سؤال يا جماعه..دلوقتي وجود فيز قديمه في جواز...

[Ayman Ahmed Darrag]

سؤال يا جماعه..دلوقتي وجود فيز قديمه في جواز السفر بيبقي نقطه ايجابيه لما باسبورك يدخل سفاره عشان تاخد فيزا تانيه..
لما الباسبور بينتهي و يتجدد ..كده القديم كله محدش بيشوفه و كأنك مسافرتش بالنسبه لهم..
هل تصوير الفيز القديمه و ارفاقها بالابليكيشن ضروري او بيحل المشكله دي..حتي لو هم مطلبوش ده؟

 

[Hend Salem]

مين قال ان الباسبور القديم ماحدش بيشوفه ؟
الباسبور بيتصور كل التاشيرات اللى عليه و بياخدوا الاصل كمان مع الباسبور الجديد

 

[Mohamed Mohie Yakout]

انت بتتكلم على شنجن ولا حاجة تانية؟؟

 

[Amir El Masry]

انا مش فاهم الموضوع ده فعلا .. يعني اما بجدد الجواز او مثلا بغيره عشان التجنيد القديم بيفضل معايا ؟ ويعني ايه اصور الفيز .. صور اسكانر يعني ؟

 

[Mohamed Salah]

احتفظ بالقديم وأرفقت ديما بالجديد

 

[Ashraf Awad]

لما بتعمل باسبور جديد بيكتب ع القديم لاغي وبتحتفظ بيه بتاشيراته.... لما بتقدم بقا ع فيزا تانية بتقدم الباسبورين مع بعض القديم والجديد. يعني عشان تثبت ارقام التاشيرات بتاعتك لو هيراجعوها طبعا ... الباسبور الابيض مش معناه انك ماسافرتش قبل كدة لو معاك باسبور قديم ... الابيض اللي ماسافرش خالص قبل كدة

 

[Steven Gerrard Bergkamp]

الباسبور القديم مهم جدا مع الجديد خصوصا لو كمان عليه تأشيرات. ...ونصيحة ميني للظروف صور كذا. نسخه منه خصوصا أول صفحه اللي فيها بياناتك الشخصيه بعد كدة صور جميع التأشيرات والاختام اللي عليه واللي تعمله في القديم تعمله في الجديد. .الفكرة ...لو لقدر الله ضاع منك بتروح بأول صفحه اللي مصورها مجمع التحرير لعمل شهادة تحركات ...اللي بتجبلي جميع حركات السفر علي الباسبور. ......الكلام دة لأي حد معه باسبور قديم وجديد. ....... تصوير جميع التأشيرات والاختام علي أي باسبور معايه. .