D
Dina Sherif A.salam
:: مسافر ::
ازيكوا كلكوا
طبعا بوستات سيوة كترت الفترة الاخيره والناس كلها اتكلمت عن كل حاجه هناك الا العلاج بالرمل
فا انا قررت احكي عن تجربتي لإني سألت ناس كتير اوي وماحدش عرف يفيدني قبل ما اسافر
طبعا سيوة كامكان تحسها لسه ماوصلهاش التكنولوچيا اللي احنا عايشين فيها
واهلها بسطاء جدا
وبيوتها بسيطة تفتقر لحاجات كتير ترفيهيه عندنا
انا روحت مركز الدكرور للعلاج بالرمل
عشان عندي شويه مشاكل في العظام نتيجه وقعه واثرت على رجلي بعد مافكيت الجبس
المهم اننا لما سألنا هانحتاج علاج اد ايه وكام جلسه
قالولنا اقل حاجه ٣ جلسات وبتكون مناسبه لأمراض العظام
في ناس عندها روماتويد بتحتاج ٥ جلسات وفي ناس بتحتاج ٧ وهكذا كل مريض حسب مرضه وقدرته على تحمل الجلسات ومرضى القلب ممنوعين من العلاج ده تماما ولكن مرضى الضغط بيبقى ليهم معامله خاصه
صاحب المكان اسمه الحاج شريف السنوسي
الراجل محترم وكان بيعاملنا كويس جدا
ولما وصلنا اخدنا يورينا الغرف اللي هاننزل فيها بنفسه
المبنى جديد يعتبر نص تشطيب لسه الحيطان على المحاره ولكن الحمام نضيف لسه بكيسه والمطبخ كذلك
لكن احنا ابدينا اعتراضنا عشان الحوائط وكنا عايزين غرفه مع بعض
وكان معانا والده صاحبتي ورجلها فيها مشكله مش هاتقدر تطلع السلم
فا بصدر رحب جدا ودانا لمكان تاني تبعه برضو ولكن ابعد شويه من المقر بتاعه
وهاتلاقوا الصور كلها مع البوست
طبعا زي ماقولتلكوا نظرا لانه للعلاج فا مش شكل الفندق ولا مفروش زي الفنادق
مفروش بطريقتهم السيويه
هي شقه مربعه وكل كام متر في واحده زيها
جواها ريسيبشن حاطين فيه قاعده عربي
وفيه تلفزيون وترابيزه بلاستيك
وفيه غرفتين كل واحده فيهم فيها سريرين فرديين ودولاب وتسريحه بسيطه ومروحه وتكيف
وحمام معقول
ومطبخ
قعد معانا الحاج شريف وقالنا الحاجات الممنوع نعملها عشان العلاج
واولها هي ممنوع نفتح تكيف او مروحه ممنوع نتعرض لأي تيار هواء مباشر
ممنوع نستحمي نهائي طول فتره العلاج لان مسام بشرتنا بتكون مفتوحه عشان تخرج السموم اللي فيها
وبعد فتره العلاج بنفضل كمان ٣ أيام برضو مانستحماش (تجربه بشعه)
المهم في ممنوعات كتير ممكن مانكونش شايفين لها سبب علمي مقنع بس نفذناها غصب عننا
هانزلكوا ورقه الممنوعات في البوست
طبعا لما عرفنا ان ممنوع نستحمى قررنا نروح عين الكبريت ننزل فيها قبل اول جلسه علاج عشان نبقى استفدنا بالمياه الكبريتيه
وروحنا فعلا وخلصنا رجعنا فطرنا على الساعه ١١
وده اخر معاد ناكل فيه لحد ما يجي معاد الجلسه
اللي بيكون على العصر الساعه ٢ او ٣
ممنوع ناكل بس ممكن نشرب مايه عادي لحد وقت الجلسه
وبعدين نجهز عشان نروح بنلبس حاجه خفيفه تكون سهل تتقلع وبيدونا برنس زي بتاع السباحه نلبسه عليها عشان يحمينا من الهوا
