B
Basma Mostafa
:: مسافر ::
رحلتي إلى #سيوة
بحب السياحة جدا وحلم حياتي إني ألف العالم واكتشف نفسي قبل ما اكتشف العالم حواليا، وحقيقي كل مرة بسافر بكتشف حاجة جديدة في نفسي وبرجع بإقبال على الحياة واهداف جديدة السفر فتح عيني عليها . سافرت حوالي 7بلاد ومستمرة في رحلتي في اكتشاف العالم لكن اكتشفت إني عمري ما سعيت إني اكتشف بلدي، وحبيت تكون سيوة هي أول محطة ليا في اكتشاف مصر… عمري ما كتبت بوست بالعربي عن بلد انا زورتها وكنت بكتفي بعمل بعض النوتس بعد كل سفرية لكن حسيت إني كدة أنانية وحسيت إني هكون سعيدة أكتر لو قدمت خبرتي في اكتشاف الأماكن للناس التانية، واننا مفروض كلنا نعمل شير لخبراتنا عشان نفيد بعض ونتعلم من بعض…
يلا اكلمكم عن رحلتي في واحة سيوة
- طبعا قبل ما أروح سمعت تحذيرات كتير إن المكان مش أمان خصوصا إني أنا وأختي بس إلي كنا رايحين ، ومعظم الناس الي كانت بتتكلم كلهم ما راحوش ولا يعرفوا أي حاجة.. فدي أول نصيحة أنا بقدمها، ياريت ما نسمعش لكلام الناس إلي ما راحتش المكان، ولو محتاجين نعرف حاجة يبقى من خلال السيرش ومن خلال الناس الي راحت ، لان المصدرين هما الأساس.. وحقيقي أنا عمري ما حسيت بأمان في حياتي على قدر ما حسيته في سيوه بناسها الطيبين المضيافين والجو العام هناك… على فكرة قوات الجيش هناك قايمة بشغلها على أكمل وجه وبنعدي على 4 كماين عشان ندخل سيوة أصلا، بذمتكم في أمان أكتر من كده؟، لو ما كنتش رحت أكيد ما كنتش هعرف طبعا النقطة دي وكنت هفتي زي غيري ما بيفتي ههههه ….
- اعتمدت في السيرش على جوجل باللغة الإنجليزية عشان أشوف الآجانب كانوا بيتفسحوا هناك إزاي ودة فادني جدا لإني ماكنتش عارفة هبدآ منين … وكمان كنت طماعة وعايزة استمتع بمشاهدة كل سيوة وما امشيش وافوت أي حاجة، كمان عملت عن تاريخ سيوة سيرش بالعربي واشتريت كتاب واحة سيوة للدكتور الراحل أحمد فخري وقبل دة كنت قريت رواية واحة الغروب للمبدع بهاء طاهر .. كان هدفي مش بس اتفسح، لا كمان كنت محتاجة أعرف تاريخ المكان وعادات الناس هناك… دة كان هدفي من الرحلة والحمد لله رجعت وأنا محققاه
/Egypt: The History of the Siwa Oasis
- السفر من القاهرة لسيوة والرجوع.. السفر سهل جدا وهو انكم تروحوا تحجزوا من محطة الترجمان لسيوه اتوبيس غرب الدلتا ، والسفر مش بيكون كل يوم والأيام المتاحة هي السبت والإثنين والخميس … والعودة بتكون من خلال الحجز من المكان الي الباص هينزلكم فيه اما توصلوا سيوة وبيكون حد وثلاثاء وجمعة… التذكرة ب150جنية .. الباص من القاهرة بيتحرك 11:45 مساءا وبيوصل حوالي الساعة 11 صباحا. أما العودة الباص بيتحرك من سيوة الساعة 8 مساءا وبيوصل الساعة 7 صباحا.. ملحوظة مهمة ، حاولوا تاخدوا معاكم حاجة تتغطوا بيها في الأتوبيس لان التكييف في الاتوبيس عالي ومش بيتقفل، احناً كنا موت من البرد بصراحة
- نتكلم بئي عن الجو هناك.. طبعا أنا مجرمة جدا لإني رحت سيوة في شهر أغسطس، الناس هناك قالولي إنتي ازاي جاية سيوة في الوقت دة؟، دة مش موسم السياحة هنا أصلا.. والناس بتيجي في 10 و11 … طبعا كلامهم مظبوط وانا كنت مجبورة اروح في الوقت دة لظروف خاصة عندي، بس والله استمتعت وما ندمتش لإني قدرت استمتع اكتر بهدوء المكان بعيدا عن زحمة الزوار في موسم السياحة.. بس كنت بخرج من الساعة 8 صباحا إلى الساعة 10:30 صباحا وبعدين برجع الهوتيل وبعدين بنزل تاني الساعة 4 لحد أما ارجع بالليل، لان الجو في فترة الظهيرة نار جهنم هههه…
- وسيلة التنقل كانت المشي و كمان حاجة كدة تشبه التروسيكل، ولد اسمه كريم هناك كان بيسوق بينا وكان المرشد بتاعنا، بجد ولد عسول جدا ومكافح، وانا مبسوطة إني اتعرفت عليه، هو بالمناسبة في أولى إعدادي، كان راجلنا في السفرية دي ، هكتبلكم رقمه هنا…بس نصيحة، إلي بيعانوا من ألالام المفاصل او عندهم مشكلة في الظهر وخلافه بلاش يركب التروسيكل ده لانه هيهد حيلكم بدل ما تدعوا عليا وانتوا هناك..هههه
- بالنسبة للاكل، الحقيقة انهم مش احد اهتماماتي، يعني مش بيفرق معايا اوي اكل ايه، لكن سمعت عن مطعم عبدة وده المطعم الأكثر شهرة في الواحة، يمكن الناس الي بتحب الاكل شايفة انه حلو، لكن انا شايفة ان الاكل عادي، لكن الي مش عادي هناك هو العصير الوطني السيوة وهو التمر باللبن، دة لازم يتجرب.. مشهور هناك كمان الكسكسي بالخضار والفراخ او اللحمة ، دة جربته وطعمه مش وحش..والأمل في المطعم مش غالي.يعني مثلا 50 جنية أغلى طبق طلبته...
