]

بالظبط حتلاقي مكتوب عالتيكت اتغيرت مش دايما شنطتين ٢٣ و شنطة ٨ فيه اللي شنطة كبيرة و شنطة صغيرة حتلاقيها مكتوبة عالتيكت

 

[Rula Saad]

شكرا للجميع. انا لقيت فعلا ف التكيت عندي مكتوب 2 piece ف الذهاب و 1piece ف الإياب. ولحقت بليلة السفر أرجع اوضب الشنط بحيث يبقوا تلاتة واستغنى عن اللي ممكن يستنى. وجيت ومالقيتش اي مشكلة ف المطار وتعقيد وتفتيش زي مابسمع. والشهادة لله دي رابع مرة أطير مع مصر للطيران وتعاملهم راقي وزوء مقارنة بغيرهم و ف المطار دايما بيكونوا كويسين او ع الأقل عاديين الا واحد مرة وحدة بس كان مغلس بس غيره لحق الموقف وعدا كويس. يعني مش زي مابقرا هنا تعليقات كتيرة تتكلم ع المطار والطيران بحاجات سلبية.