أنا مش مع ان فنادق شرم والغردقة يستقبلوا سياح...

[Heba Eissa]

أنا مش مع ان فنادق شرم والغردقة يستقبلوا سياح مصريين، الا لو في شهادة موثقة من اماكن سياحية أخرى تضمن تحضرهم ، او يكونو سياح مصريين جايين من بره مصر ، الشهادة دي ..

تضمن مايقزقزش لب وميدايقش الاجانب
تضمن مايسرقش ملايات وباشكيرات الفندق وهو ماشي
تضمن انها ماتغيرش لابنها البمبرز و"تشطفه" من الpool
تضمن انهم مايعملوش مشاكل علشان يبلطجوا ويقعدوا ايام اضافيه بدون وجه حق
تضمن انهم مايجوش يتخانقوا علشان ياكلوا من مطاعم الفنادق وحجزهم غير شامل الاكل، وافتعال المشاكل لاي سبب
تضمن انهم مايخلوش ولادهم يشخبطوا على حيطان الفندق

تضمن انهم يكونوا بيحبوا فعلا بلدهم وعايزين شكلهم يكون كويس قدام الاجانب اللي مفروض يروحوا يقولوا في كل العالم ان مصر تستاهل تتراح وتتحب
انما اللي بيعملوه للاسف مايدلش غير انهم ناس كارهين بلدهم ، في خلل ونقص واحداث نعمة في سلوكهم ، ناس لازم يتأهلوا نفسيا قبل ما يفكروا يتفسحوا

#الحل
#شهادة_ضمان_حب_مصر
#هبه_عيسى

 

[Ziad Ragab]

حد يقفل التعليقات بسرعة المعركة هتبدأ

 

[Ali Abdo]

انت مين اولا عطاك حقك انك تكوني ضد أن مواطن يزور مكان في بلده بفلوسه
المصريين دول هم الي وقفو السياحة علي رجلها السنين الي فاتت و منعو اماكن كتير تقفل و بيوت تتخرب و ساعت ما يظهر شويه سياحه يبقو المصرين وحشين امنعوهم ؟
امال كل حملات تنشيط السياحه الداخليه عشان القطاع مينهرش دي كانت ليه ؟
كل الي بيحصل ده منك و من غيرك الهدف منه أن قطاع السياحة يموت و أن المصريين سمعتهم تبقي زفت و احب اقولك اني زورت كل مكان تتخيله في مصر مشوفتش اي حاجه من الكلام ده.
للعلم بس الي المصري بيدفعه في فندق أضعاف الي بيدفعه الأجنبي بالطيران

 

[Sama Mabrouk]

هو اللي بيحصل دا بجد؟؟؟؟؟؟

 

[Walaa Salem]

انا موافقة واحنا كمصريين بنحب نقزقز لب مش هانروح الفنادق دي عشان احنا ياي مش متحضرين خلي السياحة تنتعش شوية

 

[Amr Ali]

السؤال هنا :-
هنجيب الشهادة ديه منين ؟

 

[Mahmoud H. Zedan]

لو سمحتى شهادة انك متحضرة علشان البوست ده اثر فى نفسيتى بما انى لسه مطلعتش شهادة انى متحضر

 

[Ehab Bebo]

الشعب جاهل اه في بالتعامل مع الاماكن دي.. بس ده مش معناه ندبحه
حملات تثقيف وتوعية
البرامج والمسلسلات تشتغل ع النقطة دي باحترام مش بهيافة واهانة
كفاية دبح الناس هتطق

 

[Mahmoud Hamed Eraky]

طب انا مثلا كانت اول مرة اروح فندق كانت شهر ٤ اللي فات كنت هجيب شهادة ازاي ان انا "متحضر"
وانا على فكرة من الشرقية اللي هي في نظر القاهرة فلاحين
بس على فكرة وانا ماشي من الفندق المطعم قالنا ان احنا احسن وفد مصري دخل الفندق
ازاي كنت هثبت الكلام دة؟!!!

 

[Hossam Elbahey]

الموضوع صعب شوية من جهة في مصريين فعلن في لحظة بيشوهو المكان و انا اقصد بالحظة يعني لحظة كنت في دهب و مركب جت جنبنا رموا زمالة مصر كلها في دقيقتن في المياه النقية .

بس من الجهة الاخري ديه بلدهم و للاسف هما اولي بيها انهم يستمتعوا بيها .

العيب في الادارة السياحة سواء من المركبي او الفندق او المرشد او الشركة السياحية

 

[Hoda Fawzy]

واذا كانوا بقى عايشين في مصر ومحترمين ومتحضرين بس من غير شهادة... مش من حقهم يروحوا فنادق 5 نجوم ولا ايع يعني؟؟؟

 

[Hoda Fawzy]

الكلام الصح هو ان اللي يفتعل مشاكل يتطرد من الفندق وتكون فيه قوانين رادعة على الصغير والكبير، لكن مفيش لا منطق ولا تحضر ولا علم ولا اى مبدأ ديني أو دنيوي يمنع اهل البلد انهم يستمتعوا ببلدهم

 

[Mostafa Sherif]

فيش و تشبيه يعني؟

 

[Mohammed Allam]

الكلام الى حضرتك بتقوليه ده..كله عنصريه وتمييز ...ودا ضد اقل مبادئ حقوق الانسان .كل شخص مسئول عن تصرفاته..والمخطئ يعاقب بالقانون..انما تحكمى على كل المصريين بعدم التحضر دا يبقا قصر نظر

 

[Mohamed Mostafa Elsaid Elbialy]

اانتى التى تقيم اباءك واجدادك الذين لم يحسنوا تربيتك .

 

[Dido Ahmed]

و بالنسبة للاجانب اللي فيهم برضه ناس مش متحضرة يطلعوا الشهادة منين ولا دول عادي مش محتاجين الشهادة

 

[Warda Ahmed]

 

[Abu Aylla]

بالرغم من انى بحب اشجع السياحة الداخلية لكن انا متفق معاكي تمامااااا

 

[Tarek Mahmoud Badr]

احنا السبب تم الاستغناء عن الشعب المصرى ايام الازدهار وعند الاحتياج ننتقد تصرفاتهم . كلنا مسئولون . مش ذنب المواطن حرمانة من بلده ايام ازدهار السياحة .

 

[Walid El Ayouti]

والله يا جماعه ما شوفت ايتها حاجه من دي ... بالعكس تماما ده كان الجست المصري يشرف