عايزه اعرف الفرق بين كلمه visa free eTA اللي...

[Amani Ahmed]

عايزه اعرف الفرق بين كلمه visa free
eTA اللي بتتكتب دايما
وبرضوا visa on arreival
عايزه اعرف الفرق بينهم بالنسبه لسهوله وصعوبه البلد اللي رايحاها ؟
يعني مقلا مكتوب ان ماليزيا visa free
في حين مثلا في بلدان تانيه في افريقيا مكتوب visa on arreival وايه الفرق طالما كدا كدا سهل ادخل البلد يعني ايه فايده الفيزا او ايه فيدا ان يقول فيزا فريي بالنسبه لماليزيا مثلا

 

[Ahmed Ramadan]

فيزا فرى يعنى لما بتوصلى البلد بتاخدى ختم فقط مفيش اى رسوم بتدفعيها زى ماليزيا. انما فيزا عند الوصول دى زى لبنان مثلا لما بتوصلى بتدفعى 20$ وتاخدى التاشيرة فى المطار. بالنسبة ل Eta تقريبا دى فيزا اون لاين زى جورجيا وسريلانكا والله اعلم

 

[Hala Abdou]

فيزا فري يعني تختمي و تدخلي عادي الباسبور المصري عادي انه يدخلك من غير حاجة، فيزا on arrival معناها في فيزا بس في المطار عند الوصول زي مثلا اندونيسيا تدفعي بالدولار هناك تمنها، في النوع التالت فيزا اونلاين تدخلي علي سايت تدخلي بياناتك و تطلعلم الفيزا تطبعيها و تاخدي الورقة معاكي

 

[Somäyä A AHmed]

F

 

[Sarah Abd El Hares]

visa free دي يعني أنتي أصلاً مش محتاجة تأشيرة لدخول البلد دي يعني توصلي و تختمي دخول و تدخلي عادي من غير أي إجراءات زيادة ..
Visa on arrival يعني أنتي ممكن تأخدي التأشيرة من المطار بتدفعي رسومها اللي بتكون حاجة بسيطة جداً و تختمي و تدخلي البلد ..