M
Moustafa Rayan
:: مسافر ::
البوست ده ممكن يبدو لبعض الناس انه غريب شوية لان ناس كتير فاكرة ان السعودية مقفولة تماما مفيش اي فرصة للفسح و الخروجات و كده و ده مش حقيقي... ممكن نسبيا تكون قليلة مقارنة بغيرها لكن مش منعدمة يعني ... و انا شايف ان في ناس كئيبة بطبعها لو عايز تبسط نفسك هتعرف تبسط نفسك والله
المهم هنقلكم تجربتي في الطايف
الطايف جنب مكة جدا... يعني حتي لو جيت تعمل عمرة مثلا و قاعد شوية ممكن تروح هناك لو من الناس اللي بتحب الجبال و كده
جو الطايف مختلف شوية عن جدة و مكة ... يعني الطايف مش حر خالص جوها حلو جدا و ده بسبب انها المدينة بالكامل فوق جبل ️️
في هناك قرية اسمها الهدي... دي بتروح هنا في اكوا بارك ضخمة جدا... احسن حتي من اللي عندنا في مصر... لدرجة انك بتتزحلق من فوق الجبل فوق خالص زي ما باين في الصور.... كمان في هناك تلفريك و كده بتركبه لمدة تلت ساعة تقريبا عشان تطلع فوق
اول مرا روحت.. مكنتش اعرف ان التلفريك له بوابة من تحت... فا طلعنا ركبناه من فوق... بس كانت مغامرة حلوة تمشي في الطريق الزجزاج ده عشان ممكن تقف تتصور و كده كده الطريق امن تمام و مش خطر.... بس محتاج تركيز بنسبة 100%... انت علي جبل بردو ️️️
لما بتوصل فوق الجبل بتلاقي قرود كتير سيابنها كده و بتقعد تأكلها و بتاع... بتديها باكو شيبسي تفتحوا هي و تاكله عادي كمان لما تركب التلفريك و توصل تحت بتلاقي حتة مليانة حيوانات تعابين و قرود و طيور سيابنها كده بردو
التكاليف بقي ... التلفريك و الاكوا بارك ب 140 ريال... بتركب التلفريك 20 ديقية تقعد تتفرج ع الجبال و بيرجعك تاني وقت ما تخلص الاكوا بارك
لو مش عايز تدخل الاكوا بارك و تركب التلفريك بس عادي... بس هتدفع 80 ريال... فا الاحسن تاخد الباكدج علي بعضها
لو حد حابب يسألني عن اي حاجة تانية لو انا نسيت يتفضل
الصور من تصويري و مفياش فوتوشوب... ده تكنيك في التصوير اسمه motion photography لو حد بردو حابب يسأل عن حاجة فيه بردو يتفضل
للتوصيح .. انا مش بقول سافر للسعودية عشان تشوف الجبال وكده... انا قصدي الناس الغلابة اللي هناك اللي زي حالاتي يعني لو عايزين يفكوا عن نفسهم ..لكن طبعا محدش يطلع فيزا مخصوص عشان يجيي الطايف
المهم هنقلكم تجربتي في الطايف
الطايف جنب مكة جدا... يعني حتي لو جيت تعمل عمرة مثلا و قاعد شوية ممكن تروح هناك لو من الناس اللي بتحب الجبال و كده
جو الطايف مختلف شوية عن جدة و مكة ... يعني الطايف مش حر خالص جوها حلو جدا و ده بسبب انها المدينة بالكامل فوق جبل ️️
في هناك قرية اسمها الهدي... دي بتروح هنا في اكوا بارك ضخمة جدا... احسن حتي من اللي عندنا في مصر... لدرجة انك بتتزحلق من فوق الجبل فوق خالص زي ما باين في الصور.... كمان في هناك تلفريك و كده بتركبه لمدة تلت ساعة تقريبا عشان تطلع فوق
اول مرا روحت.. مكنتش اعرف ان التلفريك له بوابة من تحت... فا طلعنا ركبناه من فوق... بس كانت مغامرة حلوة تمشي في الطريق الزجزاج ده عشان ممكن تقف تتصور و كده كده الطريق امن تمام و مش خطر.... بس محتاج تركيز بنسبة 100%... انت علي جبل بردو ️️️
لما بتوصل فوق الجبل بتلاقي قرود كتير سيابنها كده و بتقعد تأكلها و بتاع... بتديها باكو شيبسي تفتحوا هي و تاكله عادي كمان لما تركب التلفريك و توصل تحت بتلاقي حتة مليانة حيوانات تعابين و قرود و طيور سيابنها كده بردو
التكاليف بقي ... التلفريك و الاكوا بارك ب 140 ريال... بتركب التلفريك 20 ديقية تقعد تتفرج ع الجبال و بيرجعك تاني وقت ما تخلص الاكوا بارك
لو مش عايز تدخل الاكوا بارك و تركب التلفريك بس عادي... بس هتدفع 80 ريال... فا الاحسن تاخد الباكدج علي بعضها
لو حد حابب يسألني عن اي حاجة تانية لو انا نسيت يتفضل
الصور من تصويري و مفياش فوتوشوب... ده تكنيك في التصوير اسمه motion photography لو حد بردو حابب يسأل عن حاجة فيه بردو يتفضل
للتوصيح .. انا مش بقول سافر للسعودية عشان تشوف الجبال وكده... انا قصدي الناس الغلابة اللي هناك اللي زي حالاتي يعني لو عايزين يفكوا عن نفسهم ..لكن طبعا محدش يطلع فيزا مخصوص عشان يجيي الطايف