وبياخدونا بالعربيه من باب البيت للمكان
وصلنا مكان الدفن في الرمل لقينا حفر زي القبور زمان طبعا في مكان مخصص للسيدات ومكان مخصص للرجاله
بيكونوا حافرينها من بدري وسايبينها للشمس تمص كل السخونيه والاشعه بتاعه الشمس
وكل حفره وراها الخيمه بتاعتها ارضها عباره عن رمل برضو
بندخل الخيمه نقلع كامل ملابسنا
ممنوع حتى النزول بالملابس الداخليه
عشان مايكونش فيها اي بكتيريا او شئ يضر الجسم
وبنلبس تاني البرنس بالشقلوب زي قميص المجانين وبيبقى مقفول من ورا
فا بيكون جسمنا كله متغطي
بنطلع من الخيمه ننام على ضهرنا في الرمل والبنات بيبتدوا يغطونا بالرمل ويرفعوا البرنس واحدة واحدة لحد ما الجسم كله يتغطى فا بيشيلوا البرنس
فا ماحدش بيشوف اي حاجه
وبتبتدي المعاناه
بنفضل في الرمل اد مانقدر
والموضوع مش بالسوء اللي كنا متخيلينه
هي اول لحظة الرمل بيكون مولع بعد كده خلاص
بس اللي بيضايق فكرة انك متكتف مش عارف تحرك ايديك ولا تهش الدبان ولا اي حاجه
المفروض تقعد تلت ساعه (٢٠دقيقه) لكن اول ماتحس ان خلاص مش متحمل بتقولهم كفايه
فا بيجوا يغطوك بالبرنس وزي مانزلت بتطلع وتدخل بضهرك جوه الخيمه تاني
وبيقفلوا عليك الخيمه وتفضل مستلقي جوه على الرمل من غير ملابس برضو
وبيكونوا حاطينلك ازازتين مشروب واحده حلبه وواحده ينسون
بنشربهم جوه الخيمه وممنوع نشرب مايه نهائي
الخيمه هي اسوأ جزء في العلاج لإنها زي الساونا بالظبط وانا من الناس اللي بتتخنق جدا فيها
وبرضو بتفضل فيها اطول وقت ممكن لو قدرت توصل ساعه يبقى حلو اوي
وقتها بتكون العربيه وصلت عشان تروحكوا تاني
فا بنقوم نلبس لبسنا زي ما جينا لكن برملتنا
من غير ما ننفض ونلبس فوقهم كمان البرنس
في الوقت ده بتكون دايخ شويه في ناس بيجيلها هبوط كل انسان حسب طبيعته
لكن الموضوع مش صعب
بالنسبالي بعد الساونا اصعب حاجه كانت الرمل اللي لازق في كل حته في جسمنا
بنركب العربيه وينزلونا قدام باب البيت عشان مانتعرضش لاي هوا
وبندخل جوه زي ماحنا برملتنا بلبسنا بعرقنا وننام على السرير ونتغطى ببطانيه نص ساعه
قبل ما ننام بيكونوا مجهزين عصير ليمون نشربه ولسه المايه ممنوع
وبعده بعشر دقايق كوبايه شوربه
لما يعدي الوقت المطلوب اللي هو نص ساعه بيجيبوا الغدا
فا بنقوم نتغدا وبعدها نغير لبسنا ولكن من غير استحمام تماما
وبنقضى باقي الليله في الشاليه بتاعنا لحد تاني يوم
وبالنسبه للوضوء كنا بنبل كف الايد ونمسح على ايدينا وشعرنا وهكذا
ونفس العمليه لمده ٣ ايام
اخر يوم بعد الجلسه بالليل بيكون فيه جلسه ماساچ بزيت الزيتون
ومعاملتهم كانت كويسه جدا مافيش اي إساءة حصلت بالعكس حصل قدامنا موقف مع ناس قمه في قلة الذوق ولكن الحاج شريف مارضيش يرد عليهم ولا يتصرف بطريقه غلط لدرجه ان الناس دي اعتذرتله في الاخر