- نتكلم عن السكن ، احنا سكنا في فندق كيلاني، الفندق يشبه الهوستيل، هو أمان جدا وصاحبه اسمه الحاج فتحي كيلاني ، راجل سكر جدا ومضياف وفي منتهى الأدب، وشه شوش جدا جدااا،هو بالمناسبة شيخ قبيلة هناك ودايما لابس الزي التقليدي بطاقية حمراء..طبعا انا كنت طالعة مع اختي الصغيرة فالفندق تمام ولو طالعين مع صحابكم ومش عايزين تدفعوا كتير فالفندق دة الليلة فيه ب150 جنية مصري، لكن لو عايزين تستمتعوا اكتر بالمكان ممكن تسكنوا في فنادق تانية وطبعا حجز الفنادق من موقع بوكينج، فندق كيلاني غالبا مش موجود ف موقع بوكينج ههههه … دة رقم الشيخ فتحي كيلاني، لقيت ناس كتير أوي سألتني نهز في الكومنتس إليّ تحت :
+20 102 0735366
أما عن الأماكن إلي ممكن تزوروها
1- جزيرة فطناس، من أجمل الأماكن الي هتروحوها في سيوة، احساس جميل أوي آما تلاقوا طبيعة ساحرة محاوطاكم من كل مكان ، نخيل ومية ومنظر غروب رائع وهدوء فظيع ، هيخليكم تنسوا كل حاجة مضايقاكم…لو مش هتروحوا تعوموا هناك، يبقي تروحوا على وقت الغروب الساعة 6 مثلا في الصيف…
2- جبل الدكرور (هو مش عالي أوي وممكن تشوف جزء كبير من سيوة من فوقه، الطلوع عليه صعب شوية لان المسافة بين حجارته كبيره شوية،لكن في المجمل مش متعب خالص)، في جانبه مكان لعمل الحمامات الرملية لعلاج الروماتيزم وهكذا)..
3- معبد آمون(أم عبيدة) إلي متبقي منه بس أطلال ومعالم المعبد طمست، لكن في جانبه مكان حلو أوي للتصوير..
4-معبد التنبوءات، دة المعبد الي الاسكندر الأكبر تلقى فيه الوحي عشان يحكم إمبراطوريته، ايوه نقطة البداية كانت سيوة، سافر سيوه وقطع آلالاف الكيلومترات من الإسكندرية وراح معبد التنبؤات عند بداية دخوله مصر وخرج دون أن يبوح بما سمع داخل المعبد لكن يبدو أنه سمع ما يسره وهو إنه هيحكم الإمبراطورية… المعبد لسه محتفظ ببعض ملامحه إلى الآن، وأنا طالعة المعبد دة حسيت إن الزمن رجع لعصر الإسكندر الأكبر وخيالي راح للحوار الي حصل بيه الإسكندر والكهنة داخل المعبد، وسآلت نفسي سؤال هل دي صفقة تمت بين الإسكندر الأكبر والكهنة لإخضاع عامة الشعب ؟ ولا وقتها التنبؤات من الكهنة كلنت لوجه الإله كدة من غير أي مقابل؟ ….
