М
Мустафа Али
:: مسافر ::
(قيرغيزستان - الجزء الثاني)
سلام عليكم النهاردة حتكلم في الجزء الثاني عن رحلاتي الى قيرغيزستان ويارب تستمتعوا بالموضوع وياريت تسامحوني اني حطول شوية كتير مع العلم ان كل كلمة من خلاصة افكاري وده الجزء الثاني ومش الاخير .. حيبقى فاضل جزء واحد اللي حتكلم عليه عن الاماكن اللي ممكن تزورها في قيرغيزستان وبالصور واتمنى تصبروا معايا للجزء الثالث خلاص هانت :- والجزء الاخير حيبقى اكثر جزء مشوق في الموضوع .. أنتظروني :-*
1- بالنسبة للاكل وعادات الاكل في قيرغيزستان (وطبعا ابتديت بالاكل لانك لازم تعرف حتاكل ايه في رحلتك و لو روحت من غير مترجم على الاقل تبقى عارف انت ممكن تطلب ايه ودي حاجة مهمة جدا لما تروح بلد انت مش عارف عنها حاجة)
- اول شيء زي ما قولت اهل قيرغيزستان نظرا انهم بيعيشوا في درجة حرارة باردة جدا بياكلوا لحم ودهن كتير وبيقطعوا الدهن شرايح ويأكلوه كأنه من المقبلات.. وبيشربوا شاي بشكل فظيع ولو حد استضافك في قيرغيزستان حتلاقيهم بيحطوا الشاي في سلطانيات صغيرة كدة مش كوبايات ولازم على الاقل تشرب تلات سلطانيات شاي وزي ما قولت لما حد بيستضيفك في قيرغيزستان بيرحب بيك انه يدبح خروف ليك ويشفوا الخروف ويقطعوه ويحطوه في قدر كبير ويعملوا احلى شوربة ويضيفوا القمز عليها اللي هو لبن الخيل ويعزموا الاهل والاقارب ومن عاداتهم ان اصغر واحد فيهم بعد ما تاكلوا بيلف عليكم واحد واحد عشان تغسلوا ايديكوا ولازم تقولوله دعوة حلوة ودي من عاداتهم اللي بيحترموها وكمان عيب تقوم من على الاكل غير لما كله يخلص أكل .. وبعد الاكل اكبر حد فيهم بيقول دعوة للاشخاص الموجودين ويتمنالهم الخير والكل طبعا بيرفع ايده وفي الاخر يقولوا امين ، طبعا شعب قيرغيزستان شعب كريم بطبعه وبيحب يعمل واجب كبير جدا مع الضيف.
- أنواع الاكل اللي ممكن تاكلها في قيرغيزستان انا عن نفسي بفضل حاجة اسمها الشاشليك Shashlik ودي قطع لحم او دجاج مشوية زي الكباب بالظبط عندنا في مصر لدرجة اني كنت كل يوم باكل شاشليك ومش بزهق، لكن غير الشاشليك فيه انواع كتير من الاكل زي المانتيه Manty ودي حاجة كدة زي العجينة المسلوقة بس جواها بيبقى لحم مفروم، او زي اللجمانLagman وهيه عبارة حاجة زي المكرونة الاسباجيتي ومعاها خضار ولحمة ، او البيش بيرماك Besh Barmak ودي بتبقى حاجة عاملة زي النودلز كدة وبيحطوا معها قطع لحم صغيرة جدا والبيش بيرماك معناها خمس اصابع باللغة القيرغيزية .. وفي حاجة اسمها سامسيه Samsy ودي زي فطاير صغيرة كدة بيبقى فيها لحمة بالبصل او دجاج بالبصل مع بطاطس برضه انا كنت باكل منها كتير.. وفي حاجة اسمها بورسوك Borsok عاملة زي لقمة القاضي كدة بس من غير سكر دي بقى حتلاقيها على كل ترابيزه قيرغيزية .يعني دي بقى بيعتبروها زي الخبز الوطني، وفي ايضا اكله اسمه البلوف Plov وغالبا بتبقى لحمة مع ارز مع جزر، طبعا اتطمن جدا انك حتاكل احسن انواع لحوم هناك لان الماشية هناك بتتغذى على العلف الطبيعي اللي مروي بمية نضيفة والخضروات والفواكه مفيهاش كيماويات فا الاكل هناك صحي جدا واغلبهم بيزرعوا ويربوا ويدبحوا وينزلوا السوق.. فانت حتاكل اكل صحي اكيد هناك مية في المية.
