H
Hisham Salh
:: مسافر ::
طبعا هيكون معاكي الدعوه من الداعي وجواب من شغلك يكون مكتوب فيه وظيفتك ومرتبك وبقالك كام سنه في الشغل وكمان تأمين طبي لفتره السفر وكشف بنكي لآخر ٦ شهور انما التذاكر بتختلف سعرها حسب وقت السفر وحسب رحلتك من القاهره الي ايه بالضبط هل ميونخ ولا فرانكفورت ولا ايه وكمان صور شخصيه خلفيه بيضاء
I
Ibrahim Rakha
:: مسافر ::
الفيزا بتاخد من عشر أيام لعشرين يوم عمل في السفارة غالبا مش أكتر من كده... معظم الورق مبياخدش وقت غالبا يعني كشف حساب بنكي لاخر ٦ شهور بيطلع في نفس اليوم... الدعوة الي جايالك... HR letter من الشغل أو شهادة قيد من الكلية لو بتدرسي... حجز مبدئي للطيران و الإقامة... و هتملي الأبليكيشن الموجود علي موقع السفارة و تملي ابليكيشن علي موقع TLS contact و بعدين تحجزي ميعاد... اكتر حاجه ممكن تاخد وقت هي شهادة التحركات و دي مطلوبة لو أول مرة تقدمي شينجن و دي بتقدمي عليها في مجمع التحرير و بتطلع من تلات لخمس ايام عمل مش متأكد بصراحة... و طبعا كل الورق يبقي مترجم... و كذلك صورتين ليهم متطلبات معينه موجودين علي موقع السفارة .. أعتقد دي معظم الحاجات الأساسية المطلوبة مفيش اكتر من كده و برده علي موقع TLS أو موقع السفارة هتلاقي list كاملة بكل الورق المطلوب... بالنسبة لتذاكر الطيران فهي بتتغير بين يوم و ليلة و بتتغير علي حسب توقيت السفر و فترة الحجز قبل السفر و مطار الخروج و مطار الوصول و كده بس ممكن تستخدمي skyscanner و تدوري علي حسب عايزة تسافري امتي و فين و هيجيبلك الأسعار بتاعة كل التذاكر المتاحة