A
Ahmed Soliman
:: مسافر ::
البيرو ( ماتشو بيتشو)
إيه أهم حاجة لازم نبقى عارفينها عن البيرو قبل ما نسافر ،،
ماهى حضارة الإنكا :
(Inca or Inka) إمبراطورية قديمة بنتها شعوب من الهنود الحمر في منطقة أمريكا الجنوبية، كانت أكبر الإمبراطوريات في أمريكا الجنوبية في العصر قبل الكولومبي, وهي ذات حضارة ضاربة في القدم وتشمل أرض الأنكا بوليفيا والبيرو والإكوادور وجزءاً من تشيلي والأرجنتين قاموا ببناء عاصمتهم كسكو وهي مدينة مترفة ومليئة بالمعابد والقصور تقع على ارتفاع 11000 قدم فوق مستوى سطح البحر في جبال الانديز وقد أطلق عليها اسم مدينة الشمس المقدسة, تبلغ مساحتها 990000 كيلومتر مربع.
أولا : علشان تستمتعو الاول من وجهة نظرى الشخصية اتفرجو على الفيديوهين دول علشان تحسو بجمال البلد ، مش عارف بس المزيكا ليها اوقات كتير حاجة بتمثل الدول ؛
على فكرة فى الفيديو التانى الراجل قال اسم مصر
ثانياً : علشان توصلو لهناك المفروض توصل لمدينة اسمها كوسكو اللى بيبدأ منها رحلة من أمتع الرحلات اللى عملتها فى حياتى ، لو ملقتوش حاجة توديكم لكوسكو direct يبقى لازم تروحى عاصمة البيرو ( ليما) ، بعدها انا ركبت طيارة لمدينة كوسكو،
الرحلة للوصول لماتشو بيتشو بتبقى خمس أيام ،،، أهم حاجة الاستعداد ؛
- Stretching ( اللى انا معملتوش طبعاً )
انا مكنتش عملت stretching للتحضير فا جسمى اتكسر وربنا عرفت ان فى عضلات فى جسم الانسان مسمعتش عنها قبل كدة من وجعها بعد ما رجعت ،
بس علشان كنت مستمتع ومبسوط جدا كنت مكبر دماغى ،،، لو قدرت تجهزو جسمكم لو هاتطلعها مشى يبقى احسنلكم تجهز جسديا .
- Mosquito repellent ( بتاع النموس لحسن القرص هناك إبن ناس أوى )
- Sun block ( علشان ده واللى قبله هايترشو مع بعض)
متحطوش حاجات فى شنطة ال Pack-back مش محتاجينهم ، الموضوع فيه طلوع جبال ومسافات بردو مش هينة ، وانا طبعا كنت اول مرة اطلع فا مبسوط بالشنطة ، طبعا انا واللى معايا بعد ما أتطلب مننا نخفف الشنط قبل ما نتحرك ، بردو كانت تقيلة ، المفروض تدورو على أقل الاحتياجات حتى لو هاتضطرو تغسلو هدومكم يعنى يبقو طقمين للتغيير
تاخدو معاكم كشافات من اللى بتتلبس على الدماغ.
الاكل فى مدينة كوسكو ( السمك) حاجة فخمة وخرافية ورخيصة جداً ، كلو سمك هناك وخصوصا اللى فى الصورة
هايأكلوكم أو يشربوكوم هناك ورق شجر اللى هو اصلا بيخلى الواحد يقدر يتعامل مع الارتفاعات اللى هاتوصلولها من قله الأكسجين فى اماكن ده عادى وده بيبقى نبات الكوكا ( أصل المخدرات ) بس مبيعملش حاجة اصلا لانه مش مضاف عليه الكيماويات اللى بتوصل العقل لاى حاجة ، الا بقى لو طلبت معاكم تضربو كيسين ولا حاجة وده خطر لان فى ناس بتموت منه والناس هايبلغوكم كدة بس هو اتظبط ضغط الجو والنفس وانكم تقدرى تكملو ، صراحة انا محتجتش منه الا كوباية وبيتحط فى مياه معاية ، والموضوع مسموح بيه فى البيرو لو خرجتو بورقة شجرة واحدة برة البيرو فيها حبس ، فا الموضوع اختلافات
- الفيزا : صراحة مش هاقدر أفيدكم لو من مصر ازاى ، لانى طلعتها من برة مصر ، فا ده بقى لو حد عارفه يقول
البيرو فيزا لوحدها على فكرة فا مفيش فيزا تبقى معاك تدخلك هناك .