- و السوبر ماركتس اسمها هناك نارودني narodnyi ودي فيها كل شيء حتحتاجه واسعارها كويسه جدا وزي ما قولت هيه دولة مسلمة ولكنها متأثرة بالثقافة الروسية فا حتلاقي في السوبر ماركت كل شيء فانت لو بتشتري تخلي بالك انك تطلب الحاجة اللي مكتوب عليها حلال بالروسيхалал خلي بالك من اي لحوم بتشتريها وخصوصا اللانشون والكلام ده لان في بيبقى لحم خيل او لحم خنزير او لحم بقر او خرفان
2- عادات الاستحمام عند القيرغيز
- من بعض عادات الشعب القيرغيزي المتأثرين بيها من الثقافة الروسية استخدام البانيا وهيه عبارة عن غرف خشبية وبتبقى متوصله بفرن بيتحط فيه فحم وبيولعوا الفحم من برا وانت يبقى عندك جوا زي زلط كبير جدا وبيبقى ساخن جدا ويبقى متوصل عندك مية ساقعة ومية سخنة وانت طبعا تاخد شوية مية كدة وترميها على الزلط ده يطلع بخار وتبقى قمة المتعة .. احنا عندنا البانيا الخاصة بينا في قرية نارين انا دايما كنت بستعملها ومستعملتش بانيا تجارية انما لو روحت بانيا برا بإيجار خاص بيبقى في مساج بنوع معين من اغصان اوراق الشجر وزي ما الروس بيعملوا بعد الحمام الساخن جدا والبخار ده تطلع مرا واحدة وترمي نفسك في اي بحيرة او نهر او حمام سباحة داخلي في البانيا وبتكون المية سقعة ودي جزء من الثقافة الروسية اللي متأثرين بيها القيرغيز وممكن تشبيهها بالساونا عندنا
3- عادات الزواج في قيرغيزستان
- عشان تتجوز بنت من عندهم لازم يختبروك في دبح الخروف ولازم تدبح الخروف وتشفيه وتقطعه ولو معملتش كدة يبقى عيب لان كل الرجالة بيعرفوا يدبحوا ويقطعوا :-
- وعندهم موضوع الخطف في الزواج ده ان لو واحد حب واحدة جدا ممكن يجيب صحابوا ويخطفوها في عربية ويوديها عند بيت اهله وبعدين يتصلوا ببيت اهلها ويقولوا احنا خطفنا بنتكم .. طبعا هو الموضوع مش قهري زي مانتوا متخيلين لكن هو بيتم كالتالي:
بعد عملية الخطف بيتم الاتصال بأهل البنت واهل الولد بيقولولهم ان احنا خطفنا بنتكم وتعالوا عندنا وكدة وبيعزموهم على الاكل وبيعملوا حفلة وبيراضوهم وبيتم الزواج والبنت اصلا بتبقى فرحانه ان في حد خطفها ولو البنت متضايقة وعايزة تمشي ممكن تطلع من البيت بس ام الولد ممكن تحلف عليها واعتقد ومش متأكد ان ام الولد بتقولها عدي وامشي بس لو عديتي باب البيت انا حدعي عليكي وان انتي ان شاء الله حيصيبك زي لعنة او يعني حيحصل معاكي مشاكل مستقبلا وهما بيخافوا من حاجة اسمها كارما يعني مثلا زي القدر السيء كدة فا بالتالي البنت بتقبل ومش بترضى انها تمشي من البيت لانها كمان بتبقى عيب جدا انها تطلع من البيت بعد ما اتخطفت بتبقى زي عار مثلا عندهم ولكن العادة دي اندثرت ونادرة جدا لو حصلت
4- إجراءات الفيزا في قيرغيزستان
دلوقتي لو انت في مصر للاسف مفيش سفارة لقيرغيزستان في مصر ولكن سفارة قرغيزستان في السعودية ممكن تصدر فيزا للمصريين الموجودين في مصر يبقى لازم تراسلوا او تتصلوا بسفارة قيرغيزستان في السعودية لإنها هيه اللي ليها الحق اصدار فيز للمصرين اللي عايشين بمصر.
