سؤال بعد إذنكم: لو حد معاه فيزا شنجن طالعة من...

[Mohamed El Tahan]

سؤال بعد إذنكم: لو حد معاه فيزا شنجن طالعة من سفارة فرنسا multiple entries
ممكن يسافر على برشلونة الأول لو حاجز عودة من باريس
ولا لازم اول بلد يدخلها هي فرنسا؟

 

[Tarek Mohamed]

عادي
بس يفضل علي باريس الاول

 

[Moatasm Fawzy AbdAllah]

خدنى معاك يا سي جوني

 

[Yahia EL Taras]

لو خد صحابه معاه .. ربنا حيسهله .. وممكن يطلع من أي حتة

 

[Moatasm Fawzy AbdAllah]

انا بقول كدة برضك

 

[Mohamed El Tahan]

مش انا والله
لو أنا كنت هخلي حد يسألي

 

[Ashraf Abdou]

عادي ما فيش اي مشكلة
بس ممكن ضابط الجوازات يكون رخم شوية ويسال ليه بدأت ببرشلونة وفِي اي مكان رائح وعندك حجز
لازم تكون جاهز باجوبتك
وبين له انك واثق من نفسك
وكتير من ضباط الجوازات أساسا مش بيهتم ان داخل أوروبا من اي بلد

 

[Aly Seyam]

عادي يا طحان بس يفضل تكون ترانزيت عشان متترفضش بعد كده

 

[Abdel Hamid Elbeltagi]

اسمع المفيد لو داخل بلد غير ال أصدرت التاشيره عادي بس لازم يكون ورقك كامل كما لو كنت بتقدم علي تاشيره زي تامين السفر يكون معك حجز الفندق تيكيت زهاب وعوده مبلغ مالي

 

[Essam Elmasry]

لا لا لا لا ...لازم اول بلد تدخليها هى البلد اللي طلعتى منها الفيزا... لازم... فى السفرية التانية مش مهم

 

[Andrew Mansour]

لازم باريس الاول تاخد ختم و بعدين انشالله تروح بلغاريا محدش هيقولك حاجه

 

[Ahmed Samir]

ممكن تدخل من برشلونة تخرج من باريس بس ورق حجوزات الطيران و الإقامة يكون معاك عشان ساعات الجوازات بيرخموا (حتى لو داخل و خارج من باريس مثلا)

 

[Nehal Shalaby]

الطبيعي ان الناس بتاخد التأشيرة من البلد اللي هتقضي فيها وقت اكبر.. لكن مش ممنوع تدخل او تخرج من اي دولة بس لازم تاخد ختم البلد اللي اخدت منها التأشيرة ولو مأخدتهاش محدش هيوقفك لكن بعد كده لو طلبتها تاني هيبقى موقفك مشكوك فيه ومش هتاخدها بسهولة

 

[Amr Dessouki]

ممكن وانت بتاخد الفيزا من سفاره فرنسا المره الجايه يقول لك انت جاي لنا ليه روح خدها من سفاره اسبانيا

 

[Nihal Issa]

اعتقد و الله اعلم لازم الباسبور يتختم بختم premiere entrè من فرنسا و بعدين لف زي ما انت عايز

 

[Mostafa Yousri]

ازاي يا جماعه الناس الي بتقول لازم تدخل الاول من فرنسا و هما ف الابليكيشن بيسالوك اول بلد هتدخلها اي و ممكن تختار اسبانيا لو كدا مكنوش سالو اصلل السوال دا و بعدها بيسالوك اكتر بلد هتقعد فيها دا ف البليكيشن

 

[Osama Arab]

لا مفيش مشكله

 

[Rock Pop]

علشان تعرف الاجابه بالنسبه لك اتصل بالسفاره لان هنا حتلاقى مليون اجابه مختلفه ..... كل واحد سافر اتصرف بطريقه مختلفه و ابقى لو سمحت اكتب رد السفاره هنا علشان كلنا نعرف الاجابه ... رحله سعيده

 

[Ahmed Mokhtar]

الالتزام بالسفر الى الدولة التي حصلت على تأشيرتها مباشرة
تاِشيرة السياحة الصادرة من دولة من دول الاتحاد الاوروبي والتي يطلق عليها الشنجن تعني امكانية دخول هذا الشخص الحامل للتأشيرة الى جميع دول الاتحاد الاوروبي
والتنقل بها بحرية طوال مدة سريات وصلاحية التأشيرة بشرط ..
السفر اولا ومباشرة الى الدولة التي اعطتك سفارتها تأشيرة الدخول ..
فمثلا لو حصلت شخص على تأشيرة سياحة لفرنسا ( شنجن ) فلا يجوز له السفر بتلك التأشيرة مباشرة الى ايطاليا او اسبانيا او اي دولة اخرى غير فرنسا ..
بل يجب عليه السفر اولا الى فرنسا ثم الانتقال من فرنسا الى اي دولة من دول الاتحاد الاوروبي .