وبس بنرجع بالسلامه
وعلى فكرة انا اول مره في حياتي اروح ومافيش بيني وبين اي حد فيهم سابق معرفه والكلام ده اللي حصل معانا بالحرف
جدير بالذكر إن الاكل كان كل يوم نوع مختلف من اللحوم مره ضاني ومره بتلو ومره جملي ودايما الاكل نضيف ودايما مغلف وطعمه حلو
والرحله سعرها كان شامل الاقامه والفطار والغدا والعشا مع العلاج لمده ٤ ايام ٣ ليالي تقريبا ١٢٠٠ بتذاكر الباص رايح جاي
رخامه الموضوع ان ترموستات جسمي اتغير الفتره دي
انا كنت شخص باتحر من كل حاجه بقيت لابسه شتوي عادي في اخر شهر ٨ وفي العيد
بيقولوا تأثير العلاج بيبان بعدها بإسبوعين علشان كدة استنيت الاسبوعين يعدوا
احساس الدش اول يوم بعد الافراج حاجه جميله
بس مش حاسه ان العلاج عمل فرق
يمكن لإن الحمدلله اصابتي كانت بسيطة بالنسبه لباقي الناس
ويمكن لإن المدة كانت بسيطة ٣ جلسات بس
طبعا آخر ليله بوظنا القواعد ونزلنا نشوف البلد وزورنا بحيرة فطناس ومصنع الملح والبحيرات المالحه اللي شكلها يجنن وجبال الملح فيها شبه التلج
وسيوه فعلا مكان جميل والنخل قصير تقدر تقطف منه بإيدك عادي
لكن العلاج بالرمل يعتبر تأديب وتهذيب وإصلاح
اكبر ميزه في التجربه دي هي اني مابقيتش دلوعه
عايزه تكيف ولا مروحه ومش مستحمله الرمل لا خلاص كل حاجه بقت عادي
طبعا بوستات سيوة كترت الفترة الاخيره والناس كلها اتكلمت عن كل حاجه هناك الا العلاج بالرمل
فا انا قررت احكي عن تجربتي لإني سألت ناس كتير اوي وماحدش عرف يفيدني قبل ما اسافر
طبعا سيوة كامكان تحسها لسه ماوصلهاش التكنولوچيا اللي احنا عايشين فيها
واهلها بسطاء جدا
وبيوتها بسيطة تفتقر لحاجات كتير ترفيهيه عندنا
انا روحت مركز الدكرور للعلاج بالرمل
عشان عندي شويه مشاكل في العظام نتيجه وقعه واثرت على رجلي بعد مافكيت الجبس
المهم اننا لما سألنا هانحتاج علاج اد ايه وكام جلسه
قالولنا اقل حاجه ٣ جلسات وبتكون مناسبه لأمراض العظام
في ناس عندها روماتويد بتحتاج ٥ جلسات وفي ناس بتحتاج ٧ وهكذا كل مريض حسب مرضه وقدرته على تحمل الجلسات ومرضى القلب ممنوعين من العلاج ده تماما ولكن مرضى الضغط بيبقى ليهم معامله خاصه
صاحب المكان اسمه الحاج شريف السنوسي
الراجل محترم وكان بيعاملنا كويس جدا
ولما وصلنا اخدنا يورينا الغرف اللي هاننزل فيها بنفسه
المبنى جديد يعتبر نص تشطيب لسه الحيطان على المحاره ولكن الحمام نضيف لسه بكيسه والمطبخ كذلك
لكن احنا ابدينا اعتراضنا عشان الحوائط وكنا عايزين غرفه مع بعض
وكان معانا والده صاحبتي ورجلها فيها مشكله مش هاتقدر تطلع السلم
فا بصدر رحب جدا ودانا لمكان تاني تبعه برضو ولكن ابعد شويه من المقر بتاعه