ارقام سفارة قيرغيزستان بالرياض - السعودية:
TELEPHONE(+966) 11 229 32 72
FAX(+966) 11 229 32 74
info@kyrgyzembarabia.kg
www.kyrgyzembarabia.kg
تكلفة الفيزا 70 دولار لمدة شهر والاول بتبعت صورة الباسبور بيراسلوا الدولة وبياخدوا الموافقة وبعدين بيصدرولك الفيزا على الباسبور وهيه مش on arrival لازم تعملها قبل ما تروح عشان متقابلش مشكلة في المطار هناك ... لكن معظم الخليجيين مسموحلهم 60 يوم بدون فيزا باستثناء عمان على ما اعتقد
ارخص طيران عشان تسافر الى قيرغيزستان هو على Fly Dubai او Pegasus وفي برضه Turkish Airlines بس غالية
عشان تحجز بسعر رخيص لازم تستنى فلاي دبي بتعمل عروض Up To 50% وبيبقى غالبا ل 72 ساعة
واحسن ان انت تجزأ رحلتك على جزئين لدبي اولا ومن دبي لبشكيك دايما بعمل الحركة دي وبتوفر معايا في السعر، بس جربها بنفسك وقارن واتأكد لاني اخر مرة جربتها اديتني نفس سعر ال One Way علما ان ال One Way كدة كدة بتروح دبي ومن دبي تطلع على قيرغيزستان
5- عملة قيرغيزستان واشهر الاسواق الشعبية هناك
- اول شيء عملة قيرغيزستان اسمها سوم وغالبا الدولار الامريكي بيعمل 70 سوم وطبعا السعر مش ثابت وانما بيطلع وينزل حسب الاقتصاد يوميا وسهل تعرف السعر لان محلات الصرافة في كل مكان وبتلاقيها حاطه بورد بره المحل وكاتبين سعر الدولار بكام فانت ممكن تختار احسن سعر ليك وتحول
- اسماء الاسواق الشعبية هي الام الدين بازار، اوش بازار ، مدينة بازار(الستائر والاقمشة فقط)، الدوردوي بازار، اورتوساي بازار
وحتكلم عن الدوروديDordoi Bazar اللي يعتبر من اكبر واشهر الاسواق الشعبية هناك وممكن تشتري منه ملابس او اكسسوارات الخ..، والسوق ده عبارة عن حاويات فوق بعضيها الحاويات اللي فوق بتستخدم لتخزين البضاعة والحاويات اللي تحت بتستخدم في عرض البضاعة للبيع .. وطبعا لو انت دخلت الدوردوي اوعى تسأل عن حاجة سعرها كام لان الشعب القيرغيزي عامل زي المصريين بالظبط اول ما بيلاقي اجنبي بيضرب السعر في 3 وده شيء لاحظته كتيييييييير جدا لدرجة اني بقولهم انتم مش بتستريحوا الا لما تعلوا السعر على الاجنبي .. لازم ابعت قيرغيزي يشتريلي البضاعة
وبرضه سوق الاوش بازار في كل شيء لو تحب تشتري ملابس او اكل بالجملة او اي شيء والاسعار رخيصة جدا ولكن لازم قيرغيزي يشتريلك
6- الصيد والتخييم في قيرغيزستان
- بالنسبة بقى للصيد في قيرغيزستان .. طبعا في صيد طيور وصيد ارانب والاهم والاغلى هو صيد الوعول وده بيحتاج تصريح وبنادق وترتيب وسيارات جيب وبتطلعوا وسط الجبال عشان تصطادوا وتكلفة رحلة صيد الوعول بتبدأ من 10000 دولار للشخص الواحد .. ايوة مبلغ مبالغ فيه بس بيحتاج تصاريح وترتيبات والحكومة بتديك حق ان انت تصطاد وعل واحد ولكن طبعا انا سمعت من ناس كتير ان في ناس بتطلع لصيد الوعول بشكل غير شرعي بتكاليف ارخص من كدة بكتير ولكن ده طبعا ضد القانون وهو اصلا بيزعلهم لان موضوع الوعول دي ثروة بالنسبالهم والناس بتيجي تقتل في الحيوانات دي .. طبعا الحيوانات دي بتبقى في اماكن بعيدة ومحتاجة عربيات دفع رباعي وقصة تانية... وكمان في صيد ذئاب وصيد باستخدام النسور.
- بالنسبة للتخييم في قيرغيزستان عندهم شكل الخيم مختلف عن الخيم العربية واسمها يورتا Yurta علما بان الخيمة مش بيندق فيها مسمار واحد وبتاخد شغل كتير ومجهود اكثر من شخص لبنائها وبيتم تصميمها انها ممكن تتنقل من مكان الى مكان وفي فتحة في اعلى الخيمة كدة عبارة عن دايرة بيدخل منها الشمس ودي اللي موجودة في علم الجمهورية القيرغيزية ايجار الخيمة بيبقى حوالي 30 دولار شامل الاكل.. والخيمة دي بتبقى مصنوعة من الخشب ومتغطية بالجلد والصوف وما شابه ..