بصو قبل ما ابدا هما فى يومين داخلين فى بعض وعلشان اكتب الكلام ده قعدت ابص فى صور ، فا سامحونى لو يومين فى محسوبين يوم علشان هما ٥ ايام
إزاى تحجز الرحلة ؛
فى المطار فى شركات سياحة انا حجزت منها انا واصحابى الرحلة بتاعة ماتشو بيتشو وده كان فى فبراير ٢٠١٥ ، كانت تقريبا بالأكل والشرب والنوم وال zip lining وال rafting ب 300 USD ،
بس فى المدينة نفسها فى شركات تانية بتحجز وأسعار أقل وممكن تفاصل وحاجة كدة كويسة ، وممكن تدورو على النت ،
فى نوعين من الرحلات اللى بتوصل لماتشو بيتشو على حسب ما عرفت ( واحدة بتبقى الخمس أيام اللى أنا عملتها& وفى اللى هى المرفهة بقى بتاعة اللى بيروحو فى الأتوبيسات ودى هايبقى فيها بقى اللى معاهم اطفال والكبار فى السن وهتلاقى شوية الشباب السيكى ميكى بهزر على فكرة الموضوع اختيارات بس ، بس هما هناك بيحبو اللى بيجرب وبيعتبرو ده شجاعة ) بس صراحة لو معندكش اى سبب يخليك متحاولش المشى ل ٥ أيام هايفوتك كتير أوى أوى ،
بس صراحة الرحلة مش سهلة لو انت مش بتحب المشى ، ومش سهلة لو معاك اطفال او معاك حد يبقى من مسؤوليتك علشان فى طلوع جبال ومشى كتير بجد ، ٥ ايام مشى مش حاجة عادية والاكل اللى بتأكله بيبقى basic جدا وكميات قليلة ، فا اللى عايز يظبط وزنه والله حرق طبيعى بس جميل جداً ، علشان هاتبقى Vegetarian الفترة دى لان الاكل هناك مش حلال بالمرة وكمان عندهم لحمة بتاعة حاجة كدة مابين الارنب والفار وهما مش مستقرين إيه هو وشكلهم لاقوه كدة فا بياكلوه ، والله اعلم ايه هو ههههههه ، فا احنا اختارنا الاكل الصحى السوتيه ( وبردو ده بكميات قليلة) بس فى فاكهة بتتباع على الطريق ،
الخمس ايام دول كل يوم بتباتهم فى بلد عند حد من ال locals ، يعنى بتباتو فى مكان بسيط جداً وده بردو ممتع ،
اليوم الاول :
بيبقى فيه من ٣ ل ٤ ساعات سواقة عجل واللى مبيعرفش يسوق ميجربش ، النزول من على سفح جبل واللى جنبك الهوا على ارتفاع شاهق وبجد اللى مبيعرفش يسوق كويس يا اما يركز جدا يا اما مفيش عيب يعنى يركب العربية ، علشان الموضوع كمان فى مطر وعايز تحكم فى الفرامل والملفات ،
بعدها بقى بتكون وصلت اول مدينة وشيوة هايدورو على اللى حاجزين Rafting - ، حاجة كدة بقى جميلة ، اه مش انت المتحكم فى المركب بس بسهولة تحس ان الجماعة اللى فى المركبة هى اللى بتساعد ان المركب يوصل
اليوم التانى :
Zip-lining , وسع بقى للارتفاعات والقلب الجامد
٦ نزلات علشان بس نبقى متفقين ، الموضوع ان الناس بتطلع على رجليها وتنزل على حبال ، وما ادراك ما الارتفاعات ، اول ٣ بيبقى على حسب العادى جدا اللى هما بيقولولكم عليه وبعدها الباقيين مشكل ( Superman style & Upside down style ) ومش فاكر الأخير ،
