أنا مش مع ان فنادق شرم والغردقة يستقبلوا سياح...

[Ahmed Shabiek]

انا كنت في فندق في شرم من اسبوع المهم في شخص بولندي راح البار الساعه 1 و خمس دقائق مساءا البارمان قله للاسف مفيش مشروبات بعد الساعه 1 زعق شويه المهم المدير الليلي فتحله البار تاني ودخل... تاني يوم واحد مصري نفس الموقف معاه احترم الموظف وقاله شكرا لزوقك.... شوفت الفرق

 

[Anna Hussein]

التأجير للشركات والمصالح الحكومية هى دى كارثة المصيف والاماكن السياحية لأنهم تقريبا طلعين ببلاش لأن الشركات والمصالح بتساهم بنسبة ستين فى المية من تكاليف الرحلة. وأغلب العاملين فيها عيشين عيشة متدنية وتربية متدنية. يجب النظر فى التأجير للشركات

 

[Mai Mohamed Yassen]

عندك حق

 

[Soha El-Yamani]

عيب اللي حضرتك كاتباه ده، و بلاش تعميم، و علي فكره انا شفت تصرفات اوحش من كدا من سياح اجانب

 

[Marwa El Kady]

ياريت ياخدوا الوثيقه دى او الورقه دى على الروس لانهم مهملين جدا جدا ده غير بقى لما بيبقى سكران والطريقه الا بيتعامل بيها وقتها ده غير لسنهم القزر فى الالفاظ ... المصرى ممكن يكون مهمل شويه بس مش شريب والا قزر فى كلامه

 

[Doaa Talat]

عيب اوى الكلام ده يعنى المصرى ميعرفش يستمتع ببلده وهو اللى رايح هناك ودافع مبلغ وقدرة هيطمع فى ملاية ولا فوطة ولا شوية اكل اظن الكلام ده ميصحش فنادق معفنة مش عاوزة تقدم خدمة للمصريين

 

[Emad Yehia]

بوست ملوش اى تلاتين لازمه منتشر مضمونه على مواقع كتير و كل كلامه كدب ولو حصل حاجه بتكون فرديه لا تدل على التعميم و التعميم دايما بيكون لغة الجهلاء انا روحت شرم مرتين و مشوفتش اى هرى من الكلام دا و لا شوفت او سمعت حد بيسرق ملايات الفندق و الهبل دا و لا حد بيشطف عياله ف البسين بالعكس العاملين ف الفنادق بيعاملو الناس بارف عشان عارف المصرى معندوش ثقافة التيبس و ف حين ان الاجنبى بيعمل مصايب بس على قلبكو زى العسل و عموما دى بلد المصريين و هما احرار ف اختيار المكان اللى يصيفو فيه طالما بادبهم و الفندق ممكن يمتنع انه يدخل مصريين و خليه يعتمد على الاجانب طالما بيهموكو اوى كدا

 

[Mahmoud Kamel]

اخر مرة كنت في الغردقة في مؤتمر في الجونة .. كانت واحدة اجنبية بتاخد اكل من البوفيه في شنطة .. وقعدت انا ومراتي نحلل الموقف و نقارن لو كانت مصرية اللي بتعمل كدة كان هيبقي رد فعل الناس ايه .. Maram Kadous

 

[Shady Ezzat Mohamed]

مش فاهم الصراحة الادمن وافقو ازاي عالبوست العنصري دا !!!!!

 

[Samar Gahazly]

فعلا لو فندق 4 ليالى ب 500 بس الفنادق الرخيصه عموما بسمع كتير اوىً ان سلوك بعض المصريين مش بيكون حلو فيها

 

[Mostafa Elomda]

المشكلة فعلا اننا من اجهل شعوب الأرض واوسخها في كل حاجة ومع دة لما حد مننا يبقى معاه قرشين يبقى عنصري ضد الباقي

 

[Mahmoud Hakim]

بوست عنصري و مليان إحساس بالدونية !!!
بما انى كنت شغال فى السياحة لفترة كبيرة فى شرم الشيخ و اتعاملت مع جنسيات مختلفة و عاصرت شرم الشيخ قبل هجوم السياحة الداخلية
أولا الناس اللى بتغلط فى جنسيات تانية بحجة ان المصريين انضف و الكلام دا ، انت متفرقش عنصرية عن صاحبة البوست ، خلونا نرتقى فى التعامل مع الآخر
ثانيا مش موضوع فلوس خالص و مين دافع أكتر من مين ، المصري لو حاجز الليلة بخمسة جنيه ، حقه ياخد نفس الخدمة اللى دافعها اى نزيل دافع اكتر منه مية مرة طالما الفندق ارتضى و تقبل السعر "بس طبعا فى حدود الحجز يعنى لو هاف بورد يبقى هاف بورد"
والله العظيم انا مكنش عندى أى مانع لو بقدم خدمة لعميل أجنبي و بكسب منه مية جنيه انى أقدم نفس الخدمة للمصري و اكسب منه عشرة جنيه بس و على قلبي زى العسل لان المصري من حقة يستمتع ببلده زي أى شخص ، وليه الأولوية طبعا
بس بصراحة الإعلام لازم يعمل حملة توعية ، يعنى :
الشباب المصريين الاجانب مش بيقولوا "واااو إيجيبشان" اول ما بيشوفوا حضرتك ولا الستات الأجانب دايبين فى سواد عيونك و مش معنى ان واحدة بصتلك أو ابتسمتلك انها عايزة تنام معاك ولا معنى ان واحدة نزلت البحر أو البوول بالبكيني تبقى شمال !!
حاجة تانية مهمة جدا جدا ، إحترام المواعيد ، قسما بالله " مش كلهم طبعا" بس كتير اوي مصريين اقوله "حضرتك تشرفني الساعة أربعة هنا ، يرد يقولي أربعة أربعة ونص كده !!!!!"
أخيرا المصري أو أى شخص لما بيلاقي معاملة راقية بيرتقى

 

[Galal Mohammed]

Takwa Othman

 

[Moutaz Mohamed]

هي الناس الافاضل (المحترمين) الي نازله شتيمه في البوست هو انتم متعرفوش تعلقوا بدون تجاوز؟
ولا ثقافه الشتيمه هي اللغه السايده دلوقتي؟؟
اعتقد فعلا البوست بيوصف التجاوزات الي بقت فينا.
هي صاحبه البوست بتتكلم عن العادات الغير صحيحه لمصريين و الكلام ده واقع فكون ان حضرتك شايف نفسك بتتوصف في البوست فده مش ذنبها انها بترمي كلام و طلع عليك.

 

[Ahmed Hassanen]

فكرة ممكن تبقي برقم ال ID وويبقي ليك ريكورد وسجل زي ال اي سكور بتاع البنك المركزي ....ياما ننضف يا نقعد في بيوتنا