5- جبل الموتى، كان الجبانة الرئيسية لسيوة القديمة في العصر الفرعوني والعصر اليوناني والروماني..وطبعا كان مليئ بالمقابر المنحوتة داخله لكن طبعا تم نهبها …تم اكتشافه اثناء الحرب العالمية الثانية على مصر أما كان سكان سيوه بيدوروا على أماكن يختبئوا فيها، مش متبقي غير مقبرتين بس لسه محتفظين بالرسوم إلي على الحوائط والشخص المسؤول هناك مش ييسمح لحد يصور داخل المقبرة…
6- مصنع الملح …عرفت من فيديوهات على يوتيوب إن في مصنع لإنتاج الملح والملح دة بيتم تصديره لبرا، فنويت إني أحاول ازوه عشان أشوف بعيني مرحلة إنتاجه، وبالفعل رحت المصنع، هو قصاد بحيرة الملح . المهم استآذنت اني ادخل بس عشان آشوف، ما تخيلتش إن العميد إلي هناك هياخدني انا واختي ويشرحلي كللللللل التفاصيل من أول خطوة لحد مرحلة تعبئة الملح في شكاير او تشكييله اقراص وتعبئته وتصديره لبلاد منها انجلترا وروسيا ونيوزلاندا ودول تانية… أهم معلومة اخدتها هي إن ملح سيوة بيختلف عن الملح الموجود في كل العالم، وده لأنه ملخ صخري وليس ملح بحري، وفي كل العالم ما فيش غير مكانين بس بينتجوا ملح صخري وهما سيوة والهيمالايا الي بتنتج الملح الأحمر.. المصنع عمره ما يكملش 5 سنوات وهو انتاج وطني. بيتم انتاج 200 طن في اليوم "على ما اتذكر"، وبيستخدموا نظام تشغيل ذكي لاستخراج وفصل وتعقيم الملح مع الاستعانة ببعض الأيدي العاملة، اتمنى كل الناس الي هتروح سيوه ما تفوتش على نفسها فرصة انها تروح وتتعلم وتشوف حاجة زي كدة وتعرف ان بلدنا فيها حاجات كتير حلوة لكن مستخبية ، واللينك الي تحت ده ممكن للناس الي مش قادرة تروح سيوه وعايزه تشوف
7- العيون الكبريتية الموجودة في سيوة …ما أكثرها ويمكن أشهرها عين كيليوباترا، بالنسبة للولاد الموضوع سهل جدا انك تنزل تعوم في اي وقت، لكن البنت محتاجة تضمني ان ما فيش حد جاي ودة انك توقفي حد على اول الطريق عشان يوقف اي حد جاي يقوله في بنات بتسحتمى او في طريقة تانية وهي انك تنزلي بدري جدا الساعة 7 مثلا وتستمتعي من غير اي ازعاج من اي حد والكلام دة ينطبق كمان على بحيرة الملح بجد من أجمل وانظف وانقى مياة هتسبحوا فيها، العميد الي استقبلنا في مصنع الملح قالي كمان ان العوم في البحيرة دي بيشد الجسم لمدة 8 سنين، مااعرفش كلام حقيقي ولا لا ، انا حسيت ان جلدي اتشد بصراحة بعد النزول ف المية لمدة 3 ايام متواصلين … حتى الي ما بيعرفوش يعوموا ممكن تنزلوا وما تخافوش من انكم تغرقوا، امان جدا، روحوا واتبسطوا، بجد متعة جدا وانتوا جوا المية وحواليكم الصخور والجبال القديمة وكمان شجر النخيل الي هتشوفوه من بعيد وأشعة الشمس الي بتحوط على المكان .. معلومة مهمة كل العيون مفتوحة من غير تيكيت وبحيرة الملح كمان مفتوحة ببلاش …دة لينك لبحيرة سيوة
8- قلعة شالي مكان رائع ينفع جدا للتصوير، طبعا هو كان مركز سيوة قديما، لكن للاسف لم يتبقى منه حاليا غير أطلال، وفي صور ليه زمان، طبعا حاجة رائعة… الناس في سيوة قالولي اني لو عايزه اشوف شكله زمان كان عامل ازاي ممكن اروح المغرب لانها حضارة واحدة وهي حضارة الأمازيغ، قالولي ان في المغرب قدروا يحافظوا على معالم المكان إلى الآن، لكن احنا في مصر ما قدرناش نعمل ده ونحافظ على الحضارة دي…
نتكلم عن رحلة السفاري، دي رحلة ما تتفوتش لو هتروحوا سيوة، واجملها انكم هتركبوا عربية 4by4 وهتشوفوا سيوة بعيون تانية بعد عذاب التروسكل هههه، هتشوفوا بحر الرمال الأعظم وهتعملوا ساند بوردينج ولو بتخافوا بلاش واعملوا حسابكم انكم ممكن تقعوا، انا عملته واختي عملته لكن وقعت وربنا ستر الحمد لله.. هتشاهدوا كمان الغروب من فوق الجبل، وهتروحوا عيون مياة جوا الصحراء عيون ساخنة وعيون باردة، لكن ما اسعدنيش الحظ اني اعرف انزل اسبح لان كنا بنتين بس وبصراحة خفنا ننزل لاننا كنا طالعين لوحدنا مع سواقين العربية المرشدين، لكن شفنا اجانب كتير طالعين في جروب واول اما وصلوا نزلوا ع طول.. سو نصيحتي ليكم انكم تطلعوا في مجموعة كبيرة عشان تستمتعوا وما تكونوش خايفين لو كنتم كام بنت بس طالعين… رحلة السفاري للفرد الواحد 180 جنية وتأجير اداه الساند بوردينج ب30 جنية.. ونصيحتي ليكم كمان انكم تباتوا ليلة في الصحراء، هتشوفوا عدد هائل من النجوم بالليل وهتلاقوا حجمها كبير حقيقي منظر يسرق القلب والوجدان، وهيجيبلكم شعور بالسعادة وهتحسوا انكم ملكتوا الدنيا،، ومش هتكونوا عايزين تعملوا اي حاجة غير انكم تناموا على ظهركم وتبصوا للسماء وتشاهدوا النجوم، صدقونوا هتنسوا نفسكم…لو فوتوا الفرصة دي فاعرفوا ان فاتكم كتير اوي…