7 - وسائل النقل داخل قيرغيزستان
عندهم وسيلة للنقل اسمها التروليباص وده باص بيشتغل بالكهرباء زي الترام كدة عندنا في اسكندرية لكنه باص وتكلفته لاتجاه واحد 8 سوم وكمان عندهم الميكروباصات واجرتها 10 سوم دايما بيبقى الميكروباص زحمة وعندهم عادة كويسة انك لو لقيت حد كبير ركب لازم تقوم وتقعده وده واجب عليك وعيب انك تعمل نفسك مش واخد بالك
عندهم بقى تاكسيات زي اوسطا واوبر وكريم اللي عندنا في مصر ولكن فكرتها حلوة اوي انك بتبعت رسالة لرقم شركة التاكسي بعنوانك والميعاد اللي عايزه يجيلك فيه وبعدين الشركة بتشوف اقرب تاكسي وبيكلمك على طول عشان يأكد طلبك ويجيلك لحد عندك وكانت الخدمة دي بتريحني جدا خصوصا انه بيجيلي مهما كان الوقت متأخر في المكان اللي انا بقوله عليه ولغيت عندي والخدمة كمان مش محتاجة انترنت فا مكنتش بعاني اني لو مش معايا انترنت مش حعرف اركب خصوصا انهم بيعلوا السعر لما يلاقوني غريب انما الشركات دي بتشغل عداد قدامك
ودي ارقام شركات التاكسيات
(أوداجا 154، ايكونوم 0312906060، ايسكورت 199, نامبا 9797, الفا 0312657777)
8 - الإنشطة السياحية في قيرغيزستان
- تسلق الجبال Mountaineering مثلا لقمة Lenin Peak ودي ارتفاعها 7134 متر او قمة Khan Tengri peak ودي ارتفاعاها 7010 متر او قمة pobeda peak واللي ارتفاعها 7439 متر
- ركوب الخيل Horseback Riding و التريكينج trekking ممكن في منطقة الكاراكول او نارين او ارسلان بوب او كوشكور وغيرها اماكن كتير جدا
- الرافتنج Rafting ودي قايمة الانهار اللي ممكن يتعمل فيها الرافتنج
نهر التشو the Chu River و نهر تشونج كيمن Chong Kemin و نهر نارين Naryn River و Kekemeren River
واللينك ده حيوضحلك امثلة لبرامج الرافتنج في قيرغيزستان ومعلومات عن كل برنامج
/Центр Водного Туризма и Спорта
- skiing وفي اماكن قريبة من بشكيك وكاراكول لهواة التزحلق وركوب التلفريك وطبعا في الشتا الكلام ده وفي ناس بتعمل برامج سياحية وبتطلع لاماكن تعدي ال 5000 متر بالهليكوبتر واللي مهتم في موضوع ال Heli skiing & Heli Boarding Tours ممكن يخش على اللينك ده /Heliski, Freeride, Heliboarding, Backcountry ski touring in Kyrgyzstan | Ski Pro Kyrgyzstan في بيانات البرامج واسعارها
- Hiking اللينك ده بيوضحلك افضل ماسارات المشي لمسافات طويلة في قيرغيزستان
/Best Hiking trails in Kyrgyzstan : Wikiloc
- وطبعا الصيد اخر حاجة واتكلمنا عنه بأنواعه سواء صيد سمك من الانهار او البحيرات او صيد طيور او غزلان او وعول او ذئاب
9- وأخيرا وليس اخراً الفنادق في بشكيك
قبل الفنادق احب اذكر اني مجربتش فنادق خالص في قيرغيزستان الا اني حسيبلكم بيانات بعض الفنادق في بشكيك لو تحبوا تستفسروا عن الاسعار اونلاين... ايجار شقة في بشكيك غرفتين وصالة بيكلف حوالي 300 دولار او غرفة وصالة 250 دولار بالشهر، ايجار الشالية في الايسيكول بيتراوح بين 70 الى 100 دولار في اليوم وممكن اكتر وممكن اقل طبعا بيتوقف على حالة وحجم الشالية .. ايجار الخيمة زي ما قولنا 30 دولار تقريبا باليوم ... طبعا الاسعار دي متغيرة والشالية كان بياخد على الاقل 6 او 7 اشخاص يعني بيبقى تلات غرف وصالة
- الفندق : قولدن توليب (4 نجوم)
الموقع الالكتروني : www.goldentulipbishkek.com
- الفندق : بلازا هوتيل (4 نجوم)
الموقع الالكتروني : www.plazahotel.kg
- الفندق : حياة ريجينسي (5 نجوم)
الموقع الالكتروني : www.bishkek.hyatt.com
- الفندق : جنات (5 نجوم)
الموقع الالكتروني : www.jannat.kg
- الفندق : قولدن دراقون (5 نجوم)
الموقع الالكتروني : www.gdhotel.kg
- الفندق : إفروبا (4 نجوم)
الموقع الإلكتروني : www.evropa.kg