وهاتلاقوا الصور كلها مع البوست
طبعا زي ماقولتلكوا نظرا لانه للعلاج فا مش شكل الفندق ولا مفروش زي الفنادق
مفروش بطريقتهم السيويه
هي شقه مربعه وكل كام متر في واحده زيها
جواها ريسيبشن حاطين فيه قاعده عربي
وفيه تلفزيون وترابيزه بلاستيك
وفيه غرفتين كل واحده فيهم فيها سريرين فرديين ودولاب وتسريحه بسيطه ومروحه وتكيف
وحمام معقول
ومطبخ
قعد معانا الحاج شريف وقالنا الحاجات الممنوع نعملها عشان العلاج
واولها هي ممنوع نفتح تكيف او مروحه ممنوع نتعرض لأي تيار هواء مباشر
ممنوع نستحمي نهائي طول فتره العلاج لان مسام بشرتنا بتكون مفتوحه عشان تخرج السموم اللي فيها
وبعد فتره العلاج بنفضل كمان ٣ أيام برضو مانستحماش (تجربه بشعه)
المهم في ممنوعات كتير ممكن مانكونش شايفين لها سبب علمي مقنع بس نفذناها غصب عننا
هانزلكوا ورقه الممنوعات في البوست
طبعا لما عرفنا ان ممنوع نستحمى قررنا نروح عين الكبريت ننزل فيها قبل اول جلسه علاج عشان نبقى استفدنا بالمياه الكبريتيه
وروحنا فعلا وخلصنا رجعنا فطرنا على الساعه ١١
وده اخر معاد ناكل فيه لحد ما يجي معاد الجلسه
اللي بيكون على العصر الساعه ٢ او ٣
ممنوع ناكل بس ممكن نشرب مايه عادي لحد وقت الجلسه
وبعدين نجهز عشان نروح بنلبس حاجه خفيفه تكون سهل تتقلع وبيدونا برنس زي بتاع السباحه نلبسه عليها عشان يحمينا من الهوا
وبياخدونا بالعربيه من باب البيت للمكان
وصلنا مكان الدفن في الرمل لقينا حفر زي القبور زمان طبعا في مكان مخصص للسيدات ومكان مخصص للرجاله
بيكونوا حافرينها من بدري وسايبينها للشمس تمص كل السخونيه والاشعه بتاعه الشمس
وكل حفره وراها الخيمه بتاعتها ارضها عباره عن رمل برضو
بندخل الخيمه نقلع كامل ملابسنا
ممنوع حتى النزول بالملابس الداخليه
عشان مايكونش فيها اي بكتيريا او شئ يضر الجسم
وبنلبس تاني البرنس بالشقلوب زي قميص المجانين وبيبقى مقفول من ورا
فا بيكون جسمنا كله متغطي
بنطلع من الخيمه ننام على ضهرنا في الرمل والبنات بيبتدوا يغطونا بالرمل ويرفعوا البرنس واحدة واحدة لحد ما الجسم كله يتغطى فا بيشيلوا البرنس
فا ماحدش بيشوف اي حاجه
وبتبتدي المعاناه
بنفضل في الرمل اد مانقدر
والموضوع مش بالسوء اللي كنا متخيلينه
هي اول لحظة الرمل بيكون مولع بعد كده خلاص
بس اللي بيضايق فكرة انك متكتف مش عارف تحرك ايديك ولا تهش الدبان ولا اي حاجه
المفروض تقعد تلت ساعه (٢٠دقيقه) لكن اول ماتحس ان خلاص مش متحمل بتقولهم كفايه
فا بيجوا يغطوك بالبرنس وزي مانزلت بتطلع وتدخل بضهرك جوه الخيمه تاني
وبيقفلوا عليك الخيمه وتفضل مستلقي جوه على الرمل من غير ملابس برضو
وبيكونوا حاطينلك ازازتين مشروب واحده حلبه وواحده ينسون
بنشربهم جوه الخيمه وممنوع نشرب مايه نهائي
