تجربتى السيئة مع فندق تروبيتل واحة دهب او...

  • بادئ الموضوع بادئ الموضوع Noha Mohamed
  • تاريخ البدء تاريخ البدء
N

Noha Mohamed

:: مسافر ::
تجربتى السيئة مع فندق تروبيتل واحة دهب او تروبيتل دهب اواسيز
اللى حصل كالاتى :
احنا كنا حاجزين فى الفندق تبع شركة سياحة فدفعنا الفلوس قبل ما نسافر و بناء على صور الغرف و حمامات السباحة كان باين انه جميل و نضيف
و سالنا الناس انه 4 نجوم فهيكون وحش فقالولنا الفرق بين 4 نجوم و خمسة هو عدد الغرف و حمامات السباحة و الخدمات الموجود ديسكو او بار او اى كان لكن مفيش فرق ابدا فى نضافه الغرف و كده و لاننا كنا فى سيزون و فى زحمه العيد للاسف كانت الفنادق الخمسة مفيهاش مكان زى لو ميريديان و هابى لاند و السويس ان فاضطرينا نحجز فيه خاصة و ان الصور على الموقع فعلا حلوة
و كانت الصدمه بعد 13 ساعه قعدناها فى الباص لان السواق كان بيتدلع هو كمان
نوصل الفندق نلاقى واحد اسمه اسلام فى الريسبشن بيستقبلنا يقولنا لا و الله الغرفة اللى انتوا حجزينها مش موجوة ممكن تاخدوا غرفة تانبه ... احنا كنا حاجزين غرفة على البحر مباشرة و كينج بيد و الدور الاعلى يقولنا فعلا الحجز بيقول كده و موافقه الفندق لكن الغرفة مش متوفرة و اشتكينا للمدير اللى لا بيحل و لا بيربط اسمه وائل و فضلنا قاعدين فى الريسبشن 3 ساعات بعد كل مشوار السفر ده و الشركة تكلمه اسلام الريسبشنست على الموبايل يعمل نفسة مش سامع المكالمة يقول الصوت وحش ناخد الموبايل من ايده نلاقى الصوت واضح جداا و هوا بيستهبل
و فى الاخر اخدنا غرفة بسريرين منفصلين و الفيو بتاعها جانبى و تحتها جنينه مع اننا دافعين فلوس مواصفات معينة و كله بيفرق فى الفلوس
الصدمة التانية بعد كل التعب ده طلعنا الغرفة لقيناها مقرفة جداااا الارض مش نضيفة و الملايات قذرة و انا مصورة كل ده هتلاقوة فى الصور و الستاير مقطعه و الخشب متكسر و الكراسى عليها بقع و البلكونة اما دخلنا فيها كيرف خارجى كده مليان بامبرز و فوط نسائية و كله انا مصوراه
فاحنا اتفزعنا بصراحة من المنظر رحت كلمت الشركة اللى حاجزين تبعها و كان فيه راجل من الهاوس كيبر اسمه احمد بيطلع الشنط سمعنى و انا بتكلم و بشتم فى الفندق و الولد اللى واقف فى الريسبشن بقول انه قليل الذوق و اتكلم بقله ادب لقيته الراجل بتاع الهاوس كيبر بيتدخل فى الكلام و بيقولى مش هيعملولك حاجة على فكرة رحت اتخانقت معاه قلتله انت ازاى تتدخل فى الكلام اصلا انت مالك راح خرج و رزع الباب وراه رحنا
نزلنا نشتكى للمدير راح قالى هعمله خصم و بتاع و بعت ناس يوضبوا الاوضة و ينضفوها و منضفتش بردو بس قدر المستطاع
و بعدين جاية افتح الحنفيه بتاع حوض الحمام الاقى هدومى بقت كلها ماية و الارض كلها اتغرقت اكلم الريسبشن بعتولى سباك فضل يروح و يجى اد خمس مرات و فى اخر مرة قالى لازم اغير الخلاط كل ده و احنا خلاص هلكانين من كتر السفر
