للناس المهتمه بالسياحه في مصر دي صور من داخل...

[Ramy Mohamed Arnous]

للناس المهتمه بالسياحه في مصر دي صور من داخل فندق jaz makadi oasis فالغردقه حاجه اخر اهمال ولما طلبنا تغير الغرفه لقينا نفس المناظر و تعليقهم عادي احنا فمنطقه صحراويه؟ ياريت محدش ينرل فالغرف دي خالص خاصه لو في اطفال المفروض ده فندق 5نجوم بس للاسف وجود عدد كبير من البرص فالغرف حاجه مقززه جدا !!! واضطريت اغير 3 غرف بنفس المنظر مع العلم انهم لازم ياخدو حقهم كامل ويقدمو خدمه بالمنظر ده ! ياريت لو في حد شغال فالسياحه عاوز اعمل فيهم شكوي عشان المعامله السيئه متتكرش مع حد تاني

 

[Bahaa Aldeen Farouk]

هو نفس البوست ده نزل من فتره على جروب تاني و لا ده حاجه جديده !!!

 

[Ramy Mohamed Arnous]

لا ده لسه حاصل معايا امبارح

 

[Ramy Mohamed Arnous]

Alaa Mohamed

 

[Khaled Badry]

انا مش شايف الموضوع يستحق لان الفندق مش هيعقم الغرف , فية انواع من الحشرات او الحيوانات مرتبطة بعدم النظافة انما البرص دا بيكون موجود في البيئة المحيطة وممكن يدخل الغرفة .

 

[Alaa Mohamed]

فعلا دا شئ مقزز ودى مسئوليتهم وفى مواد بتستخدم لمنع الحشرات اللى زى كدا عموما دى كانت اول واخر مرة لينا ف المكان دا وحسبى الله ونعم الوكيل فيهم انهم ضيعوا علينا اجازتنا Ramy Mohamed Arnous

 

[Baher Sabry]

برده فندق jaz mirable sharm فندق زباله وما يعرفوش حاجة اساسا عن النضافه

 

[هيام البنا]

حاجه تقلب البطن الله لا يكسبهم

 

[Nermeen M. Yousri]

على فكرة أنا قعدت في كذا مكان شبه صحراوي قبل كده، جوة مصر و برة مصر، و دايماً كان بيبقى فيه أبراص عالحيطان و السقف، و هم مش مؤذيين أبداً و حتى مبينزلوش عالأرض خالص.. طبعاً من حقك تطلب إن الفندق يتخلص منهم، لكن حقيقي الموضوع ملوش أي علاقة بالنضافة.. دي البيئة الطبيعية ليهم واحنا اللي ضيوف الحقيقة )

 

[Marwa Abdel Hakeem]

طيب يعني لو هانتعايش مع البرص دا عادي...هل ممكن يمشي علي الناس ولا بيفضل في السقف كدا وخلاص ؟!!!!

 

[Mhmd Tahoun]

Jaz collection من ارقى وانظف الفنادق فى مصر كلها

وبصراحة بتاخد خدمة مقابل السعر الى بتدفعة

مع احترامي لحضرتك... اغلب البيوت فى ابراص اصلا...

 

[Egydecent Man]

مع إحترامي لكل المدافعين عن الأبراص و عن البيئه الطبيعيه و التعايش السلمي مع الحشرات و الزواحف في الفنادق ال 5 نجوم . الكلام ده مش صح و مش مقبول و مفروض إن فيه كيماويات ( مبيدات و مواد طارده ) بتسخدم في جميع الفنادق و خاصة المنتجعات اللي طبيعتها في منطقه صحراويه " تقريبا كل منتجعات مصر في مناطق صحراويه " . الكيماويات دي بتترش تقريبا يوميا و من المفترض ما يكونش فيه الكلام ده خالص . و نفس المسأله بتنطبق علي الزرع إللي موجود في الفنادق و إللي مفترض ما يكونش فيه برده حشرات . أعتقد إن الفندق ده تبع شركة ترافكو و حضرتك ممكن تتواصل مع الشركه و تبعت شكوتك ليهم و أرجح إن حضرتك هاتلاقي منهم رد فعل إيجابي

 

[Raslan Hussein]

الغردقة كلها كده اصلا

 

[Manal Gamal]

هو الناس اللي بتقول عادي وايه المشكلة طيب انا مثلا واحدة عندي فوبيا من الكائن ده المفروض اني انزل في اوتيل محترم واتعايش مع المنظر ده ازاي !!!

 

[Alaa Mohamed]

مع احترامنا طبعا لكل الاراء
لكن مفيش خلاف ان دا منظر محدش يتحمله وخصوصا فى طفل يعنى الواحد يسافر يغير جو هو واسرته ولا يسافر يقرف ويتعكنن وخلاص

 

[Bassant Moustafa]

Mohamed Mostafa al72

 

[Asmaa Badr]

البوست ده نزل قبل كده باسم فندق تانى ف الغردقة يا جماعة كفاية تشويه للبلد اكيد مش المفروض يبقى ف برص ف الاوضة بس ده مش نهاية العالم الدنيا مليانة بلاوى والغردقة بطبيعتها صحراوية والحاجات متواجدة عادى

 

[Laila Saber]

الله غريبة اوي نفس البوست بقاله فترة بيلف الفيس.......

 

[Laila Saber]

واضح ان المقصود سياحة مصر تتشوه ....

 

[Alaa Mohamed]

لا حضرتك احنا كدا كدا خلاص دى تجربه وعدت بالنسبالنا ومش داخلين المكان دا تانى لكن اللى يشوه سياحه بجد ان الناس تشوف المناظر دى وتتفزع
وياريت بلاش ترموا التهم كدا