مساء الخير عندى مشكلة بخصوص فيزا امريكا 1 ....

[Ahmed Menaiem]

مساء الخير
عندى مشكلة بخصوص فيزا امريكا
1 . من 4 سنين قدمت عليها واخدتها ب 6 شهور و سافرت و رجعت كل حاجه تمام
2 . قدمت عليها تانى بعد اما رجعت اخداها بخمس سنين على الباسبور القديم و لحد الان مسافرتش و لسه متبقى فى الفيزا سنه
3 . ناويت اسافر الاسبوع الجاى و سالت انى ينفع اسافر و هيا على الباسبور القديم طلع عادى مفيش مشكلة
4 . نيجي بقى للمشكلة و انا بحجز اكتشفت ان التأشيرة مكتوب فيها تاريخ الميلاد غلط بمعنى ان المفروض شهر يوليو مكتوب اغسطس نعمل ايه بقى
5 . طبعا حاليا اخاف اسافر و يرجعونى من هناك
الحلول
1 . اقدم على تأشيرة جديده
2 . مفيش خدمه عملاء للاستفسار من السفارة
3. بعت ايميل بالمشكلة و محدش رد عليا
4. اروح السفارة واسألهم بس ازاى هدخل السفارة بدون تحديد ميعاد و هحدد ميعاد ازاى مع العلم ان تحديد الميعاد معناه انك مقدم على تأشيرة جديده

 

[Ashraf H. Yunus]

انت لما سافرت اول مره حد رجعك؟

 

[الحمد لله]

أهم شي اسمك علي الفيزا مطابق ل اسمك في الباسبور بس مافيش مشكله خالص في تاريخ الميلاد

 

[Marwa Osama]

حضرتك ابعتلهم ايميل تاني وتالت
خدمة العملا عندهم ممتازة خير ان شاء الله حاجة بسيطة

 

[Gamal Abd Alla]

انت بصمتك هناك

 

[Gamal Abd Alla]

يعني متقلقش

 

[Ahmed Barakat Ibrahim]

انا كلمت السفاره مرتين استفسر وعلطول بيرودوا جرب تأني من ٨ الي ١٢ الظهر ماعدا الجمعه والسبت

 

[Ahmed Saleh Saad]

اولا انت بصماتك هناك
بس ممكن تتصل برقم السفاره تتأكد منهم عشان مترجعش من المطار هناك
والله و اعلم ممكن تعدي عادي و الدنيا تبقي تمام
بس برده اتاكد من السفاره احسن برده و ابعت ليهم كذا اميل لو مردوش

 

[Ahmed Samir]

ينفع تسافر بالفيزا عالباسبور القديم طالما بياناتك عالباسبور الجديد (الاسم، تاريخ الميلاد..الخ) هي نفس البيانات عالباسبور القديم

 

[Sherif Farouk]

0235311460 كلمهم و هيشوفو لك حل بس كلمهم الان

 

[Tamer Magdy]

حضرتك هتتصل بالسفاره.. تطلب تعمل نقل الاستيكر منن الباسبور القديم للجديد و تقولهم علي موضوع تاريخ الميلاد.. لو غلط في حرف في الاسم عادي.. انما تاريخ الميلاد او رقم الباسبور لا.. بلاش تخاطر

 

[Ahmed Menaiem]

المشكلة ان السفارة مفيش رقم مخصوص للفيز

 

[Rehab ʚϊɞ]

للأحسن تقدم على فيزا جديدة كدا كدا فيزتك كانت قربت تخلص ومافيش قلق من الفيزة الجديدة
لان لو فيه اختلاف حرف واحد عن الجواز بيرجعوا الناس في المطار
فالأحسن فيزة جديدة

 

[Mahmoud Mohamed]

طلع شهاده ميلاد جديده
او ممكن تسنين

 

[Mohamed Sakr]

ابعت ايميل تاني ونالت لأنك كده مش هتسافر حل الموضوع د اول

 

[Sherif Samir]

انا حصل معايا نفس الموقف و سافرت بالباسبور القديم و الجديد ... شاف الفيزا على القديم و ختم دخول على الجديد

 

[Ahmed Gamal Aboali]

F

 

[Ahmed Mostafa Nasef]

تاريخ الميلاد ماظنش مشكله حصلت معايا و عديت و كانت الامارات ميش امريكا . لان بصماتك هيا اللي بتحدد بتحصل كتير و انت داخل يلاقوا مشكله في اسمك او ساعات كمان رقم الفيزا علي السيستم . بيوقفك حبه و يراجعوا و بعدين يقلك اتفضل . احتمال ان يحصل مشكله ميش كبير

 

[Mohamed Ali Mahmoud]

ليهم رقم تليفون

 

[Ahmed Mostafa Nasef]

و خلي معاك نسخه من الايميلات المرسله