- انطباعي عن سيوه
- طبعا قبل سفرية سيوة قريت كتاب تم نشره في 1973 تقريبا وكمان قريب رواية واحة الغروب الي المفروض كاتبنا بهاء طاهر اطلق العنان لخياله ووصل للقرن ال18 وتخيل حال مصر واتكلم عن سيوه باعتبارها مسرح الأحداث الهام في روايته، ودة اداني صورة معينة عن سيوة، لكن أما رحت هناك اكتشف سيوة تانية خالص، منها الآثار البالية هناك والمساكن الي مش مبنية بحجر الكرشيف … يعني شفت سيوة المتحضرة، وبالرغم من التمدن الي شوفته في سيوه الا ان زي المرأة السيوة يبقى كما هو لم يتغير بتغير الزمن وبتحضر المكان، وحقيقي قلما اما كنت بشوف امراة سيوية ماشية في الشارع. دخلت بيت سيوي وصاحبته قالتلي ان ما ينفعش يبلسوا غير اللبس ده ، الغريب ان كله شبه بعضه، وسألتها بتعرفوا بعض ازاي؟، قالتلي سهل جدا يعرفوا بعض من الأطفال الي بيسحبوهم وراهم هههه …أما بالنسبة لزي الرجال فاما جلابيه اوف وايت أو سروال وفوقه قميص طويل لحد الركبة كدة برده لونه اوف وايت… دي الحاجة الوحيدة الي شوفتها ولم يحدث فيها تغيير ملحوظ مقارنتا بحالها قديما…
- السيويين عاملين اكتفاء ذاتي، يعني مش هتلاقي واحد سيوي بياكل في مطعم او بيشتري من مطعم اكل، هما بيخبزوا وبيزرعوا وبياكلوا زرعهم…
- المكان هناك أمان جدا وطبعا فيه بعض المعاكسات البسيطة بحكم انهم مصريين يعني هههه ..لكن في المجمل ما حدش ضايقنا، وكلهم بيساعدوا بقلب وكرماء بزيادة لدرجة تخليكم تزهقوا من الكرم دة هههه….
- المنتجات المحلية السيوية فيه زيت الزيتون هو رائع جدا وعجبني، وفيه بلح العجوة وانا حساه عادي يعني، وفي كمان فازات الملح وسمعتهم بيقولوا انها بتطرد الطاقات السلبية واشتريت منها، حساها حلوة أوي بصرف النظر عن انها بتطرد الطاقات السلبية أو لا وكمان هدية شيك أوي ممكن تهادوا بيها الناس المقربين ليكم..
وبعيدا عن الإستجمام والحالة النفسية البيرفيكت الي عشتها هناك اكتشف شيئ كدة، وانا بعدي على الأماكن هناك لقيت عظام بني ادمين جماجم وعظام ايد مرمية نتيجة لحفر المقابر هناك لانهم بيحاولوا يوسعوا الأماكن فشالوا عظام كتير ومنها مرمية ، وقتها حسيت إن حياتنا قصيرة جدا مهما طالت وحقيقي ممكن تنتهي في لحظة، واحنا ما نعرفش حياتنا هتنتهي امته وازاي ومش مستهلة خالص لا صراعات ولا كره وكل الي احنا محتاجينه اننا نعيش في سلام مع بعض وما نزعلش الناس الي بنحبهم ونترك سيرة طيبة عشان أما الناس تفتكرنا بعد أما نموت تفتكرنا بالخير..،و اخيرا لو محتاجين تستجموا وتمتعوا عينكم بمناظر طبيعية خلابة في بيئة هادية بعيدا عن زحمة المدينة ومش عايزين حاجة تكلفكم كتير، انا برشحلكم سيوة.. دي كانت أول مرة أزورها ووعدتها قبل أما أمشي أن دي مش هتكون آخر مرة …
لو في أي سؤال محتاجين تعرفوه عن سيوة ممكن تسيبوا سؤال وانا هجاوب عليه لو كنت عارفة الإجابة، كمان أنا بشكر كل حد اخد من وقته وكتب بوست عشان يساعد حد تاني ويعرفنا حاجات ويقولنا نصايح ممكن تفيدنا أثناء السفر …شكرا
#سيوة
#اكتشفـسيوة
#siwa_oasis
#explore_siwa
بحب السياحة جدا وحلم حياتي إني ألف العالم واكتشف نفسي قبل ما اكتشف العالم حواليا، وحقيقي كل مرة بسافر بكتشف حاجة جديدة في نفسي وبرجع بإقبال على الحياة واهداف جديدة السفر فتح عيني عليها . سافرت حوالي 7بلاد ومستمرة في رحلتي في اكتشاف العالم لكن اكتشفت إني عمري ما سعيت إني اكتشف بلدي، وحبيت تكون سيوة هي أول محطة ليا في اكتشاف مصر… عمري ما كتبت بوست بالعربي عن بلد انا زورتها وكنت بكتفي بعمل بعض النوتس بعد كل سفرية لكن حسيت إني كدة أنانية وحسيت إني هكون سعيدة أكتر لو قدمت خبرتي في اكتشاف الأماكن للناس التانية، واننا مفروض كلنا نعمل شير لخبراتنا عشان نفيد بعض ونتعلم من بعض…
