سموعليكوو انا ايوب من المغرب، جاي مصر يوم...

[Ayoub Ebrahimi]

سموعليكوو انا ايوب من المغرب، جاي مصر يوم الاربعاء انشاءالله، حاعد شهر تقريبا، و كنت عايز اسالكو ، لو في حد يقدر يقترح عليا حاجات واماكن اروحها في القاهرة وسط الاسبوع، و برا القاهرة في اخر الاسبوع، يعني رحلات ٣ ايام مثلا، و لو انت زرت مكان و حبيتو اوي ترشحهولي، و شكرا مقدما

 

[Heba Mohamed]

انت متأكد انك من المغرب ؟
عموما روح دهب في جنوب سينا والجونة بردو تحفة

 

[Oumayma Aynaou]

هههه شكرا يا باش مهندس على المنشور دا

 

[Rëhäb Möhämëd]

Hassan El Sisy

 

[Areej Zedan]

حاول تبعد عن شرم والغردقة ممكن تروح طابا أو دهب أو راس شيطان أو نويبع
وفِي القاهرة لازم تروح المعز الخليلي الكربة وسط البلد

 

[Ala'a Mahmoud]

القاهرة ممكن القلعة والمعز وخان الخليلي ومجمع الأديان والاهرامات والمتاحف بقى كتيير....
برا القاهرة كتييييييير اوي اوي وحسب انت عايز رحلة ترفيهية ولا تاريخية يعني آثار وكدة

 

[Assma HaMed]

القاهرة (شارع المعز - القلعة-قصر عابدين -المتحف المصري -الاهرامات
-البرج )كل الأماكن دي تتراح من الصبح بدري ... خارج القاهرة في الفارة حالية صيف وحر ممكن تطلع العين السخنة - مرسي عالم -دهب -الغردقة)

 

[Riham Mohamed]

روح صيف في مكان بعد ما تزور القاهرة لانها حر الصبح

 

[Samar S. Mohamed]

هههههههههههههه انت متاكد انك من المغرب
احية قول شبرا
ع العموم تنور

 

[Mona Moussa]

اهم حاجة في الموضوع تلف القاهرة :-D

 

[Mohamed A. Zaki]

سموعليكو و المغرب دونت ميكس

عموماً القاهرة لو تحب اماكن تاريخية عندك المتحف المصري و منطقة المعز و القلعة و مجمع الاديان و الاهرامات (بس يفضل في الاهرامات مع اصدقاء او مرافقين مصريين)
غير تاريخية برج القاهرة و المقطم (هضبة بتشوف منها كل القاهرة) و بالليل مطاعم او كافيهات على النيل خصوصاً اللي بتكون روف عالفنادق و ممكن يوم مول مصر تروح ski egypt نسخة ski dubai و لو حابب نشاطات في طلعات جروبات بزوارق الكياك في النيل

كدة تعتبر خلصت الاشياء المهمة في القاهرة بعدها ندخل على باقي المحافظات ان شاء الله

 

[Hassan El Sisy]

القاهرة: اهرامات الجيزة وسقارة وممفيس فى يوم، ويوم تانى مصر القديمة والقلعة والسلطان حسن وخان الخليلى والمتحف المصرى.
اسكندرية: قلعة قايتباى وكوم الشقافة والمسرح الرومانى وعمود السوارى ومكتبة الاسكندرية.
اسوان: يوم لزيارة معبد ابوسمبل ويوم تانى لزيارة معبد فيلة والسعدالعالى.
الاقصر: يوم للبر الشرقى وهو معبد الاقصر ومعبد الكرنك
ويوم للبر الغربى لزيارة معبد حتشبسوت وتمثالى ممنون ووادى الملوك.
وممكن بعد كدة تزور الغردقة او شرم او دهب لو بتحب الشواطئ وارجح دهب احسن.
ولو بتحب رحلات السفارى عندك واحة سيوة او الواحات البحرية.

 

[أسيل سعد]

والله انت شكلك من الجيزة وبتشتغلنا :v
اهم حاجة وانت بتتعامل مع التجار انك تحافظ علي اللهجة المصرية عشان بيستغلوا الاغراب

 

[Walid Khalid]

تنور يا صديقي تعالا اسكندريه

 

[Mona El Sayed]

بص هتنبهررررررر اوكسيم بالله
هتنور

 

[Kaoutar El Bransi]

هاي هاي علي المصريه امعلم معا راسك متقرل غا شي اسكندراني هههه بصحتك التسافيره

 

[Mohamed Elgaml]

لازم تزور الريف المصرى

 

[Salah Hamad]

دي موسوعة لافضل الخروجات في القاهرة الكبري
ولو احتاجتك اي حاجة في مصر ابعتلي في اي وقت كلنا هنا اخواتك...
/Bei Facebook anmelden | Facebook

 

[Afaf Galal]

لازم تروح دهب وتاخد لفة ف جنوب سينا عموما دهب وطابا وراس شيطان والوشواشي ونويبع وكاترين .. كلهم مع بعض باكيدج وفي كامب اسمه بساطة حلو جدا ممكن اصلا تقعد هناك وتنسي ترجع بلدكو تاني ولو حابب اي مساعدة هناك تحت امرك

 

[Ahmed Alaa]

اخر اسبوع مره شرم ودهب واخر اسبوع تاني مممكن تروح الاسكندريه والاسبوع التالت الغردقه والرابع اخره ممكن تروح العين السخنه ........ جوا القاهره ممكن تزور المتحاف الاثريه لو ليك في الاثار وممكن المساجد القديمه والمعابد والاهرامات و في clubs في الزمالك ممكن تسهر فيها وكافيهات وبارات علي النيل