بعدها بقى بيبقى فى مشى تانى لحد ما توصلو المدينة اللى بعدها وهنا بقى فى مفاجاءة ، لما بتوصل لمكان محدد كدة وبيكون وقت الغروب تقريباً علشان تروح مكان اسمه ال HOT Spring اللى اصلا انت موعود بالمكان ده فى اول الرحلة و حاسس ان ده المكان اللى هايريحلك أعصابك ( حاجة دلع ) ساونا طبيعى وعيون مياه دافيه عاملين منها حمامات سباحة ، بس علشان تروحلها لازم بعد ما توصل تركب سبت اه سبت حديد كدة هايعدى بيك من جبل لجبل اه والله المفروض اسيبها كا مفاجاءة بس صراحة الموضوع لو قلبك مش جامد حتى شوية اللى بيعدوك من كلاب الشارع يبقى متروحش المكان ده ، انت بتركب سبت حديد والعدد بالكتير ٣ وتلاقى واحد بيزق السبت والتانى بيشد من اجنب التانى من الجبل ،
المشكلة انك مقدامكش ترفض يا اما ترجع يومين تقريبا مشى ولوحدك والله اعلم هايحصل ايه والدنيا ضلمة والغابة فيها وحوش ( وحوش دى بس على راى الاغنية ) مفيش وحوش بس ممكن الله اعلم بردو ، انت فى وسط الطل على فكرة ومفيش إنقاذ والكلام الفاضى ده ، بعد بقى السخونة بتاعة ال Hot Spring ، بيتحرك الركاب للمدينة اللى هاينامو فيها
اليوم الثالث
بيبقى انك بتروح لمدينة قريبة من ماتشو بيتشو ، المكان جميل جداً وروعة ،
اليوم الرابع بيطلع الجروب كله من قبل الفجر وبيطلع من اير شنط تقريباً ٢٠٠٠ سلمة ( أو اكتر) عبارة عن حجارة بس وده بقى اسمه الرقص الحر ، يعنى هتلاقو نفسكم بتعملو اشكال غريبة من المشي ، لحد ما توصلو لبوابة ماتشو بيتشو ،، وال Guide بيقابلكم على الباب ولازم توصلو فى ميعاد محدد علشان البوابات بتبقى زحمة وال Guide بيقولكم احسن وقت للوصول لتجنب الزحمة.
بعدها بيفضل يشرح عن حضارة الانكا وكانو بيعملو ايه ، وبعدها يسلم عليكم ويسيبكم تعيشو بقى وتتصورو وتدورى على حيوان اللاما ، ( علشان تاخدو صور معاه لازم يبقى معاكم بسكويت) حيوان مبيجيش الا بالبسكويت مش عارف ازاى
بالنسبة للناس فى البيرو عموما واكتر من مدينة كوسكو والمدن اللى عدينا عليها ؛ الناس هناك كويسين جدا ومحترمين جداً وشعب طيب جداً ، المكان نفسه حلو
لو بتحبو المزيكا و محظوظين هتلاقو ناس بتعزف حاجات حلوة جداً فى مدينة كوسكو ، ودول دخلو مطعم علينا , ياريت الفيديو يعجبكم
البلد مش غالية
علشان تعملو budget للبلد جوه ممكن ٥٠٠ دولار بالرحلة اللى مكتوبة فوق او على حسب بقى انتو كام فرد ، ممكن كمان تزودو شوية علشان زى ما بقولكم انا كنت هناك كله على بعضه ٦ ايام منهم ٥ فى الرحلة وده كان فى فبراير ٢٠١٥،
الرجوع لمدينة البداية ( كوسكو) هايبقى بالقطر من هناك.