- الفندق : قراند (4نجوم)
الموقع الإلكتروني : /Grand Hotel – One of the best hotels in Bishkek
- الفندق : هوليداي
الموقع الإلكتروني : www.holiday.kg
- الفندق : ديلوكس
الموقع الإلكتروني : www.deluxehotel.kg
انا سيبت اهم معلومات حقولها في الجزء الثالث عشان بجد الموضوع طول وفلت من ايدي
يارب يكون الجزء الاول والثاني عجبوكوا ومحستوش بالملل :-D ومستني رأيكم وتشريفكم ليا بمشاركتكم وتعليقاتكم ومروركم الكريم على موضوعي..وشكرا تابعوني ;-)
رابط الجزء الاول
/Мустафа Али
رابط الجزء الثالث:
/Мустафа Али
سلام عليكم النهاردة حتكلم في الجزء الثاني عن رحلاتي الى قيرغيزستان ويارب تستمتعوا بالموضوع وياريت تسامحوني اني حطول شوية كتير مع العلم ان كل كلمة من خلاصة افكاري وده الجزء الثاني ومش الاخير .. حيبقى فاضل جزء واحد اللي حتكلم عليه عن الاماكن اللي ممكن تزورها في قيرغيزستان وبالصور واتمنى تصبروا معايا للجزء الثالث خلاص هانت :- والجزء الاخير حيبقى اكثر جزء مشوق في الموضوع .. أنتظروني :-*
1- بالنسبة للاكل وعادات الاكل في قيرغيزستان (وطبعا ابتديت بالاكل لانك لازم تعرف حتاكل ايه في رحلتك و لو روحت من غير مترجم على الاقل تبقى عارف انت ممكن تطلب ايه ودي حاجة مهمة جدا لما تروح بلد انت مش عارف عنها حاجة)
- اول شيء زي ما قولت اهل قيرغيزستان نظرا انهم بيعيشوا في درجة حرارة باردة جدا بياكلوا لحم ودهن كتير وبيقطعوا الدهن شرايح ويأكلوه كأنه من المقبلات.. وبيشربوا شاي بشكل فظيع ولو حد استضافك في قيرغيزستان حتلاقيهم بيحطوا الشاي في سلطانيات صغيرة كدة مش كوبايات ولازم على الاقل تشرب تلات سلطانيات شاي وزي ما قولت لما حد بيستضيفك في قيرغيزستان بيرحب بيك انه يدبح خروف ليك ويشفوا الخروف ويقطعوه ويحطوه في قدر كبير ويعملوا احلى شوربة ويضيفوا القمز عليها اللي هو لبن الخيل ويعزموا الاهل والاقارب ومن عاداتهم ان اصغر واحد فيهم بعد ما تاكلوا بيلف عليكم واحد واحد عشان تغسلوا ايديكوا ولازم تقولوله دعوة حلوة ودي من عاداتهم اللي بيحترموها وكمان عيب تقوم من على الاكل غير لما كله يخلص أكل .. وبعد الاكل اكبر حد فيهم بيقول دعوة للاشخاص الموجودين ويتمنالهم الخير والكل طبعا بيرفع ايده وفي الاخر يقولوا امين ، طبعا شعب قيرغيزستان شعب كريم بطبعه وبيحب يعمل واجب كبير جدا مع الضيف.
- أنواع الاكل اللي ممكن تاكلها في قيرغيزستان انا عن نفسي بفضل حاجة اسمها الشاشليك Shashlik ودي قطع لحم او دجاج مشوية زي الكباب بالظبط عندنا في مصر لدرجة اني كنت كل يوم باكل شاشليك ومش بزهق، لكن غير الشاشليك فيه انواع كتير من الاكل زي المانتيه Manty ودي حاجة كدة زي العجينة المسلوقة بس جواها بيبقى لحم مفروم، او زي اللجمانLagman وهيه عبارة حاجة زي المكرونة الاسباجيتي ومعاها خضار ولحمة ، او البيش بيرماك Besh Barmak ودي بتبقى حاجة عاملة زي النودلز كدة وبيحطوا معها قطع لحم صغيرة جدا والبيش بيرماك معناها خمس اصابع باللغة القيرغيزية .. وفي حاجة اسمها سامسيه Samsy ودي زي فطاير صغيرة كدة بيبقى فيها لحمة بالبصل او دجاج بالبصل مع بطاطس برضه انا كنت باكل منها كتير.. وفي حاجة اسمها بورسوك Borsok عاملة زي لقمة القاضي كدة بس من غير سكر دي بقى حتلاقيها على كل ترابيزه قيرغيزية .يعني دي بقى بيعتبروها زي الخبز الوطني، وفي ايضا اكله اسمه البلوف Plov وغالبا بتبقى لحمة مع ارز مع جزر، طبعا اتطمن جدا انك حتاكل احسن انواع لحوم هناك لان الماشية هناك بتتغذى على العلف الطبيعي اللي مروي بمية نضيفة والخضروات والفواكه مفيهاش كيماويات فا الاكل هناك صحي جدا واغلبهم بيزرعوا ويربوا ويدبحوا وينزلوا السوق.. فانت حتاكل اكل صحي اكيد هناك مية في المية.