يلا اكلمكم عن رحلتي في واحة سيوة
- طبعا قبل ما أروح سمعت تحذيرات كتير إن المكان مش أمان خصوصا إني أنا وأختي بس إلي كنا رايحين ، ومعظم الناس الي كانت بتتكلم كلهم ما راحوش ولا يعرفوا أي حاجة.. فدي أول نصيحة أنا بقدمها، ياريت ما نسمعش لكلام الناس إلي ما راحتش المكان، ولو محتاجين نعرف حاجة يبقى من خلال السيرش ومن خلال الناس الي راحت ، لان المصدرين هما الأساس.. وحقيقي أنا عمري ما حسيت بأمان في حياتي على قدر ما حسيته في سيوه بناسها الطيبين المضيافين والجو العام هناك… على فكرة قوات الجيش هناك قايمة بشغلها على أكمل وجه وبنعدي على 4 كماين عشان ندخل سيوة أصلا، بذمتكم في أمان أكتر من كده؟، لو ما كنتش رحت أكيد ما كنتش هعرف طبعا النقطة دي وكنت هفتي زي غيري ما بيفتي ههههه ….
- اعتمدت في السيرش على جوجل باللغة الإنجليزية عشان أشوف الآجانب كانوا بيتفسحوا هناك إزاي ودة فادني جدا لإني ماكنتش عارفة هبدآ منين … وكمان كنت طماعة وعايزة استمتع بمشاهدة كل سيوة وما امشيش وافوت أي حاجة، كمان عملت عن تاريخ سيوة سيرش بالعربي واشتريت كتاب واحة سيوة للدكتور الراحل أحمد فخري وقبل دة كنت قريت رواية واحة الغروب للمبدع بهاء طاهر .. كان هدفي مش بس اتفسح، لا كمان كنت محتاجة أعرف تاريخ المكان وعادات الناس هناك… دة كان هدفي من الرحلة والحمد لله رجعت وأنا محققاه
/Egypt: The History of the Siwa Oasis
- السفر من القاهرة لسيوة والرجوع.. السفر سهل جدا وهو انكم تروحوا تحجزوا من محطة الترجمان لسيوه اتوبيس غرب الدلتا ، والسفر مش بيكون كل يوم والأيام المتاحة هي السبت والإثنين والخميس … والعودة بتكون من خلال الحجز من المكان الي الباص هينزلكم فيه اما توصلوا سيوة وبيكون حد وثلاثاء وجمعة… التذكرة ب150جنية .. الباص من القاهرة بيتحرك 11:45 مساءا وبيوصل حوالي الساعة 11 صباحا. أما العودة الباص بيتحرك من سيوة الساعة 8 مساءا وبيوصل الساعة 7 صباحا.. ملحوظة مهمة ، حاولوا تاخدوا معاكم حاجة تتغطوا بيها في الأتوبيس لان التكييف في الاتوبيس عالي ومش بيتقفل، احناً كنا موت من البرد بصراحة
- نتكلم بئي عن الجو هناك.. طبعا أنا مجرمة جدا لإني رحت سيوة في شهر أغسطس، الناس هناك قالولي إنتي ازاي جاية سيوة في الوقت دة؟، دة مش موسم السياحة هنا أصلا.. والناس بتيجي في 10 و11 … طبعا كلامهم مظبوط وانا كنت مجبورة اروح في الوقت دة لظروف خاصة عندي، بس والله استمتعت وما ندمتش لإني قدرت استمتع اكتر بهدوء المكان بعيدا عن زحمة الزوار في موسم السياحة.. بس كنت بخرج من الساعة 8 صباحا إلى الساعة 10:30 صباحا وبعدين برجع الهوتيل وبعدين بنزل تاني الساعة 4 لحد أما ارجع بالليل، لان الجو في فترة الظهيرة نار جهنم هههه…
- وسيلة التنقل كانت المشي و كمان حاجة كدة تشبه التروسيكل، ولد اسمه كريم هناك كان بيسوق بينا وكان المرشد بتاعنا، بجد ولد عسول جدا ومكافح، وانا مبسوطة إني اتعرفت عليه، هو بالمناسبة في أولى إعدادي، كان راجلنا في السفرية دي ، هكتبلكم رقمه هنا…بس نصيحة، إلي بيعانوا من ألالام المفاصل او عندهم مشكلة في الظهر وخلافه بلاش يركب التروسيكل ده لانه هيهد حيلكم بدل ما تدعوا عليا وانتوا هناك..هههه
- بالنسبة للاكل، الحقيقة انهم مش احد اهتماماتي، يعني مش بيفرق معايا اوي اكل ايه، لكن سمعت عن مطعم عبدة وده المطعم الأكثر شهرة في الواحة، يمكن الناس الي بتحب الاكل شايفة انه حلو، لكن انا شايفة ان الاكل عادي، لكن الي مش عادي هناك هو العصير الوطني السيوة وهو التمر باللبن، دة لازم يتجرب.. مشهور هناك كمان الكسكسي بالخضار والفراخ او اللحمة ، دة جربته وطعمه مش وحش..والأمل في المطعم مش غالي.يعني مثلا 50 جنية أغلى طبق طلبته...
