واحد صاحبي وصل انجلترا تهريب وبينصحني بيقولي...

[وليد شبانة]

واحد صاحبي وصل انجلترا تهريب وبينصحني بيقولي اوعى تخلي أي حد يسافر تهريب ابدأ حتى أنه بيقول انه كان هيكون من تعداد الموتى مرات عديده
المهم أنه قدر بقدر الله أنه يوصل انجلترا بعد مرار طافح
في إنجلترا كونك مصري يحتم عليك انك متقدمش طلب لجوء ف لو حد مدرك اللي انا قلته
ايه الحل معاه عشان لو اتمسك
ازاي يحصل على أقامه أو جنسية وجزاكم الله خيرا
كمان ايه أفضل الطرق للسفر انجلترا

 

[Alejandro Jóseph Bronceado]

مش بحب افتى بس سمعت انه فيه ناس بتقطع جوازاتها و تقول انها من سورية او العراق والله أعلم

 

[Ahmed Ramadan]

بدال وصل بالسلامه يعيش كدا لحد ما يشوف واحدة يتجوزها او اى طريقه يعمل ورق اهم حاجه ميعملش مشاكل

 

[Hany El Shafie]

يتجوز

 

[Mahmoud Fawzy Aless]

وايه الجديد يعني..
الناس فاكرة انه لما يوصل اوروبا هيوصل للجنه مثلا::؟؟؟
انجلترا بالذات لازم تزبط ورقك

 

[Mohamed Mahmoud]

يبعد عن لندن ع قدر المستطاع. لأنها قلق. يروح مكان هادئ. وفكره أنه يتجوز دي مش سهله ف بدايته كده..يحاول يشوف حد يشغله اسود لحد مايظبط حاله.

 

[Fady Saed]

انجلترا من اصعب الدول الي ممكن يعمل في لجوء او ياخد فيها اقامه لان القانون الانجليزي صعب جدا جدا و مش هيعرف يعيش من غير ورق لان اليومين دول في تفجيرات في لندن والي عمل التفجيرات دي واحد عربي وهيبتدو يرحلو الي معهمش ورق خالص الحل الوحيد ليه لو يعرف يطلع على فرنسا او ايطاليا محدش هناك هيساله علي ورق وينفع يشتغل هناك عادي وانا اعرف ناس شغاله بقالها سنين من غير ورق... وربنا معاه

 

[Taha Mokhtar]

يا باشا المشكله مش في الوصول المشكله حيعمل ايه بعد ما يوصل
الوصول لاي بلد سهل حتفضل تحاول تحاول لحد ما توصل بس المشكله حيعمل ايه بعدها ده اللي مش بنشوفه او مش بنبقي عايزين نشوفه
لو ليه حد هناك حيدله ملهوش ساعتها مصيبته حتبقي مصيبه
لو بعد عن المصريين والعرب حيروح مكان حيبقي غريب فيه وحيقوله منين وفين ولو قعد مع مصريين او عرب ميعرفهمش احتمال انهم يسلموه لله في الله كبيره جدا
الحل الوحيد انه يشوف محامي هناك شغال في المواضيع دي وده حياخد تقله فلوس ونسبه النجاح ضئيله
اما الاخ بتاع قطع باسبورك واعمل سوري فللاسف هو ده عبقريه المصريين فاكرين انهم هما بس المحتكرين للذكاء وان اللي قدامه مختوم علي قفاه
يا فندم الدول دلوقت بقت بتشغل مترجمين في هئيات الاغاثه وادارات اللجوء من اهل البلد والسوري لو عرف انك مش سوري مش حيرحمك وحيقولهم وحتبهدل اوسخ من لو قولتلهم انك مصري السوريين مبيرحموش دول بيبلغوا عن السوريين نفسهم ويقولوا انهم من مناطق امنه علشان يترحلوا وانجلترا بالذات تخصص ترحيل حتي السوريين
من الاخر نصيحه للكل سواء طالع شرعي او تهريب اعرف حتعمل ايه هناك
ومتقولش انا اعرف واحد صاحبي وجارنا وابن شارعنا بقاله كام سنه هناك وحيظبطنا لانك غالبا مش حتشوف وشه ولو شوفته فحتشوف وش تاني
اسف لو كلامي مش حيعجب ناس كتير بس ده الواقع

 

[Kareem Said]

طيب شوفلي صاحبك وصل ازاي وقولي عايز اسافر تهريب

 

[Roma Hany Fouad]

مش فاهمة ازاي تهريب مش رايح طيران وعن طريق مطار ولا تقصد دخل عن طريق بحر

 

[Ahmed Afifi]

مش عارف اجبهالك ازاي انت سالت علي البلد دي قبل متهرب عليها

 

[Amr Kamel Seleem]

ملوش غير الزواج .. فقط لا غير

 

[Mohamed Mahmoud]

جواز ايه ده خيال .لازم تكون بتشتغل وبتدفع ضرائب. وحكايات. انتوا عايشين ف مصر مش عارفين قوانين بريطانيا شكلها اي

 

[Mohamed Mahmoud]

ف ناس قاعده من سنين من غير ورق. ومحدش عارف عنهم حاجه. يحاول .بس هو مايعملش مشاكل. ..كان ممكن يتجوز من اي حد من دول الاتحاد كان هياخد أقامه انجلترا بس خلاص. مبقتش اتحاد.

 

[Ghada Bedair]

انصحه يخرج من انجلترا زي ما دخل .. خساره تعبه حايروح عالارض ويرجعوه لنقطة الصفر ومش حايعرف يدخلها تاني
اخر بلد في اوروبا تفكر تخالف فيها هي انجلترا

 

[Ismail Almaz]

انا سمعت من حد بس مش فاكر كان انهس دولة اوربية انه الحل الوحيد للتغلب عل مشكلة انه في الاصل كان مخالف انه لي حتحوزها تحمل منه وبذلك بيرضوا

 

[Yusuf A Mahmoud Fahmy]

الناس بتقول ان كونك مصري لا يمكن تقدم لجوء وبيقولوها بكل ثقة وأنا أعرف ٣ مصريين قدموا لجوء في انجلترا ٢ منهم اتقبلوا وواحد منهم اترفض

 

[Mohamed Mahmoud]

لا ممكن تقدم وذيك ذي إي جنسيه. وأنت وتقديرهم لموضوعك

 

[Antonio Berbatov]

ملهاش حل غير الجواز

 

[Ismail Almaz]

اللجوء ليه اسباب كتيرة لو عل مشاكل بلدك فمصر ملهاش اما لو مشاكل شخصية مثلا مهدد بالقتل في بلدك او سجن او حتى نت شحص كش امن عل نفسك بسبب تفكيرك.واسلوب حياتك فده شيء مفتوح وبناء عل تقديرهم