H
Hamdy Shaban
:: مسافر ::
الدليل المختصر لأى حد عاوز يطلع على دهب ^_^
أنا رحت دهب كتييير ، منهم رحلات مع نفسى و رحلات مع جروب ، و رحلات انا اللى منظمهاااااا .. فهحاول انقل كل الى اعرفه بطريقة بسيطة بحيث لو حد حابب ينطلق
بغض النظر عن انها بقت موضة و لمت جدا الفترة الاخيرة .. بس هيا تستاهل انك تروحها بصراحة و لو جربت مرة هتروح دايما <3
ندخل فى الموضوع علطول بقا :
هنقسم الموضوع لــ 4 نقاط اساسية (المواصلات - الاقامة - الخروجات - الأكل)
_________________________________________
1-( المواصلات) قدامك شرق الدلتا أو جو باص أو السوبر جيت . الاسعار بتبدأ من 115 جنيه فنقول مثلا متوسط 250 جنيه رايح جى . و حاول تحجز قبلها بـ يومين على الاقل .
- سافر بعد الساعة 12 بليل عشان تبدأ يوم من أوله هناك و هتروح بعد 12 الظهر عشان الـ checkout من الفندق بس ممكن تنطلق بردة باقى اليوم بس هيكون معاك شنطك
-هتحتاج حجز فندق قبل ما تسافر و دة ممكن تحجزه ايميل عشان هيطلب منك فى الكماين و لازم يكون معاك بطاقتك و موقفك من التجنيد هتتسأل عليهم.
المواصلات الداخلية رينج 10 جنيه التاكسى مش منتشر - المنتشر نص نقل و جيب قديم بس حاول متكونش مخصوص ليك لوحدك هتلاقى عربيات ماشية رايحة الاماكن الى انت عاوزها محملة ناس فاركب معاهم
_________________________________________
2-( الأقامة ) : الفنادق نوعين هتختار منهم حسب شخصيتك و هدفك من الرحلة وكل نوع فيه الغالى و الرخيص فهدى مثال للغالى و مثال للرخيص
*فنادق قريبة من وسط البلد أو الممشى السياحى و دى لو انت عاوز متكونش محكوم بوقت تخرج وقت ما تحب و تنطلق براحتك وانا بفضل دة طبعا زى (ديارنا و أكاسيا)
* و فنادق قريبة من اماكن الشواطئ المميزة و دى لو انت رايح تستجم و تبعد عن زحمة البلد الى هيا فى الغالب مش زحمة يعنى
زى (ميامى و تروبيتال)
-فخلينا فى النوع الأول أفضل لانه هيسهل عليك التحرك كتيير و كشخص عاوز يوفر فقدامك خيارين:
الأول: قرية بنجوين و دى ممكن تلاقى ليلة فيها ب 100 مش مكيفة شاملة الافطار
التانى: فندق ديارنا هتكون الليلة بالافطار ب 150 مكيفة وفندق لطيف و بيتوتى كدة
** كدة يبقى مواصلاتك 250 + 3 ليلالى فى فندق مكيف بـ 450 يعنى 700 جنيه دة fixed cost مش هتقلل عنها كتير عموما و النقطتين الجايين أنت وشطارتك بقا تقلل فيهم براحتك
____________________________________________
3- (الخروجات) 4 حاجات بردة (بحر - جبل - ممشى - كافيهات ومطاعم)
*الشواطئ المميزة فى دهب 4
Blue hole - abo galom - blue laguna - 3 pools
اول 3 ممكن تروحهم فى رحلة واحدة هتكلفك من 100 الى 150 جنيه فهتقضى اليوم كامل هناك من 10 الصبح لحد 7 بليل هترجع خلصان اليوم دة بس هتستمع جدا خلالهم