- نتكلم عن السكن ، احنا سكنا في فندق كيلاني، الفندق يشبه الهوستيل، هو أمان جدا وصاحبه اسمه الحاج فتحي كيلاني ، راجل سكر جدا ومضياف وفي منتهى الأدب، وشه شوش جدا جدااا،هو بالمناسبة شيخ قبيلة هناك ودايما لابس الزي التقليدي بطاقية حمراء..طبعا انا كنت طالعة مع اختي الصغيرة فالفندق تمام ولو طالعين مع صحابكم ومش عايزين تدفعوا كتير فالفندق دة الليلة فيه ب150 جنية مصري، لكن لو عايزين تستمتعوا اكتر بالمكان ممكن تسكنوا في فنادق تانية وطبعا حجز الفنادق من موقع بوكينج، فندق كيلاني غالبا مش موجود ف موقع بوكينج ههههه … دة رقم الشيخ فتحي كيلاني، لقيت ناس كتير أوي سألتني نهز في الكومنتس إليّ تحت :
+20 102 0735366
أما عن الأماكن إلي ممكن تزوروها
1- جزيرة فطناس، من أجمل الأماكن الي هتروحوها في سيوة، احساس جميل أوي آما تلاقوا طبيعة ساحرة محاوطاكم من كل مكان ، نخيل ومية ومنظر غروب رائع وهدوء فظيع ، هيخليكم تنسوا كل حاجة مضايقاكم…لو مش هتروحوا تعوموا هناك، يبقي تروحوا على وقت الغروب الساعة 6 مثلا في الصيف…
2- جبل الدكرور (هو مش عالي أوي وممكن تشوف جزء كبير من سيوة من فوقه، الطلوع عليه صعب شوية لان المسافة بين حجارته كبيره شوية،لكن في المجمل مش متعب خالص)، في جانبه مكان لعمل الحمامات الرملية لعلاج الروماتيزم وهكذا)..
3- معبد آمون(أم عبيدة) إلي متبقي منه بس أطلال ومعالم المعبد طمست، لكن في جانبه مكان حلو أوي للتصوير..
4-معبد التنبوءات، دة المعبد الي الاسكندر الأكبر تلقى فيه الوحي عشان يحكم إمبراطوريته، ايوه نقطة البداية كانت سيوة، سافر سيوه وقطع آلالاف الكيلومترات من الإسكندرية وراح معبد التنبؤات عند بداية دخوله مصر وخرج دون أن يبوح بما سمع داخل المعبد لكن يبدو أنه سمع ما يسره وهو إنه هيحكم الإمبراطورية… المعبد لسه محتفظ ببعض ملامحه إلى الآن، وأنا طالعة المعبد دة حسيت إن الزمن رجع لعصر الإسكندر الأكبر وخيالي راح للحوار الي حصل بيه الإسكندر والكهنة داخل المعبد، وسآلت نفسي سؤال هل دي صفقة تمت بين الإسكندر الأكبر والكهنة لإخضاع عامة الشعب ؟ ولا وقتها التنبؤات من الكهنة كلنت لوجه الإله كدة من غير أي مقابل؟ ….
