السلام عليكم، عندي اجازة قصيرة وبرجع...

[Moath Alhindi]

السلام عليكم،
عندي اجازة قصيرة وبرجع السعودية. وحاب اسوي فحص ماقبل الزواج في بلد الابتعاث قبل ماانزل هل السفارة تقدم هذي الخدمة وسبق شخص سواها؟
او اذا سويتها في السعودية كم راح تأخذ المدة؟ وجزاكم الله خير

 

[Mustaf Sendi]

اولا الله يتمم لك علي خير ثانيا تاخذ ١٤ يوم
اخيرا السفارة ماتقدم الخدمة ذي لانك لما تنزل السعودية تاخذ ورقة من الخدمة الصحية ويحولوك للفحص قبل الزواج تابع لمنطقة سكنك والطرف الاخر نفس شئ
والاستلام يكون من اي طرف يعني تسوي الفحص اي احد من اهلك او اهلها يستلم الورقة عن طريق الهوية الوطنية مايحتاج وجودك اذا كانت فترة الاجازة قصير في خلال ماتقدر تستلم الورقه اي اخدمة ثانية انا حاضر ودعواتك

 

[Hatoon Hamad]

إذا عندك واسطة في المستشفى يقدر يطلع لك النتائج في اقل من أسبوع

 

[Turki Hashim]

ممكن النتائج تطلع في ٣-٥ ايام عمل لو اتكلمت معاهم ووريتهم اثبات انك مسافر للدراسه وماعندك وقت ومن غير واسطات والف مبروك مقدما وبالتوفيق

 

[Hind Mashrah]

سويها في السعودية تطلع بعد ١٠ ايام. وغير كذا مثل هذه الفحوصات تكلف كثير خارج المملكة ومو كل الأشياء اللي تبغاك تحللها ومطلوبة للزواج موجودة في التحاليل خارج السعودية. سويها بالسعودية وكمان سويتها ببلاش