فللاسف نمنا بعد ما استنينا السباك لحد الساعه 10 بالليل و محسناش بنفسنا و معانا ولد صغير كمان 4 سنين و صحينا 4 الفجر و نزلنا خرجنا بره الفندق لان الفندق مفيهوش مطاعم او محلات او اى حاجة و رجعنا الساعه 7 الصبح قابلنا الراجل قليل الادب بتاع الهاوس كيبنج بيقولنا انتوا كنتوا فين ده امبارح الراجل السباك كان عايز يدخل و خبط و انتوا مفتحتوش ( لاننا كنا نايمين هلكانين بعد كل القرف ده اللى فى اول يوم محسناش بحاجة ) و بيكمل كلامه بيقولنا ده احنا نزلنا جبنا المفتاح من المدير ع ندخل نكمل الشغل بس اكتشفنا انكم نايمين ع كنتواحاطين السلسله الداخليه بتاعت الباب و المفاجاة بقى اللى تبين الكدب ان انا صحيت لقيت السلسة اصلا مفتوحة مش مقفوله فيما معناه انهم دخلوا علينا و احنا نايمين و الحمدلله ربنا ستر و كنت نايمة بهدومى كامله و بالحجاب لانى نمت و انا قاعده مستنية
و رحنا اتكلمنا مع المدير قال ازاى قالولى ان السلسله كانت مقفوله و الكلام ميحصلش فيه كدب و انا واثق فى الاستاف و كده ....
طبعا حاولنا نغير الفندق لكن للاسف مكنش فيه حجز فى اى فندق تانى كله كومبليت و حاولنا ندفع فلوس زياده و نغير الاوضة و بردو للاسف منفعش و كانوا اسوااااااااا 5 ايام قضيناهم فى حياتنا و للاسف كلمنا فنادق كتيييير قوى هناك للاسف كان سيزون و كله كومبليت
الغرفة التلفزيون فيه القديم ابو بوكس من ورا ده و مفيهوش غير 6 قنوات و مشوش
المينى بار اللى فى الاوضة متكسرة من جوه و من بره ساندينها على خشبة
و الخشب بتاع الفرش متكسر و كله بالصور
الملايات كل ما يجوا يحطوا ملايات جديدة تلاقى فيها بقع و حاجة اخر قرف و اطلب انها تتغير
الحمام البانيو مش نضيف و انا مصوراه و فيه عفن على الحيطة
و التواليت من تحت بينقط و السباك قال مقدرش اعمل فيه حاجة
و حشرات زاحفة صراصير على حشرات زرع و اشتكينا بعتولنا الهاوس كيبنج و معاه رش راجوان رش الاوضة
الى جانب بقى ان البسين مش نضيف خاااالص و خصوصا بتاع الاطفال
و مفيش لايف جارد لا عند البسين و لا عند الشاطئ و دى مصيبه
و فى تانى يوم و انا نازله ع السلم وقعت رجلى اتلوت و مكنتش قادرة اقوم حتى من على الارض من كتر الالم جوزى نزل تحت للريسبشن يدور على الدكتور اللى فى الفندق يقوله لا احنا معندناش هنا دكتور ؟؟؟؟ ازاى يعنى افرض حد حصله حاجة يموت .... يقوله للاسف مفيش
الفندق بعيد جداااااا جدااا عن البلد يعنى هتهلك لو عايز تنزل و بتتفق على عربيات علشان يحوا يودوك و يجيبوك فبعا بتدفع ضعف التمن
الادارة سيئه جدااا قابلنا المدير اسمه وائل جوزى بيقوله يعنى هو انا جاى اتبس و لا اقف على ايد سباك و اتخانق مع ريسبشنست و استلم الاوضة مش نضيفة مش انتوا المفروض تتاكدوا من الاوض بعد كل نزيل يقوله عادى انتوا بس اللى حظكوا وحش
راح جوزى قاله لا انتوا الخدمة عندكوا سيئه جدااا يقوله لا طبعا ازاى ده كل حاجة عندى تمام
و اكتشفنا اصلا انه نزل بقى 3 نجوم و هما لسه بيقولوا انهم 4 نجوم
الايجابيات بصراحة البوفيه حلو و الناس اللى واقفين على البوفيه و فى المطعم محترمين و واحد من الناس اللى واقفين فى الريسبشن اسمه عادل كان بيقابلنا بابتسامه على وشة و محترم اوى عكس اللى اسمه اسلام اللى استقبلنا بكل قله زوق
و اما قلنا واحنا هناك هعمل شكوى فى شرطة السياحة قالولى مش هيعملوا حاجة علشان احنا مش اجانب
و السواق اللى كان موصلنا قلنا يا استاذة متتعبيش نفسك احنا هنا فى بلدنا ملناش تمن .... عندك حق و الله
#تحذير_من_فندق_تروبيتل_واحة_دهب
#تروبيتل_دهب_اواسيز
#علشان_مصريين_ملناش _تمن
PpXrdGF9E9j93jpl1fthZx5CrAbRbAAT.jpeg