5- جبل الموتى، كان الجبانة الرئيسية لسيوة القديمة في العصر الفرعوني والعصر اليوناني والروماني..وطبعا كان مليئ بالمقابر المنحوتة داخله لكن طبعا تم نهبها …تم اكتشافه اثناء الحرب العالمية الثانية على مصر أما كان سكان سيوه بيدوروا على أماكن يختبئوا فيها، مش متبقي غير مقبرتين بس لسه محتفظين بالرسوم إلي على الحوائط والشخص المسؤول هناك مش ييسمح لحد يصور داخل المقبرة…
6- مصنع الملح …عرفت من فيديوهات على يوتيوب إن في مصنع لإنتاج الملح والملح دة بيتم تصديره لبرا، فنويت إني أحاول ازوه عشان أشوف بعيني مرحلة إنتاجه، وبالفعل رحت المصنع، هو قصاد بحيرة الملح . المهم استآذنت اني ادخل بس عشان آشوف، ما تخيلتش إن العميد إلي هناك هياخدني انا واختي ويشرحلي كللللللل التفاصيل من أول خطوة لحد مرحلة تعبئة الملح في شكاير او تشكييله اقراص وتعبئته وتصديره لبلاد منها انجلترا وروسيا ونيوزلاندا ودول تانية… أهم معلومة اخدتها هي إن ملح سيوة بيختلف عن الملح الموجود في كل العالم، وده لأنه ملخ صخري وليس ملح بحري، وفي كل العالم ما فيش غير مكانين بس بينتجوا ملح صخري وهما سيوة والهيمالايا الي بتنتج الملح الأحمر.. المصنع عمره ما يكملش 5 سنوات وهو انتاج وطني. بيتم انتاج 200 طن في اليوم "على ما اتذكر"، وبيستخدموا نظام تشغيل ذكي لاستخراج وفصل وتعقيم الملح مع الاستعانة ببعض الأيدي العاملة، اتمنى كل الناس الي هتروح سيوه ما تفوتش على نفسها فرصة انها تروح وتتعلم وتشوف حاجة زي كدة وتعرف ان بلدنا فيها حاجات كتير حلوة لكن مستخبية ، واللينك الي تحت ده ممكن للناس الي مش قادرة تروح سيوه وعايزه تشوف
7- العيون الكبريتية الموجودة في سيوة …ما أكثرها ويمكن أشهرها عين كيليوباترا، بالنسبة للولاد الموضوع سهل جدا انك تنزل تعوم في اي وقت، لكن البنت محتاجة تضمني ان ما فيش حد جاي ودة انك توقفي حد على اول الطريق عشان يوقف اي حد جاي يقوله في بنات بتسحتمى او في طريقة تانية وهي انك تنزلي بدري جدا الساعة 7 مثلا وتستمتعي من غير اي ازعاج من اي حد والكلام دة ينطبق كمان على بحيرة الملح بجد من أجمل وانظف وانقى مياة هتسبحوا فيها، العميد الي استقبلنا في مصنع الملح قالي كمان ان العوم في البحيرة دي بيشد الجسم لمدة 8 سنين، مااعرفش كلام حقيقي ولا لا ، انا حسيت ان جلدي اتشد بصراحة بعد النزول ف المية لمدة 3 ايام متواصلين … حتى الي ما بيعرفوش يعوموا ممكن تنزلوا وما تخافوش من انكم تغرقوا، امان جدا، روحوا واتبسطوا، بجد متعة جدا وانتوا جوا المية وحواليكم الصخور والجبال القديمة وكمان شجر النخيل الي هتشوفوه من بعيد وأشعة الشمس الي بتحوط على المكان .. معلومة مهمة كل العيون مفتوحة من غير تيكيت وبحيرة الملح كمان مفتوحة ببلاش …دة لينك لبحيرة سيوة
8- قلعة شالي مكان رائع ينفع جدا للتصوير، طبعا هو كان مركز سيوة قديما، لكن للاسف لم يتبقى منه حاليا غير أطلال، وفي صور ليه زمان، طبعا حاجة رائعة… الناس في سيوة قالولي اني لو عايزه اشوف شكله زمان كان عامل ازاي ممكن اروح المغرب لانها حضارة واحدة وهي حضارة الأمازيغ، قالولي ان في المغرب قدروا يحافظوا على معالم المكان إلى الآن، لكن احنا في مصر ما قدرناش نعمل ده ونحافظ على الحضارة دي…
