S
Sara Abdelghany
:: مسافر ::
للناس اللي نفسها تعرف ازاي تحوش علشان تسافر.
دي الحاجات اللي انا بعملها.
معلومة: انا مش عايشه في مصر. ف ما بروحش زيارات عائليه، ولا في فسح كتير في البلد اللي انا عايشه فيها.
١- دي أهم حاجه: ما تشتريش حاجه انت مش محتاجها. ممكن تجيب حاجه واحده تدلع نفسك بيها؛ بس مش اكتر. جيب الأساسيات بس.
٢- لما تشتري حاجه، فكر في هي هتعيش معاك قد ايه، مش هي سعرها كام. كده حتوفر في فلوس تصليحها. الغالي تمنه فيه...ما تستخصرش.
٣- ما ترميش حاجه لسه شغاله؛ زي الموبايل.
٤- شوف أنهي طريقة اسهل لك، انك تبقى متابع مصروفاتك. يعني، هل أسهل لك انك تسحب فلوس بالdebit، ويجي لك مسج على تليفونك باللي سحبته، واللي موجود في الsavings؛ ولا الأسهل أنك تسحب كمية معينة من الكاش كل شهر؟ شوف اللي أنسب لك.
٥- ما تشتريش هدوم أو أي حاجه، بس علشان هي عليها عرض او sale. حتلاقي نفسك صرفت اكتر من لو ما فيش عرض. (ارجع لنمرة 1)
٦- اعمل شوبينج مرة أو مرتين في السنة. مش اكتر. لو قدرت تفصل، ولقيت الموضوع موفر، يبقى فصل عند ترزي شاطر. ممكن حتى تجيب صور لبس موضة السنة دي، وقماش يعيش، وفصل. على فكره، ساعات التفصيل بيبقى أغلى من الهدوم اللي جهزه؛ ف خلي بالك.
٧- خلي عندك حرفه يدوية، تنفعك. حتى لو انت انسان بتاع أكاديمية بس. اعمل ورش تعلم فيها الناس الحرفة دي.
٨- كوني أني في بلد ما فيهاش فسح كتير للناس اللي في سني، مش متجوزين ومعهم عيال.. ف فسحتي بتبقى اني اروح كافيه على البحر. الفكرة انك مش لازم كل مرة تنزل فيها، تروح مكان غالي.
٩- الصدقة هي بركة حياتك...الصدقة مش فلوس بس، ممكن تتصدق بلبسك، او مثلا أكل زيادة عندك. كن خير مع أهل بيتك، علشان يدعولك من قلبهم.
١٠- استثمر في نفسك. دايما اتعلم حاجه جديده. ودايما خلي مخك مفتوح لكل ما هو جديد ومختلف. والاهم: أتعرف على نفسك اكتر واكتر. شوف ايه اللي بيفرحك وبيغذي روحك، واعمله.
لو في أفكار تانية، حزودها ان شاء الله
اسيبكم مع فيديو لحفلة Coldplay في Cardiff.
دي الحاجات اللي انا بعملها.
معلومة: انا مش عايشه في مصر. ف ما بروحش زيارات عائليه، ولا في فسح كتير في البلد اللي انا عايشه فيها.
١- دي أهم حاجه: ما تشتريش حاجه انت مش محتاجها. ممكن تجيب حاجه واحده تدلع نفسك بيها؛ بس مش اكتر. جيب الأساسيات بس.
٢- لما تشتري حاجه، فكر في هي هتعيش معاك قد ايه، مش هي سعرها كام. كده حتوفر في فلوس تصليحها. الغالي تمنه فيه...ما تستخصرش.
٣- ما ترميش حاجه لسه شغاله؛ زي الموبايل.
٤- شوف أنهي طريقة اسهل لك، انك تبقى متابع مصروفاتك. يعني، هل أسهل لك انك تسحب فلوس بالdebit، ويجي لك مسج على تليفونك باللي سحبته، واللي موجود في الsavings؛ ولا الأسهل أنك تسحب كمية معينة من الكاش كل شهر؟ شوف اللي أنسب لك.
٥- ما تشتريش هدوم أو أي حاجه، بس علشان هي عليها عرض او sale. حتلاقي نفسك صرفت اكتر من لو ما فيش عرض. (ارجع لنمرة 1)
٦- اعمل شوبينج مرة أو مرتين في السنة. مش اكتر. لو قدرت تفصل، ولقيت الموضوع موفر، يبقى فصل عند ترزي شاطر. ممكن حتى تجيب صور لبس موضة السنة دي، وقماش يعيش، وفصل. على فكره، ساعات التفصيل بيبقى أغلى من الهدوم اللي جهزه؛ ف خلي بالك.
٧- خلي عندك حرفه يدوية، تنفعك. حتى لو انت انسان بتاع أكاديمية بس. اعمل ورش تعلم فيها الناس الحرفة دي.
٨- كوني أني في بلد ما فيهاش فسح كتير للناس اللي في سني، مش متجوزين ومعهم عيال.. ف فسحتي بتبقى اني اروح كافيه على البحر. الفكرة انك مش لازم كل مرة تنزل فيها، تروح مكان غالي.
٩- الصدقة هي بركة حياتك...الصدقة مش فلوس بس، ممكن تتصدق بلبسك، او مثلا أكل زيادة عندك. كن خير مع أهل بيتك، علشان يدعولك من قلبهم.

١٠- استثمر في نفسك. دايما اتعلم حاجه جديده. ودايما خلي مخك مفتوح لكل ما هو جديد ومختلف. والاهم: أتعرف على نفسك اكتر واكتر. شوف ايه اللي بيفرحك وبيغذي روحك، واعمله.
لو في أفكار تانية، حزودها ان شاء الله