بتبدأ بالبلو هول بعدين مركب لمحمية أبو جالوم و منها مواصلة لشاطئ اللاجونا ودة شاطى رملى جميل فيه لعبة زى البانانا كدة تحفة و فيها تزحلق على المياه وكدة
و3pools ممكن تروحه لوحده فى يوم و تعمل سفارى معاه الى وادى جنى هيكلفك بردة من 100 الى 150 جنيه بالسفارى
يبقى ممكن الاتنين مع بعض فى حدود 250 جنيه
*سهرة الجبل نوعين: نوع هادى و مستكين و تكون انت والنجوم و هواك والراجل البدوى الى بيعزف والشاى أو هيصة و دوشة ورقص بدوى و ممكن اكل كمان فبردة انت و مزاجك و بتكون السهرة ب 50 جنيه
*الممشى السياحى مش هتحتاجله مواصلة لو انت فندق قريب و هتعيش حياتك بقا اسعار كويسة نسبيا بالنسبة لمدينة سياحية و ناس لطيفة و عاوزة تبيع
ممكن تروح اماكن زى وادى الوشواشى و دة قريب من نويبع رحلته هتعمل 150 جنيه
وممكن تأجر يخت لو جروب . أو عجل هناك منتشر بردة والساعة ب 25 جنيه
______________________________________________
4-(كافيهات و مطاعم) فى الممشى السياحى حلوين جدا و عالبحر قعدتهم لطيفة بس قبل ما تدخل مطعم اعرف هتاكل ايه و هتدفع ايه لان فى اماكن بالحب يعنى مثلا انا دخلت مطعم "ابو علاء" أكلت وجبة ميكس سى فود ب 100جنيه جمبرى و فيليه و سبيط و زودت سمكة ب 30 بالاتفاق قبل ما ادخل والدنيا مشت تمام ودفعت 130 مفيش غيرهم .. مطعم تانى دخلت طلبت ميكس جريل و مشروب بيقولى 200 جنيه ! قولتله انته غاليين و بتاع نزلى 50 جنيه كاملة فأسأل قبل متلبس .
وفى مطاعم تانية زى yumyum و king chicken الناس بتشكر فيه لكن محبتوش الحقيقة
______________________________________________
كدة رحلتك اتكلفت 700 اقامة و 300 فسح و 250 أكل يعنى 1250
لو انت عاوز تريح دماغك هتلاقى رحلات رينج 1000 جنيه موفرالك اكل فطار وعشا ومواصلات واقامة فهيكون فى بند الفسح زيادة 300 مثلا ، فهيا هيا
_______________________________________________
أنا رحت دهب كتييير ، منهم رحلات مع نفسى و رحلات مع جروب ، و رحلات انا اللى منظمهاااااا .. فهحاول انقل كل الى اعرفه بطريقة بسيطة بحيث لو حد حابب ينطلق
بغض النظر عن انها بقت موضة و لمت جدا الفترة الاخيرة .. بس هيا تستاهل انك تروحها بصراحة و لو جربت مرة هتروح دايما <3
ندخل فى الموضوع علطول بقا :
هنقسم الموضوع لــ 4 نقاط اساسية (المواصلات - الاقامة - الخروجات - الأكل)
_________________________________________
1-( المواصلات) قدامك شرق الدلتا أو جو باص أو السوبر جيت . الاسعار بتبدأ من 115 جنيه فنقول مثلا متوسط 250 جنيه رايح جى . و حاول تحجز قبلها بـ يومين على الاقل .
- سافر بعد الساعة 12 بليل عشان تبدأ يوم من أوله هناك و هتروح بعد 12 الظهر عشان الـ checkout من الفندق بس ممكن تنطلق بردة باقى اليوم بس هيكون معاك شنطك
-هتحتاج حجز فندق قبل ما تسافر و دة ممكن تحجزه ايميل عشان هيطلب منك فى الكماين و لازم يكون معاك بطاقتك و موقفك من التجنيد هتتسأل عليهم.
