H
Hend Soliman
:: مسافر ::
انا لسه راجعه من يومين وكنت هناك السنه الفاتت وروحت السنه دى بردو هناك لانه عجبنى جدااااا ونظيف وغرفه وبسين ومكان زى الفل والاكل جميل وليه طعم كمان مش مجرد اكل وبرغم انه كومبليت وزحمه السنه دى لما روحت لكن لسه محتفظ بنظافته وترتيبه وفى كل حاجه بسين وبحر وحفلات بليل وكافيهات عالبحر وكله وسوهو سكوير بتتمشى تروحيلها من الفندق يعنى كل حاجه فيه ممتازه موقع وخدمات انا بتكلم على الامامى طبعا مش الرياضى
S
Sherry Elfakharany
:: مسافر ::
انا روحته هو حلو وكل حاجه بس بالنسبالى معجبنيش يمكن لان رحت اخر شهر 7 وكان الجو حر جداااا . البحر بعيد عن الغرفه الى كنت فيها . البحر الوصول ليه متعب شويه لانه بتنزله سلالم ولو معاك كبار السن هيتعبوا من النزول والطلوع ... مفيش اماكن مشروبات متوزعه فى الفندق وبصراحه انا فى الفنادق الى رحتها قبل كدة كانت المشروبات فى كل مكان فاعلاما اوصل من اوضتى للبحر اكون فطست من الحر وعدم وجود مشروبات .... وطبعا بتختلف من حد للتانى ..
E
Esraa Sami
:: مسافر ::
انا لسة راجعة منه هو حلو جدا بس للشباب اللي عنده صحة لان البحر بعيد عن اماكن الغرف و البحر بتاعه صخري بس في هناك لايف جاكيت ممكن تأجره و من حيث الاكل كان ايام كويس و ايام مش كويس بس في المجمل كويس و هو كمنتجع سياحي موقعه ممتاز و خدماته كتير و جمب سوهو سكوير احسن مكان في الشرم انا كنت بروحه مشي
H
Heba Wafik
:: مسافر ::
اما روحته قبل كده المبنى الامامى و كان حلو و نضيف جدا و اكلهم كمان حلو اوى و البسين نظيف و كبير و بينه و بين سوهو سكوير دقيقتين مشى و فى اكوا بارك فى المبنى التانى و فى باص بينقل كل شوية و انتى ممكن قبل السفر تكلمى الاوتيل و تقولى مواصفات الاوضة اللى تحبيها و اذا كانت تبقى دور ارضى ولا اول و قريبة من المبنى الرئيسى او البسين و اى حاجة تانية
بس ده الامامى