السلام عليكم .. انا مسافر ان شاء الله من...

  • بادئ الموضوع بادئ الموضوع Mohammed Youssef
  • تاريخ البدء تاريخ البدء
عرض العطلة
M

Mohammed Youssef

:: مسافر ::
#1
السلام عليكم ..
انا مسافر ان شاء الله من القاهرة لمسقط كمان كام يوم ترانزيت على مطار دبي وهاقعد فيها 8 ساعات تقريبا قبل الرحله التانيه على مسقط .. ف بحكم اني طالع بجواز امريكي اقدر اطلع تأشيرة فوريه من المطار واخرج على م الرحله التانيه تطلع بدل القعده ف المطار وكده ..
ف كنت عاوز حد من اهل الخبرة يفيدني ايه الي اقدر اعمله خلال ال8 ساعات دول في دبي ونظام المواصلات من المطار لاي حته وايه الاماكن الي هالحق اروحها ساعتها ..
شكرا مقدما ..
 
#3
ينفع تروح اي حته في دبي

لو جاى على طيران الامارات هتنزل في مطار ٣

لو جاي فلاي دبي هتنزل في مطار ٢

اي طيران تاني مطار ١

في مطار ١ و ٣ في محطة مترو جوا المطار نفسه توديك ٧٠٪‏ من الاماكن في دبي

اغلب الناس بتروح دبي مول عشان تشوف برج خليفه

اهم حاجه تعمل حسابك ان المترو من ٦ الصبح ل ١٢ نص الليل

و في الويك اند ل ١ صباحا

Good luck
 
#4
لو عايز تكون في الامان اطلع على دبي فيستفل جنب المطار عشر دقايق في التاكسي . وعمل حسابك الوقت الي هاتوصل فيه دبي بتكون زحمه من ٤ ل ٩ بليل في الطرق.
ولو عايز تروح دبي مول ممكن تاخد المترو اسرع وسيله من المطار وترجع بيه بردو بياخد حاوالي ٢٠ دقيقه رايح جاي
 
عرض العطلة
#6
مهم جدا تحجز تذكره برج خليفه اون لاين مقدما علشان الزحمه و المواعيد المسائيه محجوزه لمده ايام او اسابيع مقدما و انت خارج من برج خليفه اخر السير في محل هدايا تذكاريه خاص بالبرج..اشتري منه تذكار او هدايا لو تحب..و انت في دبي مول ممكن تشاهد عروض النافوره الراقصه تبداء مع الغروب و ممكن تركب مركب صغير داخل بحيره النافوره اثناء العرض..داخل دبي مول اكواريوم الاسماك..ممكن تشاهد الاسماك من الخارج مجانا و يوجد تورز داخليه بتذاكر..و داخل مفس المول ممكن تشوف البطاريق بتذاكر في سكي دبي..يعني مول دبي تقريبا وجهتك الاساسيه ..ترانزيت سعيد /Home | Burj Khalifa
 
عرض العطلة
عرض العطلة
أعلى أسفل
عودة
قائمة