PpXrdGF9E9j93jpl1fthZx5CrAbRbAAT.jpeg

PpXrdGF9E9j93jpl1fthZx5CrAbRbAAT.jpeg

PpXrdGF9E9j93jpl1fthZx5CrAbRbAAT.jpeg

PpXrdGF9E9j93jpl1fthZx5CrAbRbAAT.jpeg

PpXrdGF9E9j93jpl1fthZx5CrAbRbAAT.jpeg

PpXrdGF9E9j93jpl1fthZx5CrAbRbAAT.jpeg

PpXrdGF9E9j93jpl1fthZx5CrAbRbAAT.jpeg

PpXrdGF9E9j93jpl1fthZx5CrAbRbAAT.jpeg

PpXrdGF9E9j93jpl1fthZx5CrAbRbAAT.jpeg

PpXrdGF9E9j93jpl1fthZx5CrAbRbAAT.jpeg

PpXrdGF9E9j93jpl1fthZx5CrAbRbAAT.jpeg
 
جدعة والله انك صورتي وكتبتي كدا ولو مش عرفتي تعملي حاجة خدي البوست كوبي بيست ونزليه علي جروب تجربة وجروب حد يعرف ونزليه ف كل حتة تقابلك عشان يتوقف حالهم النصابين
 
بصي انا قعدت فيه مرتين و المرتين كانت تجربتي حلوة جدا و شركة السياحة الي طلعتني الباص بتاعها كان حلو و سريع افتكر العيب بيكون على شركة السياحة انها معملتلكمش احترام و رمتكو تعانو من غير ما يتدخلو! مفروض شركة السياحة تطمن عالاوض انها نضيفة و الباص!
 
دهب ميتنزلش فيها في فنادق
الاجانب ذات نفسهم مبقوش بيعملو كده
دهب لو هتروحيها في هوستيلز كتير حلوه جدا وارخص وانضف
 
دا لينك من بوكينج موضح فيه انه 3نجوم و تقريبا كل ال انت ذكرتيه موجود مسبقا في تعليقات النزلاء من تدني النظافه..بعيد..لا يوجد منقذ..مستوي الطعام..معلش الافضل قبل السفر معرفه اراء نزلاء الفندق من كذا موقع و سؤال اصدقاء اهل للثقه و عدم اخذ راي عام من ناس غريبه علي صفحات النت و طبعا الصور فوتوشوب..حظ اوفر الرحله القادمه /★★★ Tropitel Dahab Oasis, Dahab, Egypt
 
2ana tal3t el hotel da men 3 years w kan f moshkla f elnas el2atzkr 2smohm f el reception w ba3d ma 3mlt moshkla kbira w hadidt ba2ni haklm "booking" la2ni 7agza mano 2ana da7'lt bas sa3tha el 2oadmakntsh keda w kan f restaurant la2ni kont 7agza all inclusive bas on the other side maknish f snacks wala drinks anywhere,,,, elmoskla eltanya hia 2an mo3zam el hotel ba2at bitl3 fiha ra7lat tab3 sharkat fih 3omal w fi2a bta7'od el7ogozt b as3ar ramzia w da elb2a yabhdl eldonia 2ktar....plz send to the tropitel group coz the other hotel in sharm and sahl hashish is different w da hidi3 som3thom and put ur post at booking, trivago, TripAdvisor and Google
 
كنت لازم تتصلي تعملي محضر واطلبي تعويض بالمحضر ده شغل النصب على كل المصريين في كل فنادق مصر بينزلوا الناس في غرف صيانه ويفضلوا يصلحوا وحاجه اخر قذارة بيخافوا جدا اما يتعمل لهم محاضر لان ده بيتسجل في غرف السياحه وبيقلل من تقييم المكان نكد ينكد كنتي اخدتي حقك وحملتي عليهم
 
انا كنت هناك من اسبوع فى نفس الفندق والاوضة فعلا مكنتش كويسة والبشاكير شكلها قذر لكن افتكر الواحد فى دهب الافضل ينزل فى اى هوستيل يبقا افضل
 


أكتب ردك...