انا قدمت على فيزا للمجر من اسبوعين يوم ٨/٦...

[Mohamed Hassanein]

انا قدمت على فيزا للمجر من اسبوعين يوم ٨/٦ وكلمت vfs قالولي هياخدوا اجازة لحد يوم الثلاثاء والباسبور لسه في السفارة ومش هيجي قبل كده والمفروض السفر اصلا يوم الاتنين
السؤال بقى السفارة هتكون اجازة هي كمان ولا ممكن يكلموني اخد الباسبور يوم السبت او الاحد؟ عشان عايز اعرف الغي الحجز ولا اعمل ايه؟

 

[Moutaz Mohamed]

هتلاقيهم شغالين السبت عادي و يفضل تروحي السبت تتاكدي ان الباسبور مطلعش

 

[Omar Alaa]

خد بالك عشان بيتأخروا .. انا لسه واخدها و قعدت اكتر من ٢٠ يوم ١٥ او ١٦ يوم عمل غير ايام الإجازات

 

[Mohamed Moaawd]

سفارة المجر محدش بيرد فيها علي التليفون ممكن تبعت ميل للسفارة بس بردوا محدش هيرد عليك،
انا فيزتي كانت خلصانه من يوم ١٧ يونيو وكلمتهم ١٠٠٠٠ مرة وزيهم ميلات محدش رد واستلمتها يوم ٢٤ او ٢٥ الافضل تروح ، وخلي بالك ممكن السبت مش شغالين بس خد الريسك وروح لهم

 

[Sam Salah]

هى السفارة المجرية لما متكلمكش دة شىء كويس اصلا وفى صالحك ^^.... و عموما سفارة المجر بتتأخر وممكن تستنى 20 يوم علشان تستلم باسبورك ..

 

[Reham Elsharkawy]

المجر عامه بتدي الباسبور ساعات فنفس يوم السفر الصبح حصلت مع صحابي

 

[Gamal Abd Alla]

كل السفارات اجازة جمعة سبت وكمان الاجازات العامة المصرية

 

[Mohamed Hassanein]

السفارة بعتت ايميل اروح استلم الباسبور من الامن في السفارة

 

[Gamal Abd Alla]

أول مرة تقدم اساسا وتبصم؟