السلام عليكم انا رايح الاهرامات يوم الاحد مع...

  • بادئ الموضوع بادئ الموضوع Mohamed Ali
  • تاريخ البدء تاريخ البدء
عرض العطلة
M

Mohamed Ali

:: مسافر ::
#1
السلام عليكم انا رايح الاهرامات يوم الاحد مع اتنين اجانب في ناس قالتلي اني بخش بالعربية من عند مينا هاوس و عادي ممكن اخش الف بالعربية جوه الكلام ده صح ؟ و لو صح هو هلف حوالين الاهرامات و نتصور و كدا و نشوف ابو الهول وخلاص ؟ و لو غلط انا معايا نمرة واحد هناك اكلمه و هو يظبطنا ولا اية ..شكرا جزيلا
 
#3
و أهم حاجة و انت طالع، اوعي تصدق حد يقلك أن مفيش دخول ولا باركنج للعربية فوق، كلهم نصابين.
اطلع و كمل بالعربية عادي لغاية لما توصل لبوابة الهرم الرئيسية اللي بيدخل الناس منها. بتجيب تذكرة ليم و للعربية و الناس اللي معاك بيدخلوا من البوابات الإلكترونية و انت بتدخل من البوابة مع العربية. هما مبيدخلوش معاك.
و خليك فاكر كويس، مفيش حد جوه بيعمل حاجة ببلاش و مفيش حد تبع هيئة تنشيط السياحة و كله ده اشتغالة و نصب. فخليك مت نفسك و متمشيش ورا حد.
 
#4
زي مالناس قالولك .. العربيه هتتفتش وبعدين تطلع تاخد تكتس ليهم وللعربيه وهما يدخلوا واطلع عادي ومتقفش لحد غير ش السياحه بس ودول هتلاقيهم لابسين رسمي غير كده نصابين هتلاقيهم بيجروا عليك وببقولو اي كلام فكك منهم .. وادخل لف بعربيتك براحتك وابعد عن الباركينج عشان ماليان نصابين اركن عند الهرم عادي
 
#5
خش من قبل الهرم علي مدخل الي بيودي ابو الهول واركن عربيتك هناك ...و ادخل برجلك علي اسطبل خيل بدون ما حد يدخلك ادخل بنفسك ..و اعمل رحله صغيره بالخيل حول الهرم وأبو الهول وبيكون كل واحد ب فرس و واحد من الاسطبل بفرس ...وتلفوا لفه حلوه تصوروا وتهيصوا ..واتفقوا من الاول علي السعر . ممكن كل واحد عشره دولار ..تصوروا وتلفوا لحد تبه ال 9اهرامات....تلاقي الاهرامات التلاته و بجوارهم اهرامات صعبره للبرنسيسات كلهم في كادر واحد....لفه حلوه هيتبسطوا منها انهم يشوفوا الهرم من الصحراء وليس من الإسفلت وتجروا بالخيل وتنبسطوا وتدعوا الولد المرافق خمسين جنيه يظبطكم
 
عرض العطلة
#6
تدخل بالعربيه وتلف براحتك.. حتلاقي بتوع الخيل والجمال هناك هيحاولوا ينصبوا عليك ويقولولك ممنوع علشان ياجرولك كاريته..سيبك منهم
 
#7
شوف مرشد ينزل معاك افضل ..الخرتيه هيبهدلوك. شوف مرشد عربي او انجليزي مش غالي اوي زي اللغات النادره..والناس اللي معاك هينبسطوا اكتر..علي الاقل يديهم معلومه وعارف هيمشيك ازاي ويرحمك من الخرتيه. علي فكره انا مرشد سياحي بس مش في مصر حاليا...لو كش عايز مرشد شوف خرتي يمشي معاك هو هيحميك من باقي الخرتيه..
 
#9
عن تجربه شخصية
بعد الكمين وانت داخل هتلاقي الخرتيه بيشاورلك و يقولولك اركن. دا باركينج
اوعي تدخل بالعربيه. دى اشتغاله. دا اسطبل عشان و يقنعوك ان العربيه مش بتطلع عند الهرم. و ان المواصله الوحيده للصعود هي الكارته.....امشى في طريقك علدى لحد الهرم. بعد التفتيش و قطع التذكره. هتركن العربيه تحت الهرم. وربنا يكون في عونك من الباعه الجائلين و بتوع الجمال و المناديل و التحف و الحاجه الساقعه و ورق البردا و ................
 
