A
Ahmed Eldesokey
:: مسافر ::
هتكلم عن مكان كتير من الناس بيحبوه
مدينة دهب اكتر مكان هادي ممكن تلاقي نفسك فيه يكفي كمية السلام النفسي الرهيبة اللي موجوده في دهب
الحياة في دهب رخيصة بوجه عام مش مكلفة إطلاقاً وبأي فلوس هتنبسط
المواصلات من القاهرة يومياً جو باص او سوبر جيت
نتكلم عن الفنادق في اختيارات كتير جداً والسعر بيتحسب علي درجة قرب الفندق من الممشي السياحي لدهب وكل ما الفندق يبعد عن الممشي السعر بيكون أقل وده ميمنعش ان في فنادق بعيد عن الممشي بس علي درجة عالية من الرفاهية بس انا بتكلم بشكل عام متوسط سعر الليلة حوالي 150 جنيه تقريباً غرفة دبل وفي أسعار أقل وفي أعلي وشاملة الفطار كمان
خلصنا جُزء المواصلات والفندق ندخل علي البرامج والأنشطة اللي ممكن تعملها
الثري بولز : مكان لطيف جداً تقدر تنزل فيه البحر او تعمل سنوركلنج او دايفينج وفي هناك إيجار لكافة انواع المعدات وبسعر معقول
وتاني أشهر مكان في دهب البلو هول وقصتة بإختصار إن في مذنب إصطدم بالأرض وشكل حفرة عميقة جداً في البحر وأتكون فيها ملايين الشعب المرجانية بأشكالها المختلفة، هناك تقدر تعمل سنوركلنج او تغطس بس لازم يكون معاك رخصة غطس كنوع من الsafety
تالت مكان جبل الطويلات وده عبارة عن سفاري بيتعمل بليل في حضن الجبل فقرات غنا ورقص وعشاء علي ضوء النجوم
رابع مكان محمية أبو جالوم : ودي تقدر توصلها بـ زودياك من البلو هول أقل من ربع ساعة في البحر بتكون وصلت المحمية وهي مكان معزول تماماً عن العالم في الخلفية الجبال ومن الأمام البحر وقعدات بدوية وفي امكانية التخييم فيها
خامس مكان : وادي جُني في وسط الصحراء وهناك بتقدر تعمل سفاري بداية من منطقة الثري بولز وصولاً لـ وادي جُني
سادس مكان الممشي السياحي : بيضم محلات سوبر ماركت كتير ومطاعم وكافيهات ومحلات ملابس وبازارات
خلصنا المواصلات والفنادق والبرامج اللي ممكن تتعمل، نتكلم عن الأكل بقي
الأكل في دهب رخيص جداً وكل الإختيارات متاحة قدامك من اول الفول والفلافل لحد مطاعم الأسماك واللحوم بكافة انواعها
انا أكلت هناك وجبة سمك وشوربة سي فود وسلطات وشربت شاي بـ 45 جنيه بس ومفيش خدمة ولا مصاريف تانيه بتدفع الحاجة اللي طلبتها وبس
اخر حاجة دهب مدينة جميلة جداً ومينفعش تتقارن بأي مكان تاني لو عايز تفصل يومين وتلاقي نفسك أهرب علي هناك وأضمنلك انك هترجع حد تاني خالص
الصور من تصويري الشخصي وهتلاقوا صور لكل الأماكن اللي إتكلمت عنها وأي أستفسار انا موجود ...
مدينة دهب اكتر مكان هادي ممكن تلاقي نفسك فيه يكفي كمية السلام النفسي الرهيبة اللي موجوده في دهب
الحياة في دهب رخيصة بوجه عام مش مكلفة إطلاقاً وبأي فلوس هتنبسط
المواصلات من القاهرة يومياً جو باص او سوبر جيت
نتكلم عن الفنادق في اختيارات كتير جداً والسعر بيتحسب علي درجة قرب الفندق من الممشي السياحي لدهب وكل ما الفندق يبعد عن الممشي السعر بيكون أقل وده ميمنعش ان في فنادق بعيد عن الممشي بس علي درجة عالية من الرفاهية بس انا بتكلم بشكل عام متوسط سعر الليلة حوالي 150 جنيه تقريباً غرفة دبل وفي أسعار أقل وفي أعلي وشاملة الفطار كمان
خلصنا جُزء المواصلات والفندق ندخل علي البرامج والأنشطة اللي ممكن تعملها
الثري بولز : مكان لطيف جداً تقدر تنزل فيه البحر او تعمل سنوركلنج او دايفينج وفي هناك إيجار لكافة انواع المعدات وبسعر معقول
وتاني أشهر مكان في دهب البلو هول وقصتة بإختصار إن في مذنب إصطدم بالأرض وشكل حفرة عميقة جداً في البحر وأتكون فيها ملايين الشعب المرجانية بأشكالها المختلفة، هناك تقدر تعمل سنوركلنج او تغطس بس لازم يكون معاك رخصة غطس كنوع من الsafety
تالت مكان جبل الطويلات وده عبارة عن سفاري بيتعمل بليل في حضن الجبل فقرات غنا ورقص وعشاء علي ضوء النجوم
رابع مكان محمية أبو جالوم : ودي تقدر توصلها بـ زودياك من البلو هول أقل من ربع ساعة في البحر بتكون وصلت المحمية وهي مكان معزول تماماً عن العالم في الخلفية الجبال ومن الأمام البحر وقعدات بدوية وفي امكانية التخييم فيها
خامس مكان : وادي جُني في وسط الصحراء وهناك بتقدر تعمل سفاري بداية من منطقة الثري بولز وصولاً لـ وادي جُني
سادس مكان الممشي السياحي : بيضم محلات سوبر ماركت كتير ومطاعم وكافيهات ومحلات ملابس وبازارات
خلصنا المواصلات والفنادق والبرامج اللي ممكن تتعمل، نتكلم عن الأكل بقي
الأكل في دهب رخيص جداً وكل الإختيارات متاحة قدامك من اول الفول والفلافل لحد مطاعم الأسماك واللحوم بكافة انواعها
انا أكلت هناك وجبة سمك وشوربة سي فود وسلطات وشربت شاي بـ 45 جنيه بس ومفيش خدمة ولا مصاريف تانيه بتدفع الحاجة اللي طلبتها وبس
اخر حاجة دهب مدينة جميلة جداً ومينفعش تتقارن بأي مكان تاني لو عايز تفصل يومين وتلاقي نفسك أهرب علي هناك وأضمنلك انك هترجع حد تاني خالص
الصور من تصويري الشخصي وهتلاقوا صور لكل الأماكن اللي إتكلمت عنها وأي أستفسار انا موجود ...