لامؤاخذة يعني بلطيم وجمصة مش واخدين حقهم فى...

[Ahmed Mohamed Mustafa]

لامؤاخذة يعني بلطيم وجمصة مش واخدين حقهم فى الريفيوهات ... وده من ايه لعل المانع خير ^_^
ماتحكولنا تجربتكم مع بلطيم وجمصة ياجدعان
والله انا بروحبلطيم لما تكون هادية جدا وبستمتع هناك جدا ولو شباب فيه هناك ملاعب كرة ولا اسرة فيهملاهى للاطفال وحاجة ممتازة والله
ليه كل ما اجى اقول لصحابي تعالوا نطلعوا بلطيم بيضحكوا ويفتكروا انى بتريق ؟

 

[Moutaz Mohamed]

عشان الاجيال الجديده بتدور علي مستوي معين
عايزه مكان معروف في حفلات و انشطه
و لاسف الاماكن ديه متشبعش رغبتهم

 

[Mohammed Said]

جمصة دا كان مصيف العائلة زمان بس جه عليه فترة وبقي من ازبل الشواطئ علي مستوي الجمهورية بس سمعت مؤخرا انهم بدأو يطورو فيه وبقي اوسخ من الاول

 

[Mohamed Elnady]

بلطيم دي كانت مصيف العيله زمان وكانت بلد حلوه وهاديه ولسه فاكر بيتنا لحد دلوقتي .. يالا ذكريات

 

[محمد الطبلاوي]

UP

 

[Sahar Farrag]

زمان كنا بنروح بلطيم ومرة رحت معسكر مع الجامعة في بلطيم، الحقيقة جمال وبساطة واصالة ومن بلطيم كان في اماكن حولها جميلة ومن راس البر كنا نعمل رحلة لبورسعيد. الكلام ده كان في السبعينات وكانت بورسعيد لسة اطلال. ذكريات جميلة

 

[Eslam Hisham Eatsh]

انا طلعت مره تبع الجامعه بلطيم
ممكن اشارك تجربتى معاك
١. اناس بتنزل حمير البحر تعوم جنبك
٢. فيه جمل كدا بردو بيتمشى ع الشط ع طول
٣. الناس بتغسل غسيلها احيانا ف الميه
٤. الناس بتنزل بعبايات وبيبقى الشكل مش لطيف
٥.الميه من كل الى فوق ده بقى لونها اسووود
٦. اساسا المد عالى جداا وصعب ان تاخد راحتك وتدخل جوه عشان فيه دوامات كتير
اعتقد كفايه كدا

 

[REmaz AHmd]

هى دى اللى صور فيها احمد مكى فيلم حزلقوم

 

[Ahmad Barakat]

بلطيم

 

[Øm Rahmaa]

والله انا طالعه مصيف جمصه كمان اسبوع وكل مااقول لحد يتريق عليا ... بس انا مش بحس ان صيفت غير في جمصه

 

[Drsara Hussein]

للاسف الاماكن دي مهمله جدا و كان فيه امكانيه انها تبقي اماكن كويسه بس للاسف محدش بيهتم بيها انا هتكلم عن جمصه لانها من اقدم المصايف كانت في فتره جميله جدا بس طبعا الاهمال دلوقتي مسيطر عليها و لرخص اسعارها بقت شعبيه جدا و كمان البحر بتاعها رغم ان الشط عليه ممكن يتعمل عليه انشطه كتير بس مهمل جدااا و زباله في كل مكان و مفيش شواطئ خاصه طبعا .دلوقتي الي عاوز خصوصيه يبعد عند 15 مايو مش هيلاقي ناس كتير و طبعا لو بتفكر تروحها متروحش غير في شهر 9 يكون بقت هاديه شويه و ياريت فعلا حد يهتم بالاماكن دي

 

[Hussien Shams Eldin]

جبل النرجس والزهرا واحلي بطيخ وابوون كان احلي مصيف للعائلات في الستينيات والسبعينيات

 

[إسلام اﻷباصيري]

جمصة اتحولت لمنطقة شعبية من الطراز الاول و ده بسبب رخص المعيشة نسبيا مقارنة برأس البر و عدم الاهتمام بها من محافظ الدقهلية و رؤساء مجالس المدينة و دلوقت الناس بدأت تزحف علي دمياط الجديدة عشان الخصوصية اللي بدأت تنهار هناك كمان
اما بلطيم فمازالت محتفظة برونقها القديم و هدوءها الممتاز
كفاية القعدة عند جبل النرجس بعد العصر
و الجيل الجديد اغلب ثقافة الرحلات عنده مستمدة من الميديا و بالاخص الافلام و المسلسلات كمرجع سياحي و ده للاسف اللي مضيع حق اماكن كتير في البلد افضل من خارج مصر بكتير