نصيحة تانية ، فى حاجة تانية اسمها مش فاكره ( تقريباً ماينو بيتشو ) اعلى من ماتشو بيتشو فى نفس المكان لو فيك نفس ، بس وانت بتحجز لازم تقولهم انك عايز تطلع اعلى قمة علشان ليه تذكرة تانية هاتدفع اغلى حاجة بسيطة بس ناس طلعو وقالو كان كويس ، ماتشو بيتشو هو المشهور اكتر.
انا ظبطت كل حاجة انا وكام واحد صحابى ، معتمدناش على شركات سياحة ، بصو فى الكلام ده ، الأوربيين هما اللى صايعين فى البلاد دى ومش بيبطلو هرى فى امريكا الجنوبية فا لو قابلت حد هناك هايقولك اصلا ايه بقيت الاماكن اللى هناك ، بس موضوع شركات السياحة هايبقى اكتر منه تكاليف زيادة ، لو الموضوع فى دماغكم ماتشو بيتشو بس ، يبقى الملام اللى فوق يفيد بالغرض، المكان ده صراحة اكتر مكان اتبسطت فيه بصراحة ، وكمان فى اماكن تانية فى البيرو على حسب ما سمعت من الأوربيين اللى بقالهم هناك شهور ، بس مكنش فى ولا فرصة ولا وقت ، بس امريكا اللاتينية هى السحر البعيد الغائب عن الأنظار
انا سافرت فى فبراير والجو كان حلو جداً .
النوم عند اهل بيرو فى بيوتهم ، انت هاتبقى كا عابر سبيل ، بتنام فى اوض تقريبا زى اللى هى طوب احمر ومتمحرة ، وليك وجبة فى المطعم هما هايجهزوها على اساس انت نوع اكللك ايه.
بس الرحلة ككل ، اكتر من رائعة ،،، انا كل يوم فرق معايا
حاجة مبهجة كدة ، اصلا بفكر ليه مرحتش امريكا اللاتينية من زمان
أى سؤال يجى فى دماغكم الحقونى انهاردة علشان الشغل بتاعى بيلخمنى كتير ببقى عامل زى الوش اللى فات وأدعولنا ربنا يعينا
إيه أهم حاجة لازم نبقى عارفينها عن البيرو قبل ما نسافر ،،
ماهى حضارة الإنكا :
(Inca or Inka) إمبراطورية قديمة بنتها شعوب من الهنود الحمر في منطقة أمريكا الجنوبية، كانت أكبر الإمبراطوريات في أمريكا الجنوبية في العصر قبل الكولومبي, وهي ذات حضارة ضاربة في القدم وتشمل أرض الأنكا بوليفيا والبيرو والإكوادور وجزءاً من تشيلي والأرجنتين قاموا ببناء عاصمتهم كسكو وهي مدينة مترفة ومليئة بالمعابد والقصور تقع على ارتفاع 11000 قدم فوق مستوى سطح البحر في جبال الانديز وقد أطلق عليها اسم مدينة الشمس المقدسة, تبلغ مساحتها 990000 كيلومتر مربع.
أولا : علشان تستمتعو الاول من وجهة نظرى الشخصية اتفرجو على الفيديوهين دول علشان تحسو بجمال البلد ، مش عارف بس المزيكا ليها اوقات كتير حاجة بتمثل الدول ؛
على فكرة فى الفيديو التانى الراجل قال اسم مصر
ثانياً : علشان توصلو لهناك المفروض توصل لمدينة اسمها كوسكو اللى بيبدأ منها رحلة من أمتع الرحلات اللى عملتها فى حياتى ، لو ملقتوش حاجة توديكم لكوسكو direct يبقى لازم تروحى عاصمة البيرو ( ليما) ، بعدها انا ركبت طيارة لمدينة كوسكو،
الرحلة للوصول لماتشو بيتشو بتبقى خمس أيام ،،، أهم حاجة الاستعداد ؛
- Stretching ( اللى انا معملتوش طبعاً )
انا مكنتش عملت stretching للتحضير فا جسمى اتكسر وربنا عرفت ان فى عضلات فى جسم الانسان مسمعتش عنها قبل كدة من وجعها بعد ما رجعت ،
بس علشان كنت مستمتع ومبسوط جدا كنت مكبر دماغى ،،، لو قدرت تجهزو جسمكم لو هاتطلعها مشى يبقى احسنلكم تجهز جسديا .