- و السوبر ماركتس اسمها هناك نارودني narodnyi ودي فيها كل شيء حتحتاجه واسعارها كويسه جدا وزي ما قولت هيه دولة مسلمة ولكنها متأثرة بالثقافة الروسية فا حتلاقي في السوبر ماركت كل شيء فانت لو بتشتري تخلي بالك انك تطلب الحاجة اللي مكتوب عليها حلال بالروسيхалал خلي بالك من اي لحوم بتشتريها وخصوصا اللانشون والكلام ده لان في بيبقى لحم خيل او لحم خنزير او لحم بقر او خرفان
2- عادات الاستحمام عند القيرغيز
- من بعض عادات الشعب القيرغيزي المتأثرين بيها من الثقافة الروسية استخدام البانيا وهيه عبارة عن غرف خشبية وبتبقى متوصله بفرن بيتحط فيه فحم وبيولعوا الفحم من برا وانت يبقى عندك جوا زي زلط كبير جدا وبيبقى ساخن جدا ويبقى متوصل عندك مية ساقعة ومية سخنة وانت طبعا تاخد شوية مية كدة وترميها على الزلط ده يطلع بخار وتبقى قمة المتعة .. احنا عندنا البانيا الخاصة بينا في قرية نارين انا دايما كنت بستعملها ومستعملتش بانيا تجارية انما لو روحت بانيا برا بإيجار خاص بيبقى في مساج بنوع معين من اغصان اوراق الشجر وزي ما الروس بيعملوا بعد الحمام الساخن جدا والبخار ده تطلع مرا واحدة وترمي نفسك في اي بحيرة او نهر او حمام سباحة داخلي في البانيا وبتكون المية سقعة ودي جزء من الثقافة الروسية اللي متأثرين بيها القيرغيز وممكن تشبيهها بالساونا عندنا
3- عادات الزواج في قيرغيزستان
- عشان تتجوز بنت من عندهم لازم يختبروك في دبح الخروف ولازم تدبح الخروف وتشفيه وتقطعه ولو معملتش كدة يبقى عيب لان كل الرجالة بيعرفوا يدبحوا ويقطعوا :-
- وعندهم موضوع الخطف في الزواج ده ان لو واحد حب واحدة جدا ممكن يجيب صحابوا ويخطفوها في عربية ويوديها عند بيت اهله وبعدين يتصلوا ببيت اهلها ويقولوا احنا خطفنا بنتكم .. طبعا هو الموضوع مش قهري زي مانتوا متخيلين لكن هو بيتم كالتالي:
بعد عملية الخطف بيتم الاتصال بأهل البنت واهل الولد بيقولولهم ان احنا خطفنا بنتكم وتعالوا عندنا وكدة وبيعزموهم على الاكل وبيعملوا حفلة وبيراضوهم وبيتم الزواج والبنت اصلا بتبقى فرحانه ان في حد خطفها ولو البنت متضايقة وعايزة تمشي ممكن تطلع من البيت بس ام الولد ممكن تحلف عليها واعتقد ومش متأكد ان ام الولد بتقولها عدي وامشي بس لو عديتي باب البيت انا حدعي عليكي وان انتي ان شاء الله حيصيبك زي لعنة او يعني حيحصل معاكي مشاكل مستقبلا وهما بيخافوا من حاجة اسمها كارما يعني مثلا زي القدر السيء كدة فا بالتالي البنت بتقبل ومش بترضى انها تمشي من البيت لانها كمان بتبقى عيب جدا انها تطلع من البيت بعد ما اتخطفت بتبقى زي عار مثلا عندهم ولكن العادة دي اندثرت ونادرة جدا لو حصلت
4- إجراءات الفيزا في قيرغيزستان
دلوقتي لو انت في مصر للاسف مفيش سفارة لقيرغيزستان في مصر ولكن سفارة قرغيزستان في السعودية ممكن تصدر فيزا للمصريين الموجودين في مصر يبقى لازم تراسلوا او تتصلوا بسفارة قيرغيزستان في السعودية لإنها هيه اللي ليها الحق اصدار فيز للمصرين اللي عايشين بمصر.
