انا أخدت رفض من #سفارة_رومانيا# ومش مكتوب سبب...

[Adel Tohamy]

طب لو ينفع حد يكلمنا عن تجربته مع ايزيك سواء حلوه او وحشه عشان انا الموضوع ده محيرني شويه و عمال اسمع اراء مختلفه تماما

 

[Marven Medhat Gergis]

بص هو علي حسب السفارة و علاقتها بايزك يعني انا سافرت البرازيل و مع ايزيك ( فيزا سياحة ) و التشيك مع ايزيك ( تبادل ثقافي ) و لما قدمت بولندا مع ايزيك برضو بنفس كل الخطوات زي التشيك اخدت رفض وكان الابليكيشن سياحة مش تبادل ثقافي .. المهم كلم بتوع ايزيك يبعتوا اميل للسفارة و يفهموهم انت هتعمل ايه هناك و كده و يبعتولك invitation letter and accommodation letter و شوف بقي لو تعمل تظلم بالورق الجديد

 

[Mohamed Gamal Gemy]

المشكلة ان رومانيا مالهاش فيزا من مصر غير بدعوة
ف سمعه ايزك للمصريين هناك بقيت زبالة عشان مابيرجعوش ف تقريبا كدا قررو يلغوها او مايقبلوهاش
ف المقابل لو قدمت دعوة شخصيه مش هتترفض لانها اصلا هتكون موثقه من الخارجية هناك انهم موافقين بيك ف مابيكونش ليهم اى يد ف انهم يرفضوك والا هترفع قضيه عليهم هناك ف بيوافقو
قدم شنجن بنفس الاوراق وزود حجز فندق
وربنا يعوض عليك ف ال ٦٠ يورو

 

[Gourge Michael]

بالنسبة للناس اللى جاية تحكى ف كلام مالوش اى 70 لازمة مش مرتبط بالحوار اساسا",البوست كان هدفه ازاى اعمل تظلم ف السفارة وللاسف ولا اى حد ادانى معلومة ع الاقل ازاى اعمل تظلم خاصة بسفارة رومانيا.وانا مش عايز اعمل تظلم لهدف اساسى انى اخد الفيزا تانى ,انا عايز اخد حقى منهم بشتى الطرق,ازاى يقبلوا منى الفايل بتاعى وياخدوا المصاريف وبعدها يقوليلى فيه مشاكل ف المنظمه هناك,طيب ماكان يقولوا من الاول وانا هتقبل ده او حتى يعرفونى ,ولا هى سياسة قذرة خاصة الموظف المصرى الوحيد اللى شغال هناك ف السفارة اللى اسلوبة زى الخرة مع المصريين ,انا يعلم الله كان قدامى ست كبيرة كان بيتعامل معاها معاملة قذرة, وبيعلى صوته وبيشخط على الفاضى وانا اليوم ده شديت معاه وفهمته بالطريقة انه الموافقة مش قايمة عليه

 

[Eslam Gamal]

Gourge Michael انت ممكن تطلع فيزة اى دولة عادى بدعوة ايزك على حسب السفارة عايزاها متوثقة من الخارجية او عايزة ختم المنظمة و امضا بس ولا لا وده بيختلف من سفارة لسفارة ، وده ، اللى لازو تعرفه من السفارة قبلها ده ردى عالناس اللى بتفتى وتقولك مينفعش تسافر بدعوة ايزك وكان لازم تقدم سياحة عادى . سبب رفضك ان كان فيه ناس كتير جدا مقدمة تبع ايزك رومانيا السنة ديه بعدد فوق الطبيعى لان معظم الناس بتختار تسافر رومانيا لانهم دولة اتحاد اوروبى وسهلة وبتسهل فى التقديم على الشنجن وكل سفارة ليها عدد فيز معينة بيطلع سياحة او تبادل ثقاافى وبينقو الناس اللى احتمال انهم يكسرو اقل من الباقى وممكن يرفضو كلله وده اللى المفروض ايزك مصر تكون عارفاه ، ديه غلطتهم الوحيدة فالموضوع ده ضر الناس اللى قدمت . بالنسبة لسؤالك عن التظلم فنصيحتى انك متقدمش عشان هيترفض غالبا وهياخدو منك الف جنيه برده، فهما السفارات اللى هنا فىمصر عايشين عالسمسرة ديه . واخر حاجة متخليش موظف جربوع فى السفارة يكلمك باسلوب مش كويس ، لو سبتله الدين ميقدرش يعملك حاجة هو اساسا بيلم ورق وفاكر نفسه قنصل الدولة هنا فى مصر