السلام عليكم و رحمة الله وبركاته.... بعد اذنكم...

[Iman Ibrahim]

السلام عليكم و رحمة الله وبركاته.... بعد اذنكم يا جماعه انا حوشت١٨ ألف جنيه -يعتبر مبلغ مش كبير- بس انا لسة متخرجة من سنة ونفسي أسافر جدا انا بتكلم انجليزي وفرنساوي وشوية ايطالي ياريت ترشحولي بلاد للسياحة وفي نفس الوقت تكون مناسبة للفلوس اللي معايا ولو المبلغ ده قليل قولوا لي فاضل قد ايه عشان اقدر اسافر.. وياريت معلش تفهموني الإجراءات اللي هتتعمل لأني اول مرة أسافر ومعنديش خبرة نهائي

شكرا جدا

 

[Manal Afifi]

هو السفر مش محتاج انك تكوني تعرفي لغات ما الناس بتروح الهند والصين وتركيا ودي بلاد محدش يعرف فيها الالف من كوز الذره هههههه....بصي حضرتك حددي مزاجك ايه يعني عاوزه تشوفي متاحف ومناظر حلوه وحياه حديثه ومواصلات تجنن وكل ده يبقي اوروبا عاوزه مناظر خلابه وجبال وميه وكده يبقي الشرق الاقصي عاوزه حاجه لطيفه وخفيفه ومش مكلفه وفيها فسح وشوبنج واكل حلو تبقي تركيا

 

[Dina Hamdy Sleem]

ماليزيا

 

[Ali Maher]

Check out this, it has many answers you need
/Quora – Програми Android у Google Play

 

[Mariem Shehata]

.18000 يعني 1000 دولار لو شامل كل حاجة هيبقي حلو اوي لتركيا او المغرب "ممكن تايلند او ماليزيا بس ممكن تحتاجي تزودي شوية عشان الطيران غالي ولو عرفتي تجيبي تذكرة كويسة هيكون مناسب " بلاش شنجن عشان هتتزنقي انا كان معايا نفس المبلغ ده ولقيته صعب جدا لاوروبا ..اه ولو جورجيا هيكفي ويفيض ان شاء الله

 

[Jqo Jqo]

حسب رغبتك اوروبا ولا دولة عربية مثلا عندك المغرب روعة ولو اوروبا يبقى جورجيا او تركيا والمبلغ يكفى

 

[Ahlam Hadi]

18.000 ج يعنى تقريبا 1000 دولار ... مبلغ ممتاز لدول شرق آسيا وشمال إفريقيا و أوربا الشرقية
عموما بالمبلغ دة ممكن 4 أيام تايلاند + 4 أيام ماليزيا ( كوالالمبور و مرتفعات كاميرون والشاطىء والجزر فى تايلاند واندونيسيا ) . + 4 أيام إندونيسيا جزيرة بالى
لكن احنا بنتكلم على هوستيل و ضغط ف نفقات الأكل و المواصلات ( اوبر / جراب / سكوتر / بسكلته / مشي ) تاكس و عربيات مخصوص و رحلات خصوصي طبعا لأ و برضة حاجة مش بهدلة

 

[Ashraf Ezz]

سفاري تركيا علشان تعرفي تتبسطي بالمبلغ اللي معاك، روحي في يناير، علشان تطلعي جبل بورصة في الثلج

 

[Mohammed Abd Elkader]

ركزي في دول اسيا
يعني الهند و الأردن مثلاً
تايلاند
او من أوروبا جورجيا او تركيا
الدول دي المصاريف فيهم مش غالية وفيزتهم نوعاً ما سهلة وكمان الطيران معقول
بلاش تقدمي على سفارات شنجن دلوقتي علشان لو اترفضتي ميجلكيش احباط
ابدأي بالدول دي جمعي تأشيرات وأختام شوية في باسبورك وبعد كدة ممكن تقدمي شنجن يكون باسبورك بقى قوي شوية

 

[Khaled Badry]

Bosbos Mohammed ممنوع الاعلان عن جروبات اخرى

 

[Marwa Roushdy]

تركيا

 

[Mohamed Khairat]

المبلغ دة حلو اوى تسافرى بيه تركيا أسبوع او 10 ايام ..

 

[Ashraf Edris]

تر كيا

 

[Emy Shefo]

يا جماعة ازاى تركيا او جورجيا ب١٨ الف جنية بس!!!!
انا وبنتي وجوزي لسة راجعين من جورجيا امبارح تيكيت الطيران بس ب٧٥٠٠ ريال سعودي وصرفنا هناك حوالي ١٠ الاف ريال
ده من غير الخروج والعودة بتاعة السعودية والرسوم الي اتفرضت مؤخرا

 

[Emy Shefo]

وتركيا اسمع انها اغلى من جورجيا كمان

 

[Engr Mohamed Said Ata]

عن تجربة المبلغ مش قليل
المبلغ ده يسفرك ٨ ايام باريس ، ١١٦٠٠ التذكرة والفندق بالإفطار ، والباقي يعمل ٣٥٠ يورو تقريبا
يوم ديزني لاند متوسط ٧٠ يورو حسب التذكرة،
يوم قصر فرساي تقريبا ٤٠ يورو
وبرج ايفيل ومتحف اللوفر مع جولة في نهر السين

 

[Nana Zamal]

اطلعي مع شركه سياحه احسن بيعملوا بروجرام كويس لأوروبا و بأسعار كويسه و بينسقوا زياره كذا بلد لكن مع نفسك مش هاتقدري تعملي كده بالمبلغ ده

 

[Sa Ra]

معلش يعنى واللى معندوش جواز سفر اجراءات الجوازات دى بتاخد مبلغ كبير ولا لا ؟ وبعدين حد قالى ان الباسبور لازم يتزفر يعنى يتسافر بيه كذا حته عشان اقدر اخد تأشيره صح ولا لا اللى يعرف يقولى ربنا يكرمكوا

 

[Mahmoud Fawzy Aless]

مش لازم تكوني بتتكلمي لغات خالص علي فكرة

 

[Khaled Elkhateib]

لو بتتكلمي لغات كويس سافري تبع مركز تعليم لغات هتجيبي فلوس