#10
فعلا هتلاقى ناس بتوع خيل هيحاولو يوقفوك وكمان لو مش مصوجر الباب ممكن تلاقيه فتح الباب وبقى جوة معاك. اقفل العربية كويس ومتقفش لحد فيهم لحد ما هتوصل اخر المطلع اللى عند مينا هاوس وهتلف يمين مع اتجاه الطريق اللى عاملينه بطوب زى بتاع الحارات زمان. هتلاقى الطريق لف بيك شمال وهتكون قدام الحمامات وهتلاقى هناك تفتيش العربية قبل ما تدخل. الاجانب معاك هيروحو الشباك يقطعو تذاكر الفرد ٨٠ جنيه وتذكرتك ١٠ جنيه والعربية ٥ جنيه.
متنساش انكم متاخدوش شنط سفر معاكم ولو خدتوها خليهم يخدوها معاهم عشان التفتيش لان مش هيسمحولك تسيبها فى العربية وتدخل بيها من غير ما تعدى على الجهاز.
بعد ما العربية هتتفتش هتطلع على طول وتلاقى بوابة دخول السيارات على ايدك اليمين هتدخلها واول ما تدخل تركن فى الباركنج اللى على الشمال وهيكون الاجانب عدو من التفتيش وتقابلهم وتوصيهم ان اللى هيشوف تذاكرهم هيكون وهمة داخلين قبل ما يعدو على جهاز كشف المعادن وبعد كدة ميدوش تذاكرهم لاى حد بعد المكن عشان بتوع الجمال ميشتغلوهومش، واللى هيشوف ابتذاكر بعد كدة هوة بتاع الامن اللى عند معبد ابوالهول لو هتدخلوه وبتاع الامن اللى بيحرس هرم الملكة حتب حرس اللى جنب الهرم الكبير.
هتلاقى جنب كل هرم باركنج هتركن فيه وتنزلو تتفرجو زى ما انتو عايزين عدا ابو الهول هتركن فى باركنج الهرم الثانى وبعد كدة هتنزل المطلع تزور ابوالهول وتطلع تانى تاخد العربية وتمشو عشان كدة خلى ابو الهول فى اخر الزيارة.
ملحوظة: تذاكر دخول الهرم الكبير من جوة ب ٢٠٠ جنيه الفرد الاجنبى و ٢٠ جنيه المصرى والهرم الثانى او الثالث ب ٥٠ جنيه الاجنبى و ١٠ جنيه المصرى فلو عايزين تدخلوها لازم تقطعو تذاكرهم وانتو داخلين والا هيقولك ارجع تانى البوابة الرئيسية بتاعة المينا هاوس عشان تقطعهم.
وكمان دى اسعار التذاكر العادية والطلبة ليهم ٥٠٪ خصم من الاسعار دى شرط انهم يكون معاهم ما يثبت انهم طلبة.
 
عرض العطلة
#13
بتوع الخيل و الجمال خلى بالك نصب في الاسعار على اعلى مستوى اوعى تركب الا لما تتفق وتدفع تذاكر دخول الاهرامات من الداخل وانت داخل من البوابه في تذكرة لكل هرم أنصحك تتدخل الهرم الأصغر
 
#14
ما تخافش من بتوع الخيل دول سماسره ورزله شويه بس لابيعضوا ولا بيسرقوا ..والأمر كله في ايدك مش عجبك الاسعار تمشي ولا فيه اي مشكله وبيخافوا جد ا من بتوع السياحه يعني الي يكلم كلمه زياده قول له هاروح بتوع شرطه السياحه..لان تجربه جوله الخيل حول الهرم فعلا ممتعه جدا والأجانب بالذات مش هتفرق معاهم اوي عشرين دولار انهم يشوفوا الهرم من كذا زاويه
 
#15
ملخص التعليقات ان فيه ناس اسمهم خرتيه ودول اي حد مش لابس ميري . طول مانت ماشي لو قالك يمين ادخل شمال . شمال ادخل يمين هاتلاقي نفسك وصلت للي لابس ميري . ساعتها اسأله وانت مطمن هايدلك علي الصح :)
 
عرض العطلة
#17
العربية بتدخل جوة عادي بتقطع بس بارك العربية وانت داخل جوة وخلي بالك اوووووووي من الخرتجية هناك هيحاولوا يوقفوك عند الميناهاوس او بعده بشوية ويضحكوا عليك بإن ممنوع دخول العربية علشان النصب يبدأ من عندهم بقي وكدة فإنت ولا تعيرهم اي اهتمام وكمل في طريقك وقفل زجاج سيارتك من بعد التفتيش الامني مباشرة وبعد ماتدفع التذاكر والبارك فوق عدي بقي واستمتع جوة رحلة سعيدة
 
عرض العطلة
عرض العطلة
أعلى أسفل
عودة
قائمة