بصوا بقي ..صباح الخير اولا ☺ دي اول مرة اكتب...

  • بادئ الموضوع بادئ الموضوع Wesam Adel Tork
  • تاريخ البدء تاريخ البدء
عرض العطلة
W

Wesam Adel Tork

:: مسافر ::
#1
بصوا بقي ..صباح الخير اولا ☺
دي اول مرة اكتب هنا فعايزة مساعدة من فطاحلة السفر هنا

انا نويت اني اسفر بابا وماما رحلة لاوروبا..هما عمرهم ما سافروا برة مصر الا مرتين لندن وامريكا بس كانوا شغل..خلاص هما معاش ونفسي اظبطهم بقي

بما اني ما سافرتش اوروبا قبل كدة..فعايزاكم تجوبوا علي كام سؤال كدة

١- لو عايزة اوديهم ٣ دول مثلا..محتاجة كام يوم؟..ايه احلي دول؟..ميزانية تقريبية كدة؟ التنقلات تبقي ازاي؟
٢- اروح مع شركة ولا انظمها انا بنفسي؟
٣- لو حصلتلي ظروف ومعرفتش اروح معاهم..في مثلا tour guide هناك ادفعله اونلاين ويبقي حد مسئول عنهم في كل بلد؟
٤- احجز فنادق..ولا ارخص اني اتعامل مع airbnb مثلا..ولا حيبقي بهدلة لهم؟
٥- اشوف رحلة بحرية مثلا اللي بتودي اليونان وايطاليا وكدة...ولا الفكرة التانية احسن؟ ولو حد جربها قبل كدة يقول رأيه
٦- ايا كان اختيارتكم اييه..قولولي احسن توقيت مثلا ممكن احجز فيه

اسئلة كتير معلش☺ بس ياريت تساعدوني..اصلا حاسة في حاجات تانية عايزة اسال فيها بس مش فاكرة
اللي يفتكر تفصيلة مهمة يقوللي

شكرا مقدما
 
#2
١- ٩ ليالي ، ميزانية في حدود ٢٥ الف و من الخريطة اختاري ٣ مدن قريبة يكون التنقل بالاتوبيسات كويس جداً
٢- التنظيم سهل مش محتاج شركة
٣- ممكن عمل برنامج يمشوا عليه مش محتاجة مرشد
٤- airbnb
٥- !!!
٦- أفضل توقيت للسفر من وجهة نظري شهر أكتوبر
 
#3
اقترح تكون بلد واحده او اتنين بالكتير عشان بعد سن الستين صحتهم لا تسمح بالتنقل كتير و مطارات و شنط و كده
 
#4
مافيش احسن وأسوأ . كلها خبرات وكل واحد وذوقه لكن لو انا هحجز لابويه وامي. هحجز لهم Cruise على Aida مثلا. يروحوا ايطاليا كرواتيا واليونان مثلا. الرحله بيكون دايما عليها مرشد وفعلا حاجه كويسه جدا. انا عن نفسي عملتها مره واتبسط جدا..
 
عرض العطلة
#8
من رأيي تخليها مدينه وحده لمدة أسبوع مثلاً ولو بالصيف هولندا حلوه واحجزيلهم فندق وتأكدي ان الغرفه تكون فيها ثلاجه.
الميزانية انتي تحدديها شوفي اول شي تذاكر السفر كم راح تكلفك و حددي التواريخ وبعدين قارني بين أسعار الفنادق. الباقي راح يكون مصاريف شخصيه الواحد يقدر يتحكم فيها. جربي موقع expedia تذاكر مع هوتيل فيه عروض حلوه عالباكيج
 
عرض العطلة
#11
المانيا والنمسا وسويسرا.جنب بعض وروعه واحسن ما في اوروبا وتقدري تحجزي القطارات من النت والطيران والفنادق والرحلات من trip advisorومش محتاجه مساعده من حد وتقدري تعملي سيرش وتظبطي كل حاجه وتحطي جدول كل يوم هتعملي ايه وهاتكلي ايه وهيكلفك كام .الموضوع بسيط والشعوب دي محترمه وفي كل بلد اول ما بتنزلي مطار او محطه قطار هتلاقي مركز خدمه سياح هيساعدوكي في كل شيء وهيدوكي خرايط ودي مهمه جدا ويرتبولك كل حاجه وامان جدا وهتحسي انك في الجنه ودول تقريبا اجمل ما اوروبا واقرب لبعض
 
#14
اولا فكره رائعه..لكن الاهم تكوني معهم علشان يتفسحوا كويس و علشان اي طارئ..الافضل تعرفي اهتمامتهم في السفر..متاحف يعني باريس..طبيعه خلابه سويسرا و فينيس و الافضل لو دوليتين بكونوا جنب بعض..يعني باريس و جينيف..او سويسرا و منها قطار برنينا الي شمال ايطاليا و منها الي فينيس ..اولا مكان السفر لازم يكون تجربه فريده من نوعها في الطبيعه و المعمار و المواصلات..علشان يحسوا انها رحله مميزه و يحكوا عنها لما يرجعوا..سويسرا رائعه لان معظم الاماكن بقطارات بانوراما و جولات بالمراكب في البحيرات ..و فينيس ممكن يومين...بالتوفيق
 
#15
النمسا وبيروحوا تشيك ريببليك وسالزبرج بالقطار
او اسبانيا وهولندا بالقطار برضه
الأسعار لازم تسالى لانى مطلعتش من زمان
 
عرض العطلة
#16
بصي بما انهم علي المعاش يبقوا مش بتوع مراكب وطيارات ومطارات كتير تختاري بلد واحد المانيا او فرنسا او اسبانيا واعملي فيها برنامج ليهم يروحوا كذا ولايه وهتبقي حلوه قوي
طالما نويتي علي اوروبا يبقي الشهر الجاي واللي بعده بالكتير قوي لان البرد هيزعجهم والامطار
 
عرض العطلة
عرض العطلة
أعلى أسفل
عودة
قائمة