المواصلات الداخلية رينج 10 جنيه التاكسى مش منتشر - المنتشر نص نقل و جيب قديم بس حاول متكونش مخصوص ليك لوحدك هتلاقى عربيات ماشية رايحة الاماكن الى انت عاوزها محملة ناس فاركب معاهم
_________________________________________
2-( الأقامة ) : الفنادق نوعين هتختار منهم حسب شخصيتك و هدفك من الرحلة وكل نوع فيه الغالى و الرخيص فهدى مثال للغالى و مثال للرخيص
*فنادق قريبة من وسط البلد أو الممشى السياحى و دى لو انت عاوز متكونش محكوم بوقت تخرج وقت ما تحب و تنطلق براحتك وانا بفضل دة طبعا زى (ديارنا و أكاسيا)
* و فنادق قريبة من اماكن الشواطئ المميزة و دى لو انت رايح تستجم و تبعد عن زحمة البلد الى هيا فى الغالب مش زحمة يعنى
زى (ميامى و تروبيتال)-فخلينا فى النوع الأول أفضل لانه هيسهل عليك التحرك كتيير و كشخص عاوز يوفر فقدامك خيارين:
الأول: قرية بنجوين و دى ممكن تلاقى ليلة فيها ب 100 مش مكيفة شاملة الافطار
التانى: فندق ديارنا هتكون الليلة بالافطار ب 150 مكيفة وفندق لطيف و بيتوتى كدة
** كدة يبقى مواصلاتك 250 + 3 ليلالى فى فندق مكيف بـ 450 يعنى 700 جنيه دة fixed cost مش هتقلل عنها كتير عموما و النقطتين الجايين أنت وشطارتك بقا تقلل فيهم براحتك
____________________________________________
3- (الخروجات) 4 حاجات بردة (بحر - جبل - ممشى - كافيهات ومطاعم)
*الشواطئ المميزة فى دهب 4
Blue hole - abo galom - blue laguna - 3 pools
اول 3 ممكن تروحهم فى رحلة واحدة هتكلفك من 100 الى 150 جنيه فهتقضى اليوم كامل هناك من 10 الصبح لحد 7 بليل هترجع خلصان اليوم دة بس هتستمع جدا خلالهم
بتبدأ بالبلو هول بعدين مركب لمحمية أبو جالوم و منها مواصلة لشاطئ اللاجونا ودة شاطى رملى جميل فيه لعبة زى البانانا كدة تحفة و فيها تزحلق على المياه وكدة
و3pools ممكن تروحه لوحده فى يوم و تعمل سفارى معاه الى وادى جنى هيكلفك بردة من 100 الى 150 جنيه بالسفارى
يبقى ممكن الاتنين مع بعض فى حدود 250 جنيه
*سهرة الجبل نوعين: نوع هادى و مستكين و تكون انت والنجوم و هواك
والراجل البدوى الى بيعزف والشاى أو هيصة و دوشة ورقص بدوى و ممكن اكل كمان فبردة انت و مزاجك و بتكون السهرة ب 50 جنيه*الممشى السياحى مش هتحتاجله مواصلة لو انت فندق قريب و هتعيش حياتك بقا اسعار كويسة نسبيا بالنسبة لمدينة سياحية و ناس لطيفة و عاوزة تبيع
ممكن تروح اماكن زى وادى الوشواشى و دة قريب من نويبع رحلته هتعمل 150 جنيه
وممكن تأجر يخت لو جروب . أو عجل هناك منتشر بردة والساعة ب 25 جنيه
______________________________________________
4-(كافيهات و مطاعم) فى الممشى السياحى حلوين جدا و عالبحر قعدتهم لطيفة بس قبل ما تدخل مطعم اعرف هتاكل ايه و هتدفع ايه لان فى اماكن بالحب يعنى مثلا انا دخلت مطعم "ابو علاء" أكلت وجبة ميكس سى فود ب 100جنيه جمبرى و فيليه و سبيط و زودت سمكة ب 30 بالاتفاق قبل ما ادخل والدنيا مشت تمام ودفعت 130 مفيش غيرهم .. مطعم تانى دخلت طلبت ميكس جريل و مشروب بيقولى 200 جنيه ! قولتله انته غاليين و بتاع نزلى 50 جنيه كاملة
فأسأل قبل متلبس .وفى مطاعم تانية زى yumyum و king chicken الناس بتشكر فيه لكن محبتوش الحقيقة
______________________________________________
كدة رحلتك اتكلفت 700 اقامة و 300 فسح و 250 أكل يعنى 1250
لو انت عاوز تريح دماغك هتلاقى رحلات رينج 1000 جنيه موفرالك اكل فطار وعشا ومواصلات واقامة فهيكون فى بند الفسح زيادة 300 مثلا ، فهيا هيا
_______________________________________________