ارقام سفارة قيرغيزستان بالرياض - السعودية:
TELEPHONE(+966) 11 229 32 72
FAX(+966) 11 229 32 74
info@kyrgyzembarabia.kg
www.kyrgyzembarabia.kg
تكلفة الفيزا 70 دولار لمدة شهر والاول بتبعت صورة الباسبور بيراسلوا الدولة وبياخدوا الموافقة وبعدين بيصدرولك الفيزا على الباسبور وهيه مش on arrival لازم تعملها قبل ما تروح عشان متقابلش مشكلة في المطار هناك ... لكن معظم الخليجيين مسموحلهم 60 يوم بدون فيزا باستثناء عمان على ما اعتقد
ارخص طيران عشان تسافر الى قيرغيزستان هو على Fly Dubai او Pegasus وفي برضه Turkish Airlines بس غالية
عشان تحجز بسعر رخيص لازم تستنى فلاي دبي بتعمل عروض Up To 50% وبيبقى غالبا ل 72 ساعة
واحسن ان انت تجزأ رحلتك على جزئين لدبي اولا ومن دبي لبشكيك دايما بعمل الحركة دي وبتوفر معايا في السعر، بس جربها بنفسك وقارن واتأكد لاني اخر مرة جربتها اديتني نفس سعر ال One Way علما ان ال One Way كدة كدة بتروح دبي ومن دبي تطلع على قيرغيزستان
5- عملة قيرغيزستان واشهر الاسواق الشعبية هناك
- اول شيء عملة قيرغيزستان اسمها سوم وغالبا الدولار الامريكي بيعمل 70 سوم وطبعا السعر مش ثابت وانما بيطلع وينزل حسب الاقتصاد يوميا وسهل تعرف السعر لان محلات الصرافة في كل مكان وبتلاقيها حاطه بورد بره المحل وكاتبين سعر الدولار بكام فانت ممكن تختار احسن سعر ليك وتحول
- اسماء الاسواق الشعبية هي الام الدين بازار، اوش بازار ، مدينة بازار(الستائر والاقمشة فقط)، الدوردوي بازار، اورتوساي بازار
وحتكلم عن الدوروديDordoi Bazar اللي يعتبر من اكبر واشهر الاسواق الشعبية هناك وممكن تشتري منه ملابس او اكسسوارات الخ..، والسوق ده عبارة عن حاويات فوق بعضيها الحاويات اللي فوق بتستخدم لتخزين البضاعة والحاويات اللي تحت بتستخدم في عرض البضاعة للبيع .. وطبعا لو انت دخلت الدوردوي اوعى تسأل عن حاجة سعرها كام لان الشعب القيرغيزي عامل زي المصريين بالظبط اول ما بيلاقي اجنبي بيضرب السعر في 3 وده شيء لاحظته كتيييييييير جدا لدرجة اني بقولهم انتم مش بتستريحوا الا لما تعلوا السعر على الاجنبي .. لازم ابعت قيرغيزي يشتريلي البضاعة
وبرضه سوق الاوش بازار في كل شيء لو تحب تشتري ملابس او اكل بالجملة او اي شيء والاسعار رخيصة جدا ولكن لازم قيرغيزي يشتريلك
6- الصيد والتخييم في قيرغيزستان
- بالنسبة بقى للصيد في قيرغيزستان .. طبعا في صيد طيور وصيد ارانب والاهم والاغلى هو صيد الوعول وده بيحتاج تصريح وبنادق وترتيب وسيارات جيب وبتطلعوا وسط الجبال عشان تصطادوا وتكلفة رحلة صيد الوعول بتبدأ من 10000 دولار للشخص الواحد .. ايوة مبلغ مبالغ فيه بس بيحتاج تصاريح وترتيبات والحكومة بتديك حق ان انت تصطاد وعل واحد ولكن طبعا انا سمعت من ناس كتير ان في ناس بتطلع لصيد الوعول بشكل غير شرعي بتكاليف ارخص من كدة بكتير ولكن ده طبعا ضد القانون وهو اصلا بيزعلهم لان موضوع الوعول دي ثروة بالنسبالهم والناس بتيجي تقتل في الحيوانات دي .. طبعا الحيوانات دي بتبقى في اماكن بعيدة ومحتاجة عربيات دفع رباعي وقصة تانية... وكمان في صيد ذئاب وصيد باستخدام النسور.
- بالنسبة للتخييم في قيرغيزستان عندهم شكل الخيم مختلف عن الخيم العربية واسمها يورتا Yurta علما بان الخيمة مش بيندق فيها مسمار واحد وبتاخد شغل كتير ومجهود اكثر من شخص لبنائها وبيتم تصميمها انها ممكن تتنقل من مكان الى مكان وفي فتحة في اعلى الخيمة كدة عبارة عن دايرة بيدخل منها الشمس ودي اللي موجودة في علم الجمهورية القيرغيزية ايجار الخيمة بيبقى حوالي 30 دولار شامل الاكل.. والخيمة دي بتبقى مصنوعة من الخشب ومتغطية بالجلد والصوف وما شابه ..
