E
Eman Elhelw
:: مسافر ::
السلام عليكم ... دى مشكلة حصلت معايا الجمعة اللى فاتت مع فندق صني دايز بالم دي ميريت الغردقة , انا بقول المشكلة علشان اعرف انا غلطت في ايه فى الحجز ولو ليا حق فعلا ولا لا . مع العلم ان دى أول مرة احجز من بوكينج .
اسفة ان البوست طويل .....
دلوقتى انا كنت عايزة احجز من بوكينج 3 ليالي 4 ايام في صني دايز البلاسيو لان قرايبى نزلوا فيه وشكروا فيه , دورت ع الموقع كتير عن اسم الفندق ملاقيتش غير صني دايز بالم دي ميريت وعرفت انهم تبع بعض وجنب بعض تقريبا فقلت مش مشكلة هحجز فيه .
دخلت على بوكينج وفضلت ادور على الاسعار والاوض اللى تناسبنا لاني رايحة مع اسرتي وعددنا 6 افراد , شوفت الاوض لقيت سعر الاوضة الثنائية فى المدة اللى عايزاها تقريبا 2500 فحجزت 3 غرف مكونتش عارفة اني لازم ادخل عدد الافراد فى الغرف بس الاكيد اني جربت مرة انى ادخل عدد 1 فرد فى الاوضة ومرة دخلت عدد 2 فرد فى الاوضة واداني نفس السعر فحجزت 3 غرف من غير ما اركز في عدد الافراد اللى مدخلاها باعتبار انها واحد والمهم عدد الاوض مش الافراد . خلال الاسبوع اللى كنت بحجز فيه ده (لاني قعدت كذا يوم بدور فى اسعار الفندق واتأكد من كل حاجة ) كنت تقريبا يومياً بتصل بالفندق علشان افهم منه وعلشان اسأله عن حجز البلاسيو , مرتين الخط يتفتح وأول ما اتكلم يتقفل في وشنا ده غير المرات اللى كان مشغول او مش بيرد وعرفت ان معاد الرسيبشن من 9 -5 فاتصلت ع الظهر كذا مرة برده محدش رد علينا (مع العلم الارقام كلها اللى اتصلت بيها من موقعهم وصفحتهم على الفيس بوك) .
فى النهاية توكلت ع الله وحجزت الايام اللى عايزاها واكدت الحجز وسافرنا الجمعة ,
وصلنا تقريبا ع الساعة 4.5 او 5 رايحة اسأل ع الحجز في الأوتيل لقيته بيقولي انتى حاجزة ل3 أفراد بس مش 6 افراد وان لو هدخل 6 افراد السعر هيزيد تقريبا الضعف .
قلتله ازاى انا حاجزة 3 غرف ثنائية قالى ثنائية دى اسم الغرفة لكن انتى مدخلة 3 افراد مش 6 قلتله ازاى الغرفة فيها سرير كبير او سريرين صغيرين وانا مختارة كل اوضة سريرين يبقى ازاى مش ثنائية وانا بحجز بالغرفة مش بالافراد قالى لا لو هتدخلى 6 افراد يبقى الاوضة تقريبا هتبقى 4800 جنيه , قلتله انا اتصلت كتير علشان اتأكد منكم من حاجات كتير ومحدش رد ومرات الخط بيتفتح ويتقفل تاني قالى لا احنا شغالين والخط شغال عادى .
من شروط الحجز على بوكينج اني لو كنسلت الحجز هدفع سعر أول ليلة فأخويا قاله دلوقتى احنا يا هندخل 6 افراد بالسعر اللى حاجزين بيه أو هنلغى الحجز راح قال خلاص ألغيلكم الحجز ومن غير دفع فلوس أول ليلة وفعلا لغينا الحجز . وقعدنا ساعتين ندور على فندق تاني لان كل الفنادق تقريبا كانت كومبليت لحد ما لاقينا حاجة مستواها قليل بس هى اللى كانت فاضية فى الوقت ده .