- Mosquito repellent ( بتاع النموس لحسن القرص هناك إبن ناس أوى )
- Sun block ( علشان ده واللى قبله هايترشو مع بعض)
متحطوش حاجات فى شنطة ال Pack-back مش محتاجينهم ، الموضوع فيه طلوع جبال ومسافات بردو مش هينة ، وانا طبعا كنت اول مرة اطلع فا مبسوط بالشنطة ، طبعا انا واللى معايا بعد ما أتطلب مننا نخفف الشنط قبل ما نتحرك ، بردو كانت تقيلة ، المفروض تدورو على أقل الاحتياجات حتى لو هاتضطرو تغسلو هدومكم يعنى يبقو طقمين للتغيير
تاخدو معاكم كشافات من اللى بتتلبس على الدماغ.
الاكل فى مدينة كوسكو ( السمك) حاجة فخمة وخرافية ورخيصة جداً ، كلو سمك هناك وخصوصا اللى فى الصورة
هايأكلوكم أو يشربوكوم هناك ورق شجر اللى هو اصلا بيخلى الواحد يقدر يتعامل مع الارتفاعات اللى هاتوصلولها من قله الأكسجين فى اماكن ده عادى وده بيبقى نبات الكوكا ( أصل المخدرات ) بس مبيعملش حاجة اصلا لانه مش مضاف عليه الكيماويات اللى بتوصل العقل لاى حاجة ، الا بقى لو طلبت معاكم تضربو كيسين ولا حاجة وده خطر لان فى ناس بتموت منه والناس هايبلغوكم كدة بس هو اتظبط ضغط الجو والنفس وانكم تقدرى تكملو ، صراحة انا محتجتش منه الا كوباية وبيتحط فى مياه معاية ، والموضوع مسموح بيه فى البيرو لو خرجتو بورقة شجرة واحدة برة البيرو فيها حبس ، فا الموضوع اختلافات
- الفيزا : صراحة مش هاقدر أفيدكم لو من مصر ازاى ، لانى طلعتها من برة مصر ، فا ده بقى لو حد عارفه يقول
البيرو فيزا لوحدها على فكرة فا مفيش فيزا تبقى معاك تدخلك هناك .
بصو قبل ما ابدا هما فى يومين داخلين فى بعض وعلشان اكتب الكلام ده قعدت ابص فى صور ، فا سامحونى لو يومين فى محسوبين يوم علشان هما ٥ ايام
إزاى تحجز الرحلة ؛
فى المطار فى شركات سياحة انا حجزت منها انا واصحابى الرحلة بتاعة ماتشو بيتشو وده كان فى فبراير ٢٠١٥ ، كانت تقريبا بالأكل والشرب والنوم وال zip lining وال rafting ب 300 USD ،
بس فى المدينة نفسها فى شركات تانية بتحجز وأسعار أقل وممكن تفاصل وحاجة كدة كويسة ، وممكن تدورو على النت ،
فى نوعين من الرحلات اللى بتوصل لماتشو بيتشو على حسب ما عرفت ( واحدة بتبقى الخمس أيام اللى أنا عملتها& وفى اللى هى المرفهة بقى بتاعة اللى بيروحو فى الأتوبيسات ودى هايبقى فيها بقى اللى معاهم اطفال والكبار فى السن وهتلاقى شوية الشباب السيكى ميكى بهزر على فكرة الموضوع اختيارات بس ، بس هما هناك بيحبو اللى بيجرب وبيعتبرو ده شجاعة ) بس صراحة لو معندكش اى سبب يخليك متحاولش المشى ل ٥ أيام هايفوتك كتير أوى أوى ،
بس صراحة الرحلة مش سهلة لو انت مش بتحب المشى ، ومش سهلة لو معاك اطفال او معاك حد يبقى من مسؤوليتك علشان فى طلوع جبال ومشى كتير بجد ، ٥ ايام مشى مش حاجة عادية والاكل اللى بتأكله بيبقى basic جدا وكميات قليلة ، فا اللى عايز يظبط وزنه والله حرق طبيعى بس جميل جداً ، علشان هاتبقى Vegetarian الفترة دى لان الاكل هناك مش حلال بالمرة وكمان عندهم لحمة بتاعة حاجة كدة مابين الارنب والفار وهما مش مستقرين إيه هو وشكلهم لاقوه كدة فا بياكلوه ، والله اعلم ايه هو ههههههه ، فا احنا اختارنا الاكل الصحى السوتيه ( وبردو ده بكميات قليلة) بس فى فاكهة بتتباع على الطريق ،
