M
Mohamed Nafady
:: مسافر ::
#بوست_في_حب_الاسكندريه
بالرغم اني بحب السفر جدا الا واني مرتبط بالاسكندريه ارتباط شديد اوي حاله عشق لدرجه اني لو سافرت 5 .6 ايام بببقي خلاص عايز ارجع
انا روحت محافظات كتير جدا . بس مافيش جو زي جو اسكندريه..
اسكندريه اللي عايز يستمتع بيها بعيد عن البحر يجي في الشتا بالاخص للي بيحب المطر والمشي علي البحر والمنتزه والبلد وهي فاضيه ولو معاك عربيه مع اغاني قديمه كده يخربيت الجمال
المهم ..
ان اسكندريه فيها اماكن كتير حلوه ومحلات اكل كتير اوي بعيد عن اي محل واخد شهره زياده عن اللزوم ..
احنا كا اسكندرانيه بنسبه كبيره بنبعد عن المحلات دي بالاخص ان بيبقي في بديل واحسن . انا مش حابب اذكر اسماء محلات بالسلب
انما هذكر اسماء بالايجاب لانهم يستحقوا الدعم مننا ديما ..
طب انا عايز انزل اسكندريه واستمتع بالاكل واجرب حاجات كتير جديده واماكن جديده .
بص يا سيدي
هبدأ بالكافيهات .
انا شخصياً بستمتع بالاماكن open air والاستايل بتاعهم بيكون modern ولو علي البحر ببقي مش عايز حاجه تانيه ..
7'sky موجود في بحري نحيه القلعه
القعده مريحه جدا والجو تحفه بالاخص لو قعدت جمب البحر والخدمه بتاعتهم كويسه بمقارنه بكافيهات كتير .
Na3na3 بقي من الاماكن المميزه في الاسكندريه ومكانه الشاطبي واقعد علي البحر هتستمتع بالجو اوي
Ģalila ميراج الداون تاون
الناس اللي بتحب استايل الالوان ويعتبر من احسن الاماكن اللي ممكن تعمل فيه عيد ميلاد الاستاف بيعمل جو حلو كده لوحده
Panda لازق في جليله ميراج الداون تاون
باندا القعده جوه احلي من بره للناس اللي بتحب جو باندا هتستمتع جدا هناك والاستايل بتاعه حلو
Latino جليم علي البحر
القعده في لاتينو انا بفضلها في الشتا بليل الجو بيبقي جميل اوي هناك
بالاخص للناس اللي بتشرب شيشه انا بعتبره من انضف الاماكن اللي بتعمل شيشه
بس الخدمه بتاعتهم سيئه تطلب الحاجه قبلها بساعه وانت وحظك
نخش بقي في الاكل ..
نبدا بالمحلات الاكل الشعبي والسريع .
هبدأ بالكبده لانها اكتر حاجه مشهوره في الاسكندريه
بالنسبالي كبده يعني العربي وسامي ودول موجودين في بحري مشهورين جدا
جودتهم متغيرتش من وانا صغير نفس الاكل والخدمه والاكل نضيف ومضمون
اي محل تاني عك .. والكبده بالاخص عكها وحش .
السندوتشات الشعبي مأمون الحضره علي الترام وانت داخل من ش الزهور
من انضف واطعم الاماكن اللي اكلت عنده سندوتشات حلويات ومخ ومن هذا القبيل والميزه انو بيعمله علي الجريل قدامك . واسعاره حلوه
الجبنه السايحه طاسه وده موجود في سموحه ظهر المحطه عند كارفور ومكه بتاع العصير
طاسه من احسن الاماكن اللي بحب افطر فيها واتعشي عشق الجبنه السايحه اكله كله حلو بالاخص لو اخدته في عيش فينو مش باتي بان ..
واسعاره مقارنه باسعار كتير حلوه وجمبه محل خد من عنده بطاطس للي بيحب البطاطس بالجبنه وهيبقي يوم الجبنه
لو حابب بقي تضرب فول وفلافل علي الصبح بدري يبقي عم زغلول وده مكانه الازاريطه مشهور جدا
ابو الكرم كله اكل شعبي وهتقف في الشارع ومختلف ومتنوع بيتقدم في سيرفيس
بيتحط فول وفلافل وبتنجان وبطاطس وجبنه قديمه وبطاطس مهروسه سلطه ومخلل ومتنساش وانت رايح في فرن عيش بلدي القديم ده خدلك 5 عيش لو نفرين بتدفع ال 20 جنيه وانت واكل اكل يكفيك اليوم كله وانت مستمتع جدا بالاخص ان الناس اللي شغالين كويسين وجوده الاكل كويسه ونضيف
نخش علي المطاعم الكبيره
لو بتحب الاكل البدوي اطلع علي واحه خطاب وانت مغمض .. هتتبسط وتجربه جديده ونضيف
بالنسبالي اي مطاعم مشوي موجوده في اسكندريه معتبرهم كلهم واحده بيختلف النضافه وكده .. انما الطعم متقارب جدا ومافيش حد بيقدم جوده وطعم مختلف عن التاني .. ملحوظه انا بحب الشوي وجربت كل مطاعم الشوي .. يمكن المميز فيهم شويه ابن البلد
اسكندريه يعني السمك وسمك بالنسبالي يعني مكانين .