ملخص كلامي ان اخويا كان بيقولى احنا تقريبا غلطنا فى حاجة فى الحجز وانهم ممكن يكونوا صح ولاننا معندناش خبرة فى التعامل مع الموقع , انا مش عارفة انا صح ولا هما ؟
اسفة ان البوست طويل .....
دلوقتى انا كنت عايزة احجز من بوكينج 3 ليالي 4 ايام في صني دايز البلاسيو لان قرايبى نزلوا فيه وشكروا فيه , دورت ع الموقع كتير عن اسم الفندق ملاقيتش غير صني دايز بالم دي ميريت وعرفت انهم تبع بعض وجنب بعض تقريبا فقلت مش مشكلة هحجز فيه .
دخلت على بوكينج وفضلت ادور على الاسعار والاوض اللى تناسبنا لاني رايحة مع اسرتي وعددنا 6 افراد , شوفت الاوض لقيت سعر الاوضة الثنائية فى المدة اللى عايزاها تقريبا 2500 فحجزت 3 غرف مكونتش عارفة اني لازم ادخل عدد الافراد فى الغرف بس الاكيد اني جربت مرة انى ادخل عدد 1 فرد فى الاوضة ومرة دخلت عدد 2 فرد فى الاوضة واداني نفس السعر فحجزت 3 غرف من غير ما اركز في عدد الافراد اللى مدخلاها باعتبار انها واحد والمهم عدد الاوض مش الافراد . خلال الاسبوع اللى كنت بحجز فيه ده (لاني قعدت كذا يوم بدور فى اسعار الفندق واتأكد من كل حاجة ) كنت تقريبا يومياً بتصل بالفندق علشان افهم منه وعلشان اسأله عن حجز البلاسيو , مرتين الخط يتفتح وأول ما اتكلم يتقفل في وشنا ده غير المرات اللى كان مشغول او مش بيرد وعرفت ان معاد الرسيبشن من 9 -5 فاتصلت ع الظهر كذا مرة برده محدش رد علينا (مع العلم الارقام كلها اللى اتصلت بيها من موقعهم وصفحتهم على الفيس بوك) .
فى النهاية توكلت ع الله وحجزت الايام اللى عايزاها واكدت الحجز وسافرنا الجمعة ,
وصلنا تقريبا ع الساعة 4.5 او 5 رايحة اسأل ع الحجز في الأوتيل لقيته بيقولي انتى حاجزة ل3 أفراد بس مش 6 افراد وان لو هدخل 6 افراد السعر هيزيد تقريبا الضعف .
قلتله ازاى انا حاجزة 3 غرف ثنائية قالى ثنائية دى اسم الغرفة لكن انتى مدخلة 3 افراد مش 6 قلتله ازاى الغرفة فيها سرير كبير او سريرين صغيرين وانا مختارة كل اوضة سريرين يبقى ازاى مش ثنائية وانا بحجز بالغرفة مش بالافراد قالى لا لو هتدخلى 6 افراد يبقى الاوضة تقريبا هتبقى 4800 جنيه , قلتله انا اتصلت كتير علشان اتأكد منكم من حاجات كتير ومحدش رد ومرات الخط بيتفتح ويتقفل تاني قالى لا احنا شغالين والخط شغال عادى .
من شروط الحجز على بوكينج اني لو كنسلت الحجز هدفع سعر أول ليلة فأخويا قاله دلوقتى احنا يا هندخل 6 افراد بالسعر اللى حاجزين بيه أو هنلغى الحجز راح قال خلاص ألغيلكم الحجز ومن غير دفع فلوس أول ليلة وفعلا لغينا الحجز . وقعدنا ساعتين ندور على فندق تاني لان كل الفنادق تقريبا كانت كومبليت لحد ما لاقينا حاجة مستواها قليل بس هى اللى كانت فاضية فى الوقت ده .
ملخص كلامي ان اخويا كان بيقولى احنا تقريبا غلطنا فى حاجة فى الحجز وانهم ممكن يكونوا صح ولاننا معندناش خبرة فى التعامل مع الموقع , انا مش عارفة انا صح ولا هما ؟