الخمس ايام دول كل يوم بتباتهم فى بلد عند حد من ال locals ، يعنى بتباتو فى مكان بسيط جداً وده بردو ممتع ،
اليوم الاول :
بيبقى فيه من ٣ ل ٤ ساعات سواقة عجل واللى مبيعرفش يسوق ميجربش ، النزول من على سفح جبل واللى جنبك الهوا على ارتفاع شاهق وبجد اللى مبيعرفش يسوق كويس يا اما يركز جدا يا اما مفيش عيب يعنى يركب العربية ، علشان الموضوع كمان فى مطر وعايز تحكم فى الفرامل والملفات ،
بعدها بقى بتكون وصلت اول مدينة وشيوة هايدورو على اللى حاجزين Rafting - ، حاجة كدة بقى جميلة ، اه مش انت المتحكم فى المركب بس بسهولة تحس ان الجماعة اللى فى المركبة هى اللى بتساعد ان المركب يوصل
اليوم التانى :
Zip-lining , وسع بقى للارتفاعات والقلب الجامد
٦ نزلات علشان بس نبقى متفقين ، الموضوع ان الناس بتطلع على رجليها وتنزل على حبال ، وما ادراك ما الارتفاعات ، اول ٣ بيبقى على حسب العادى جدا اللى هما بيقولولكم عليه وبعدها الباقيين مشكل ( Superman style & Upside down style ) ومش فاكر الأخير ،
بعدها بقى بيبقى فى مشى تانى لحد ما توصلو المدينة اللى بعدها وهنا بقى فى مفاجاءة ، لما بتوصل لمكان محدد كدة وبيكون وقت الغروب تقريباً علشان تروح مكان اسمه ال HOT Spring اللى اصلا انت موعود بالمكان ده فى اول الرحلة و حاسس ان ده المكان اللى هايريحلك أعصابك ( حاجة دلع ) ساونا طبيعى وعيون مياه دافيه عاملين منها حمامات سباحة ، بس علشان تروحلها لازم بعد ما توصل تركب سبت اه سبت حديد كدة هايعدى بيك من جبل لجبل اه والله المفروض اسيبها كا مفاجاءة بس صراحة الموضوع لو قلبك مش جامد حتى شوية اللى بيعدوك من كلاب الشارع يبقى متروحش المكان ده ، انت بتركب سبت حديد والعدد بالكتير ٣ وتلاقى واحد بيزق السبت والتانى بيشد من اجنب التانى من الجبل ،
المشكلة انك مقدامكش ترفض يا اما ترجع يومين تقريبا مشى ولوحدك والله اعلم هايحصل ايه والدنيا ضلمة والغابة فيها وحوش ( وحوش دى بس على راى الاغنية ) مفيش وحوش بس ممكن الله اعلم بردو ، انت فى وسط الطل على فكرة ومفيش إنقاذ والكلام الفاضى ده ، بعد بقى السخونة بتاعة ال Hot Spring ، بيتحرك الركاب للمدينة اللى هاينامو فيها
اليوم الثالث
بيبقى انك بتروح لمدينة قريبة من ماتشو بيتشو ، المكان جميل جداً وروعة ،
اليوم الرابع بيطلع الجروب كله من قبل الفجر وبيطلع من اير شنط تقريباً ٢٠٠٠ سلمة ( أو اكتر) عبارة عن حجارة بس وده بقى اسمه الرقص الحر ، يعنى هتلاقو نفسكم بتعملو اشكال غريبة من المشي ، لحد ما توصلو لبوابة ماتشو بيتشو ،، وال Guide بيقابلكم على الباب ولازم توصلو فى ميعاد محدد علشان البوابات بتبقى زحمة وال Guide بيقولكم احسن وقت للوصول لتجنب الزحمة.
