#_فوبيا_ظابط_الجوازات_#فى مطار القاهرة او مصر...

[Gourge Michael]

#_فوبيا_ظابط_الجوازات_#فى مطار القاهرة او مصر عامة:
1-ما هى سلطاتة ع المسافر؟هل يتحقق كم من المال"كاش" مع المسافر ولا بيشوف حجز الطيران والفندق وبس؟ولو المسافر معاه debit card كبديل للكاش Money!?
2-المستندات اللى تكون معايا"بغض النظر الدول اللى ليها تصريح أمنى" وانا مسافر سياحة عشان اكون ف safe side "خاصة لو بلد سياحة ملهاش فيزا؟

 

[Hani Elmaghrabi]

تصريح سفر الجيش
فقط لا غير
ولو دوله محتاجة تصريح امنى

 

[Hend Salem]

ظابط الجوازات فى مطار القاهرة بيسال على الاتى
باسبور سارى
فيزا لو الدولة لها فيزا
البوردينج كارد اللى بتاخده من كاونتر الطيران و ممكن التذكرة و كارت المغادرة اللى بتملاه
تصريح السفر للشباب
التصريح الامنى لو البلد لها تصريح امنى
النقد الاجنبى عشان الحدود المسموح بها

الفلوس و كارت الفيزا ده ممكن تتسال عليه من موظف شركة الطيران لو البلد المسافر لها لها شرط حد ادنى زى لبنان

طبعا ظابط الجوازات فى بلد الوصول ممكن يسالك اى حاجة كاش فيزا حجز فندق تذكرة عودة تامين