انهاردة هكتب عن تجربتي مع فندق بورتو الجبل في...

  • بادئ الموضوع بادئ الموضوع Ahmed Gamal
  • تاريخ البدء تاريخ البدء
عرض العطلة
A

Ahmed Gamal

:: مسافر ::
#1
انهاردة هكتب عن تجربتي مع فندق بورتو الجبل في بورتو سخنة ( تجربة سيئة جدا و منصحش حد بيه ابدا ) .. يريت الي ليه تجارب مع الفندق ده يكتبلنا برده
 
#4
بورتو السخنة الابراج الي علي البحر كانت تجربة معقول مع بعض السلبيات يعني 7/10
ياريت حضرتك تقو تفاصيل اكتر عشان نعرف سبب التقييم و التحذير
ثانيا ممكن تكتب ريفيو بتجربتك معاهم علي تريب ادفايزور و بوكينج لو كنت حاجز منه و الاهم ابعت ايميل شكوي للادارة نفسها
 
#5
انا روحت بورتو السخنه الاهرامات وكانت سيئه جدا جدا الشاليهكان مش نضيف والعفش متهالك والمياه قطعت علينا مرتين فى نفس اليوم تجربه لن تتكرر
 
عرض العطلة
#8
انا بحاول اكتب علي الجروب بس الظاهر قافلين الكومنتات
BaplA689HH2758IQOWcoj2HMnyhSGEcV.jpeg
 
#9
عموما المكان كطبيعة رائعة و الفيو روعة .. الفندق صغير نوعا ما ، عملت حجز من علي بوكينج في الويك اند ٣ ايام بحوالي ٣ الاف و كسور و ده طبعا مبلغ كبير علي فندق تصنيفه ٣ نجوم اعتقادا أن الخدمة ممتازة ، اول ما رحنا الريسبشنست قلنا الغرف هتكون خلفية مش علي البحر مع ان الفندق كان شبه فاضي ، بعد كلام مع المدير هناك اسمه محمد قلنا خلاص هخليها جانبية علي البحر .. الحجز كان وجبتين كمان مش full board ، الفندق مطعمه مش مجهز و المدير قلنا هتنزلوا تاكلوا في مطعم بورتو تحت اوبن بوفيه ! او نطلعلكوا وجبات جاهزة .. قلنا لا طبعا اوبن بوفيه .. قلناله طب في عربية هتوصلنا قالنا لا بعربيتكوا الخاصة !!! و طبعا الفندق يبعد اكتر من ٢ كيلو عن السخنة علي قمة الجبل فلك ان تتخيل انك طالع نازل الجبل بالعربية .. و موتورها علي قده و سخنت و غيرنا زيت لكن ربنا ستر ... مع ان الفندق في سيارة و لكنهم رفضوا ... غير كده مبينزلوش مياه في الغرف !! و لما اتصلنا بيهم بعتلنا زجاجتين صغيرين :D و قالنا ده اول يوم بس !!!! ده غير الغرف الي كلها تراب و الملايات الي متغيرتش غير لما اتصلت و اشتكيت ... يعني لو هيطردونا مكونوش هيعملوا كده ... الطبيعة و المكان رائعين بس للاسف إدارة المكان كانوا بيحاولوا يكدرونا بأي شكل !!!! مش عارف ليه !!
مع ان الفندق كان فاضي و مفيش غيرنا تقريبا !!!
بعد التجربة دي قفلت من السخنة و فنادق عامر جروب كلها و منصحش اي حد يروح لان مقارنة بفنادق شرم و الغردقة مثلا هتدفع اقل و هتاخد خدمة ممتازة و full board كمان !
 
عرض العطلة
#11
طيب ممكن اللي جرب فندق كويس في بورتو السخنة يقول... عشان اخويا جاي من السفر بره وعايز في شهر 9 نروح سوا...وشكرا ^-^
 
عرض العطلة
عرض العطلة
أعلى أسفل
عودة
قائمة