نتكلم عن رحلة السفاري، دي رحلة ما تتفوتش لو هتروحوا سيوة، واجملها انكم هتركبوا عربية 4by4 وهتشوفوا سيوة بعيون تانية بعد عذاب التروسكل هههه، هتشوفوا بحر الرمال الأعظم وهتعملوا ساند بوردينج ولو بتخافوا بلاش واعملوا حسابكم انكم ممكن تقعوا، انا عملته واختي عملته لكن وقعت وربنا ستر الحمد لله.. هتشاهدوا كمان الغروب من فوق الجبل، وهتروحوا عيون مياة جوا الصحراء عيون ساخنة وعيون باردة، لكن ما اسعدنيش الحظ اني اعرف انزل اسبح لان كنا بنتين بس وبصراحة خفنا ننزل لاننا كنا طالعين لوحدنا مع سواقين العربية المرشدين، لكن شفنا اجانب كتير طالعين في جروب واول اما وصلوا نزلوا ع طول.. سو نصيحتي ليكم انكم تطلعوا في مجموعة كبيرة عشان تستمتعوا وما تكونوش خايفين لو كنتم كام بنت بس طالعين… رحلة السفاري للفرد الواحد 180 جنية وتأجير اداه الساند بوردينج ب30 جنية.. ونصيحتي ليكم كمان انكم تباتوا ليلة في الصحراء، هتشوفوا عدد هائل من النجوم بالليل وهتلاقوا حجمها كبير حقيقي منظر يسرق القلب والوجدان، وهيجيبلكم شعور بالسعادة وهتحسوا انكم ملكتوا الدنيا،، ومش هتكونوا عايزين تعملوا اي حاجة غير انكم تناموا على ظهركم وتبصوا للسماء وتشاهدوا النجوم، صدقونوا هتنسوا نفسكم…لو فوتوا الفرصة دي فاعرفوا ان فاتكم كتير اوي…
- انطباعي عن سيوه
- طبعا قبل سفرية سيوة قريت كتاب تم نشره في 1973 تقريبا وكمان قريب رواية واحة الغروب الي المفروض كاتبنا بهاء طاهر اطلق العنان لخياله ووصل للقرن ال18 وتخيل حال مصر واتكلم عن سيوه باعتبارها مسرح الأحداث الهام في روايته، ودة اداني صورة معينة عن سيوة، لكن أما رحت هناك اكتشف سيوة تانية خالص، منها الآثار البالية هناك والمساكن الي مش مبنية بحجر الكرشيف … يعني شفت سيوة المتحضرة، وبالرغم من التمدن الي شوفته في سيوه الا ان زي المرأة السيوة يبقى كما هو لم يتغير بتغير الزمن وبتحضر المكان، وحقيقي قلما اما كنت بشوف امراة سيوية ماشية في الشارع. دخلت بيت سيوي وصاحبته قالتلي ان ما ينفعش يبلسوا غير اللبس ده ، الغريب ان كله شبه بعضه، وسألتها بتعرفوا بعض ازاي؟، قالتلي سهل جدا يعرفوا بعض من الأطفال الي بيسحبوهم وراهم هههه …أما بالنسبة لزي الرجال فاما جلابيه اوف وايت أو سروال وفوقه قميص طويل لحد الركبة كدة برده لونه اوف وايت… دي الحاجة الوحيدة الي شوفتها ولم يحدث فيها تغيير ملحوظ مقارنتا بحالها قديما…
- السيويين عاملين اكتفاء ذاتي، يعني مش هتلاقي واحد سيوي بياكل في مطعم او بيشتري من مطعم اكل، هما بيخبزوا وبيزرعوا وبياكلوا زرعهم…
- المكان هناك أمان جدا وطبعا فيه بعض المعاكسات البسيطة بحكم انهم مصريين يعني هههه ..لكن في المجمل ما حدش ضايقنا، وكلهم بيساعدوا بقلب وكرماء بزيادة لدرجة تخليكم تزهقوا من الكرم دة هههه….
- المنتجات المحلية السيوية فيه زيت الزيتون هو رائع جدا وعجبني، وفيه بلح العجوة وانا حساه عادي يعني، وفي كمان فازات الملح وسمعتهم بيقولوا انها بتطرد الطاقات السلبية واشتريت منها، حساها حلوة أوي بصرف النظر عن انها بتطرد الطاقات السلبية أو لا وكمان هدية شيك أوي ممكن تهادوا بيها الناس المقربين ليكم..
وبعيدا عن الإستجمام والحالة النفسية البيرفيكت الي عشتها هناك اكتشف شيئ كدة، وانا بعدي على الأماكن هناك لقيت عظام بني ادمين جماجم وعظام ايد مرمية نتيجة لحفر المقابر هناك لانهم بيحاولوا يوسعوا الأماكن فشالوا عظام كتير ومنها مرمية ، وقتها حسيت إن حياتنا قصيرة جدا مهما طالت وحقيقي ممكن تنتهي في لحظة، واحنا ما نعرفش حياتنا هتنتهي امته وازاي ومش مستهلة خالص لا صراعات ولا كره وكل الي احنا محتاجينه اننا نعيش في سلام مع بعض وما نزعلش الناس الي بنحبهم ونترك سيرة طيبة عشان أما الناس تفتكرنا بعد أما نموت تفتكرنا بالخير..،و اخيرا لو محتاجين تستجموا وتمتعوا عينكم بمناظر طبيعية خلابة في بيئة هادية بعيدا عن زحمة المدينة ومش عايزين حاجة تكلفكم كتير، انا برشحلكم سيوة.. دي كانت أول مرة أزورها ووعدتها قبل أما أمشي أن دي مش هتكون آخر مرة …
لو في أي سؤال محتاجين تعرفوه عن سيوة ممكن تسيبوا سؤال وانا هجاوب عليه لو كنت عارفة الإجابة، كمان أنا بشكر كل حد اخد من وقته وكتب بوست عشان يساعد حد تاني ويعرفنا حاجات ويقولنا نصايح ممكن تفيدنا أثناء السفر …شكرا
#سيوة
#اكتشفـسيوة
#siwa_oasis
#explore_siwa