بعدها بيفضل يشرح عن حضارة الانكا وكانو بيعملو ايه ، وبعدها يسلم عليكم ويسيبكم تعيشو بقى وتتصورو وتدورى على حيوان اللاما ، ( علشان تاخدو صور معاه لازم يبقى معاكم بسكويت) حيوان مبيجيش الا بالبسكويت مش عارف ازاى
بالنسبة للناس فى البيرو عموما واكتر من مدينة كوسكو والمدن اللى عدينا عليها ؛ الناس هناك كويسين جدا ومحترمين جداً وشعب طيب جداً ، المكان نفسه حلو
لو بتحبو المزيكا و محظوظين هتلاقو ناس بتعزف حاجات حلوة جداً فى مدينة كوسكو ، ودول دخلو مطعم علينا , ياريت الفيديو يعجبكم
البلد مش غالية
علشان تعملو budget للبلد جوه ممكن ٥٠٠ دولار بالرحلة اللى مكتوبة فوق او على حسب بقى انتو كام فرد ، ممكن كمان تزودو شوية علشان زى ما بقولكم انا كنت هناك كله على بعضه ٦ ايام منهم ٥ فى الرحلة وده كان فى فبراير ٢٠١٥،
الرجوع لمدينة البداية ( كوسكو) هايبقى بالقطر من هناك.
نصيحة تانية ، فى حاجة تانية اسمها مش فاكره ( تقريباً ماينو بيتشو ) اعلى من ماتشو بيتشو فى نفس المكان لو فيك نفس ، بس وانت بتحجز لازم تقولهم انك عايز تطلع اعلى قمة علشان ليه تذكرة تانية هاتدفع اغلى حاجة بسيطة بس ناس طلعو وقالو كان كويس ، ماتشو بيتشو هو المشهور اكتر.
انا ظبطت كل حاجة انا وكام واحد صحابى ، معتمدناش على شركات سياحة ، بصو فى الكلام ده ، الأوربيين هما اللى صايعين فى البلاد دى ومش بيبطلو هرى فى امريكا الجنوبية فا لو قابلت حد هناك هايقولك اصلا ايه بقيت الاماكن اللى هناك ، بس موضوع شركات السياحة هايبقى اكتر منه تكاليف زيادة ، لو الموضوع فى دماغكم ماتشو بيتشو بس ، يبقى الملام اللى فوق يفيد بالغرض، المكان ده صراحة اكتر مكان اتبسطت فيه بصراحة ، وكمان فى اماكن تانية فى البيرو على حسب ما سمعت من الأوربيين اللى بقالهم هناك شهور ، بس مكنش فى ولا فرصة ولا وقت ، بس امريكا اللاتينية هى السحر البعيد الغائب عن الأنظار
انا سافرت فى فبراير والجو كان حلو جداً .
النوم عند اهل بيرو فى بيوتهم ، انت هاتبقى كا عابر سبيل ، بتنام فى اوض تقريبا زى اللى هى طوب احمر ومتمحرة ، وليك وجبة فى المطعم هما هايجهزوها على اساس انت نوع اكللك ايه.
بس الرحلة ككل ، اكتر من رائعة ،،، انا كل يوم فرق معايا
حاجة مبهجة كدة ، اصلا بفكر ليه مرحتش امريكا اللاتينية من زمان
أى سؤال يجى فى دماغكم الحقونى انهاردة علشان الشغل بتاعى بيلخمنى كتير ببقى عامل زى الوش اللى فات وأدعولنا ربنا يعينا