عروسه البحر في المرسي ابو العباس اكله جميل اوي واسعاره مش اوفر بمقارنه محلات كتير والنضافه طبعا كويسه
زفير في المكس واللي مراحش زفير يبقي فاته كتير بس محتاج تحوش شويه علشان تعرف تطلب من كل حاجه وتستمتع بيها
بتحب الوجبات ومش بتفرق معاك الكميات وهتدفع قليل وخدمه ممتازه ونضافه
اطلع علي واحده العمده ببرج العرب هتتبسط بالقعده
ولو حابب تجرب جو قديم وتجربه حلوه اطلع ابو قير وشوف المطاعم اللي علي البحر الصغيره واحنا عايشين علشان نجرب
مطاعم البيتزا انا بحب بيتزا هات والبيتزا علي الاصل روحله علي طول
في محلين ممتازين بس في الاسكندريه الاول اسمه البركه ده في ميامي وفي ف ش الازاعه وطيباس كامب شيزار علي الترام
نخش علي العصير .
القبيصي ملك المانجا للي بيحب المانجه القطع وده في بحري جميله اوي
خروب امال برنس الخروب والتمر هندي والعناب
اميه محل سوري جميل اوي احلا عصائر فرش تشربها من هناك واحلا ايس كريم وتشيز كيك وتارت جميل اوي ونضيف اوي وجوده الحاجه حلوه اوي وابقي اشرب من عنده الامبراطور وروح بمعده فاضيه مكانه في اسبورتنج ش بورسعيد والمندره ش جمال عبد الناصر وسموحه عند مكه ..
اي حد مكان تاني بالنسبالي اسم فقط لان محدش بيطور من نفسه بال الجوده بتقل
لو ليك في الهريسه اطلع علي الحلبي واطلبها بالقشطه في محطه الرمل
طبعا كفايا كده لان ان ريقي جرا
طبعا اكيد في محلات كتير حلوه بس دول المميزين بالنسبالي وانضفهم
واهلا باي حد اسكندراني يضيف محل اجربه
اسف لو طولت عليكم ❤
متنساش لو من محافظه تانيه .. تعرفنا علي الاماكن المميزه ليك فيها علشان نجربها ❤
بالرغم اني بحب السفر جدا الا واني مرتبط بالاسكندريه ارتباط شديد اوي حاله عشق لدرجه اني لو سافرت 5 .6 ايام بببقي خلاص عايز ارجع
انا روحت محافظات كتير جدا . بس مافيش جو زي جو اسكندريه..
اسكندريه اللي عايز يستمتع بيها بعيد عن البحر يجي في الشتا بالاخص للي بيحب المطر والمشي علي البحر والمنتزه والبلد وهي فاضيه ولو معاك عربيه مع اغاني قديمه كده يخربيت الجمال
المهم ..
ان اسكندريه فيها اماكن كتير حلوه ومحلات اكل كتير اوي بعيد عن اي محل واخد شهره زياده عن اللزوم ..
احنا كا اسكندرانيه بنسبه كبيره بنبعد عن المحلات دي بالاخص ان بيبقي في بديل واحسن . انا مش حابب اذكر اسماء محلات بالسلب
انما هذكر اسماء بالايجاب لانهم يستحقوا الدعم مننا ديما ..
طب انا عايز انزل اسكندريه واستمتع بالاكل واجرب حاجات كتير جديده واماكن جديده .
بص يا سيدي
هبدأ بالكافيهات .
انا شخصياً بستمتع بالاماكن open air والاستايل بتاعهم بيكون modern ولو علي البحر ببقي مش عايز حاجه تانيه ..
7'sky موجود في بحري نحيه القلعه
القعده مريحه جدا والجو تحفه بالاخص لو قعدت جمب البحر والخدمه بتاعتهم كويسه بمقارنه بكافيهات كتير .
Na3na3 بقي من الاماكن المميزه في الاسكندريه ومكانه الشاطبي واقعد علي البحر هتستمتع بالجو اوي
Ģalila ميراج الداون تاون
الناس اللي بتحب استايل الالوان ويعتبر من احسن الاماكن اللي ممكن تعمل فيه عيد ميلاد الاستاف بيعمل جو حلو كده لوحده
Panda لازق في جليله ميراج الداون تاون
باندا القعده جوه احلي من بره للناس اللي بتحب جو باندا هتستمتع جدا هناك والاستايل بتاعه حلو
Latino جليم علي البحر
القعده في لاتينو انا بفضلها في الشتا بليل الجو بيبقي جميل اوي هناك
بالاخص للناس اللي بتشرب شيشه انا بعتبره من انضف الاماكن اللي بتعمل شيشه
بس الخدمه بتاعتهم سيئه تطلب الحاجه قبلها بساعه وانت وحظك
نخش بقي في الاكل ..