الخيمه هي اسوأ جزء في العلاج لإنها زي الساونا بالظبط وانا من الناس اللي بتتخنق جدا فيها
وبرضو بتفضل فيها اطول وقت ممكن لو قدرت توصل ساعه يبقى حلو اوي
وقتها بتكون العربيه وصلت عشان تروحكوا تاني
فا بنقوم نلبس لبسنا زي ما جينا لكن برملتنا
من غير ما ننفض ونلبس فوقهم كمان البرنس
في الوقت ده بتكون دايخ شويه في ناس بيجيلها هبوط كل انسان حسب طبيعته
لكن الموضوع مش صعب
بالنسبالي بعد الساونا اصعب حاجه كانت الرمل اللي لازق في كل حته في جسمنا
بنركب العربيه وينزلونا قدام باب البيت عشان مانتعرضش لاي هوا
وبندخل جوه زي ماحنا برملتنا بلبسنا بعرقنا وننام على السرير ونتغطى ببطانيه نص ساعه
قبل ما ننام بيكونوا مجهزين عصير ليمون نشربه ولسه المايه ممنوع
وبعده بعشر دقايق كوبايه شوربه
لما يعدي الوقت المطلوب اللي هو نص ساعه بيجيبوا الغدا
فا بنقوم نتغدا وبعدها نغير لبسنا ولكن من غير استحمام تماما
وبنقضى باقي الليله في الشاليه بتاعنا لحد تاني يوم
وبالنسبه للوضوء كنا بنبل كف الايد ونمسح على ايدينا وشعرنا وهكذا
ونفس العمليه لمده ٣ ايام
اخر يوم بعد الجلسه بالليل بيكون فيه جلسه ماساچ بزيت الزيتون
ومعاملتهم كانت كويسه جدا مافيش اي إساءة حصلت بالعكس حصل قدامنا موقف مع ناس قمه في قلة الذوق ولكن الحاج شريف مارضيش يرد عليهم ولا يتصرف بطريقه غلط لدرجه ان الناس دي اعتذرتله في الاخر
وبس بنرجع بالسلامه
وعلى فكرة انا اول مره في حياتي اروح ومافيش بيني وبين اي حد فيهم سابق معرفه والكلام ده اللي حصل معانا بالحرف
جدير بالذكر إن الاكل كان كل يوم نوع مختلف من اللحوم مره ضاني ومره بتلو ومره جملي ودايما الاكل نضيف ودايما مغلف وطعمه حلو
والرحله سعرها كان شامل الاقامه والفطار والغدا والعشا مع العلاج لمده ٤ ايام ٣ ليالي تقريبا ١٢٠٠ بتذاكر الباص رايح جاي
رخامه الموضوع ان ترموستات جسمي اتغير الفتره دي
انا كنت شخص باتحر من كل حاجه بقيت لابسه شتوي عادي في اخر شهر ٨ وفي العيد
بيقولوا تأثير العلاج بيبان بعدها بإسبوعين علشان كدة استنيت الاسبوعين يعدوا
احساس الدش اول يوم بعد الافراج حاجه جميله
بس مش حاسه ان العلاج عمل فرق
يمكن لإن الحمدلله اصابتي كانت بسيطة بالنسبه لباقي الناس
ويمكن لإن المدة كانت بسيطة ٣ جلسات بس
طبعا آخر ليله بوظنا القواعد ونزلنا نشوف البلد وزورنا بحيرة فطناس ومصنع الملح والبحيرات المالحه اللي شكلها يجنن وجبال الملح فيها شبه التلج
وسيوه فعلا مكان جميل والنخل قصير تقدر تقطف منه بإيدك عادي
لكن العلاج بالرمل يعتبر تأديب وتهذيب وإصلاح
اكبر ميزه في التجربه دي هي اني مابقيتش دلوعه
عايزه تكيف ولا مروحه ومش مستحمله الرمل لا خلاص كل حاجه بقت عادي
ربنا يتمم شفاكي يادلوووعة