الناس الى رايحة كوالالمبور قريب ..✈️️ <3...

[Ramy Mohamed Fahmy]

الناس الى رايحة كوالالمبور قريب ..️ <3
البوست ده لأول مكان ممكن تزوروا لما توصل .. اعرف عن المكان قبل ما تزوروا :
1- " بيترونس توين تاور ..أو البرجين التوأم " ️
- البرجين من أهم معالم عاصمة ماليزيا كوالالمبور يعنى عيب اوى تيجى و ماتأخدلكش الصورة الى اتهرست مرة قبل كدة دى ..
- معروفة باسم بتروناس نسبة لاسم شركة النفط الى طلبت بناء البرجين التوأمين
- لحد 2004 كان دول اطول برجين فى العالم .

- البرجين اتبنوا فى 7 سنين️ و مكونين من 88 دور و 4 ادوار ارضية و اكتر من 58 مصعد .
- اتكلف بناء البرجين 1.6 مليار دولار بس
- بتوصلوا بالباص العادى تنزل محطة KLCC أو تركب الباص المجانى Go KL و ده مخصص لتسهيل تنقلات السياح داخل العاصمة عيبوا وقت الذروة بيكون زحمة شوية اهل المدينة خاصة الهنود بيستخدموه للتوفير ..

- البرج الاول لشركة بتروناس الماليزية للبترول و الثانى شركة تابعة لبتروناس والباقى مكاتب شركات ماليزية و فندق و تحت البرجين مول ضخم 5 أدوار Suria KLCC Mall فيه اغلب الماركات العالمية و المطاعم و الاسواق التجارية و داخل البرجين فى كمان Aquaria KLCC فيها هتشوف أنواع كتيررر من الكائنات البحرية مش بيظهروا كلهم فى نفس التوقيت و المكان ماشى بجدول مواعيد لظهورهم ذى القرش و الدولفين وغيره يعنى لازم تروح بدرى ️عشان مايفوتكش حاجة منهم والافضل الحجز قبلها .. وجنب المبنى هتلاقى حديقة بنافورة راقصة كبيرة ️تابعين للبرجين الناس بتقعد فيهم وتتصور ..
- تقدر تحجز تذكرة للصعود للجسر الرابط بين البرجين فالدور 41 و تشوف المدينة بالكامل و تتصور و الحجز ممكن اونلاين من الموقع ده :
/Petronas Twin Towers
أو حجز مباشر فى دور ال Concourse Level و تكلفتها غالية نسبيا
أو انك توصل 6 الصبح و تنتظر دورك للدخول " المجانى " وأنت وحظك ..

لو الميزانية على قدى اعمل ايه و قاعد يومين تلاتة بس فى كوالالمبور
تنسى كل الكلام الى فوق ده يا معلم و تصحى بدرى تغسل وشك تلبس لبسك‍ تنزل تاخدلك صورة️ جنب البرجين الجمال دول و تدخل المول وكفى (Y) .. خلصت اكسب وقت فى زيارة اماكن تانية ️

-كوالالمبور فيها معالم كتير وممكن تستمتع كفاية فى 3 أيام و تكمل فى مدينة تانية فى ماليزيا والافضل انك تكون قارئ كويس عنهم قبل ما تروح عشان كده نتكلم عن كل مكان لوحده سواء داخل كوالالمبور أو خارجها فى باقى مدن ماليزيا .. و نروح لبلد تانية
الرحلة دى نص يوم لو هتدخل مزاراتها استنوا باقى المزارات بالتفاصيل (Y) .. أستغلوا كل دقيقة قاعدين فيها فى سفركم

#kuala_lumpur
#petronas_twin_towers

 

[Mostafa El Ghamrawy]

Mohamed Abu Elgasim

 

[Em Es Zee]

Sky bar is amazing spot to chill

 

[Mohammed A. Hussein]

Zuheir Nazieh

 

[Drsara Hussein]

فين باقي الاماكن