7 - وسائل النقل داخل قيرغيزستان
عندهم وسيلة للنقل اسمها التروليباص وده باص بيشتغل بالكهرباء زي الترام كدة عندنا في اسكندرية لكنه باص وتكلفته لاتجاه واحد 8 سوم وكمان عندهم الميكروباصات واجرتها 10 سوم دايما بيبقى الميكروباص زحمة وعندهم عادة كويسة انك لو لقيت حد كبير ركب لازم تقوم وتقعده وده واجب عليك وعيب انك تعمل نفسك مش واخد بالك
عندهم بقى تاكسيات زي اوسطا واوبر وكريم اللي عندنا في مصر ولكن فكرتها حلوة اوي انك بتبعت رسالة لرقم شركة التاكسي بعنوانك والميعاد اللي عايزه يجيلك فيه وبعدين الشركة بتشوف اقرب تاكسي وبيكلمك على طول عشان يأكد طلبك ويجيلك لحد عندك وكانت الخدمة دي بتريحني جدا خصوصا انه بيجيلي مهما كان الوقت متأخر في المكان اللي انا بقوله عليه ولغيت عندي والخدمة كمان مش محتاجة انترنت فا مكنتش بعاني اني لو مش معايا انترنت مش حعرف اركب خصوصا انهم بيعلوا السعر لما يلاقوني غريب انما الشركات دي بتشغل عداد قدامك
ودي ارقام شركات التاكسيات
(أوداجا 154، ايكونوم 0312906060، ايسكورت 199, نامبا 9797, الفا 0312657777)
8 - الإنشطة السياحية في قيرغيزستان
- تسلق الجبال Mountaineering مثلا لقمة Lenin Peak ودي ارتفاعها 7134 متر او قمة Khan Tengri peak ودي ارتفاعاها 7010 متر او قمة pobeda peak واللي ارتفاعها 7439 متر
- ركوب الخيل Horseback Riding و التريكينج trekking ممكن في منطقة الكاراكول او نارين او ارسلان بوب او كوشكور وغيرها اماكن كتير جدا
- الرافتنج Rafting ودي قايمة الانهار اللي ممكن يتعمل فيها الرافتنج
نهر التشو the Chu River و نهر تشونج كيمن Chong Kemin و نهر نارين Naryn River و Kekemeren River
واللينك ده حيوضحلك امثلة لبرامج الرافتنج في قيرغيزستان ومعلومات عن كل برنامج
/Центр Водного Туризма и Спорта
- skiing وفي اماكن قريبة من بشكيك وكاراكول لهواة التزحلق وركوب التلفريك وطبعا في الشتا الكلام ده وفي ناس بتعمل برامج سياحية وبتطلع لاماكن تعدي ال 5000 متر بالهليكوبتر واللي مهتم في موضوع ال Heli skiing & Heli Boarding Tours ممكن يخش على اللينك ده /Heliski, Freeride, Heliboarding, Backcountry ski touring in Kyrgyzstan | Ski Pro Kyrgyzstan في بيانات البرامج واسعارها
- Hiking اللينك ده بيوضحلك افضل ماسارات المشي لمسافات طويلة في قيرغيزستان
/Best Hiking trails in Kyrgyzstan : Wikiloc
- وطبعا الصيد اخر حاجة واتكلمنا عنه بأنواعه سواء صيد سمك من الانهار او البحيرات او صيد طيور او غزلان او وعول او ذئاب
9- وأخيرا وليس اخراً الفنادق في بشكيك
قبل الفنادق احب اذكر اني مجربتش فنادق خالص في قيرغيزستان الا اني حسيبلكم بيانات بعض الفنادق في بشكيك لو تحبوا تستفسروا عن الاسعار اونلاين... ايجار شقة في بشكيك غرفتين وصالة بيكلف حوالي 300 دولار او غرفة وصالة 250 دولار بالشهر، ايجار الشالية في الايسيكول بيتراوح بين 70 الى 100 دولار في اليوم وممكن اكتر وممكن اقل طبعا بيتوقف على حالة وحجم الشالية .. ايجار الخيمة زي ما قولنا 30 دولار تقريبا باليوم ... طبعا الاسعار دي متغيرة والشالية كان بياخد على الاقل 6 او 7 اشخاص يعني بيبقى تلات غرف وصالة
- الفندق : قولدن توليب (4 نجوم)
الموقع الالكتروني : www.goldentulipbishkek.com
- الفندق : بلازا هوتيل (4 نجوم)
الموقع الالكتروني : www.plazahotel.kg
- الفندق : حياة ريجينسي (5 نجوم)
الموقع الالكتروني : www.bishkek.hyatt.com
- الفندق : جنات (5 نجوم)
الموقع الالكتروني : www.jannat.kg
- الفندق : قولدن دراقون (5 نجوم)
الموقع الالكتروني : www.gdhotel.kg
- الفندق : إفروبا (4 نجوم)
الموقع الإلكتروني : www.evropa.kg
- الفندق : قراند (4نجوم)
الموقع الإلكتروني : /Grand Hotel – One of the best hotels in Bishkek
- الفندق : هوليداي
الموقع الإلكتروني : www.holiday.kg
- الفندق : ديلوكس
الموقع الإلكتروني : www.deluxehotel.kg
انا سيبت اهم معلومات حقولها في الجزء الثالث عشان بجد الموضوع طول وفلت من ايدي
يارب يكون الجزء الاول والثاني عجبوكوا ومحستوش بالملل :-D ومستني رأيكم وتشريفكم ليا بمشاركتكم وتعليقاتكم ومروركم الكريم على موضوعي..وشكرا تابعوني ;-) رابط الجزء الاول
/Мустафа Али
رابط الجزء الثالث:
/Мустафа Али
Moutaz Mohamed