نبدا بالمحلات الاكل الشعبي والسريع .
هبدأ بالكبده لانها اكتر حاجه مشهوره في الاسكندريه
بالنسبالي كبده يعني العربي وسامي ودول موجودين في بحري مشهورين جدا
جودتهم متغيرتش من وانا صغير نفس الاكل والخدمه والاكل نضيف ومضمون
اي محل تاني عك .. والكبده بالاخص عكها وحش .
السندوتشات الشعبي مأمون الحضره علي الترام وانت داخل من ش الزهور
من انضف واطعم الاماكن اللي اكلت عنده سندوتشات حلويات ومخ ومن هذا القبيل والميزه انو بيعمله علي الجريل قدامك . واسعاره حلوه
الجبنه السايحه طاسه وده موجود في سموحه ظهر المحطه عند كارفور ومكه بتاع العصير
طاسه من احسن الاماكن اللي بحب افطر فيها واتعشي عشق الجبنه السايحه اكله كله حلو بالاخص لو اخدته في عيش فينو مش باتي بان ..
واسعاره مقارنه باسعار كتير حلوه وجمبه محل خد من عنده بطاطس للي بيحب البطاطس بالجبنه وهيبقي يوم الجبنه
لو حابب بقي تضرب فول وفلافل علي الصبح بدري يبقي عم زغلول وده مكانه الازاريطه مشهور جدا
ابو الكرم كله اكل شعبي وهتقف في الشارع ومختلف ومتنوع بيتقدم في سيرفيس
بيتحط فول وفلافل وبتنجان وبطاطس وجبنه قديمه وبطاطس مهروسه سلطه ومخلل ومتنساش وانت رايح في فرن عيش بلدي القديم ده خدلك 5 عيش لو نفرين بتدفع ال 20 جنيه وانت واكل اكل يكفيك اليوم كله وانت مستمتع جدا بالاخص ان الناس اللي شغالين كويسين وجوده الاكل كويسه ونضيف
نخش علي المطاعم الكبيره
لو بتحب الاكل البدوي اطلع علي واحه خطاب وانت مغمض .. هتتبسط وتجربه جديده ونضيف
بالنسبالي اي مطاعم مشوي موجوده في اسكندريه معتبرهم كلهم واحده بيختلف النضافه وكده .. انما الطعم متقارب جدا ومافيش حد بيقدم جوده وطعم مختلف عن التاني .. ملحوظه انا بحب الشوي وجربت كل مطاعم الشوي .. يمكن المميز فيهم شويه ابن البلد
اسكندريه يعني السمك وسمك بالنسبالي يعني مكانين .
عروسه البحر في المرسي ابو العباس اكله جميل اوي واسعاره مش اوفر بمقارنه محلات كتير والنضافه طبعا كويسه
زفير في المكس واللي مراحش زفير يبقي فاته كتير بس محتاج تحوش شويه علشان تعرف تطلب من كل حاجه وتستمتع بيها
بتحب الوجبات ومش بتفرق معاك الكميات وهتدفع قليل وخدمه ممتازه ونضافه
اطلع علي واحده العمده ببرج العرب هتتبسط بالقعده
ولو حابب تجرب جو قديم وتجربه حلوه اطلع ابو قير وشوف المطاعم اللي علي البحر الصغيره واحنا عايشين علشان نجرب
مطاعم البيتزا انا بحب بيتزا هات والبيتزا علي الاصل روحله علي طول
في محلين ممتازين بس في الاسكندريه الاول اسمه البركه ده في ميامي وفي ف ش الازاعه وطيباس كامب شيزار علي الترام
نخش علي العصير .
القبيصي ملك المانجا للي بيحب المانجه القطع وده في بحري جميله اوي
خروب امال برنس الخروب والتمر هندي والعناب
اميه محل سوري جميل اوي احلا عصائر فرش تشربها من هناك واحلا ايس كريم وتشيز كيك وتارت جميل اوي ونضيف اوي وجوده الحاجه حلوه اوي وابقي اشرب من عنده الامبراطور وروح بمعده فاضيه مكانه في اسبورتنج ش بورسعيد والمندره ش جمال عبد الناصر وسموحه عند مكه ..
اي حد مكان تاني بالنسبالي اسم فقط لان محدش بيطور من نفسه بال الجوده بتقل
لو ليك في الهريسه اطلع علي الحلبي واطلبها بالقشطه في محطه الرمل
طبعا كفايا كده لان ان ريقي جرا
طبعا اكيد في محلات كتير حلوه بس دول المميزين بالنسبالي وانضفهم
واهلا باي حد اسكندراني يضيف محل اجربه
اسف لو طولت عليكم ❤
متنساش لو من محافظه تانيه .. تعرفنا علي الاماكن المميزه ليك فيها علشان نجربها ❤