يا جماعه محتاجه نصايح الناس اللي سافرت الهند...

  • بادئ الموضوع بادئ الموضوع Shaimaa Metwally
  • تاريخ البدء تاريخ البدء
عرض العطلة
S

Shaimaa Metwally

:: مسافر ::
#1
يا جماعه محتاجه نصايح الناس اللي سافرت الهند
اولا انا ان شاء الله ناويه اسافر في شهر 11... الجو مناسب في الفتره دي هناك و لا حيكون في ال rain season؟
تاني حاجه ايه الاوراق المطلوبه للفيزا و بتاخد وقت اد ايه عشان تطلع؟
اخر جاجه ايه الاماكن و الانشطه المميزه في الهند؟
و شكرا"
 
#3
مش هيكون موسم امطار بس هيكون برد لانه انا هناك دلوقتي وكويس فالمدن الشماليه ونصيحه
افضل حاجه تروحي السفاره اساليهم هناك انتي رايحه لايه بالظبط وايه الورق المطلوب عشان في انواع للفيزا مش كل الورق نفسه
 
عرض العطلة
#6
هي عجبتني جدا ... دلهي كلها حركه وحياه- شيملا فظيعه جنه سبحان الله .. اجره فيها تاج محل والبلد بسيطه اوي يعني لو هتروحيه رحله يوم وتذكرته ١٠٠٠
مهما حصل متروحيش مكتب السياحه لو قالولوك تبع وزاره السياحه تبع معرفش مين متروحيش هيدفعوكي اللي وراكي واللي قدامك .. فدلهي اتحركي بالخريطه لو هتنزلي فمكان بيكون عندهم فالريسبشن خريطه بتاخديها مجانا زي البروشور كده ..
انا قاعده فمكان ف مدينه اسمها شانديجار فالشمال شويه وبروح علي اي مكان عايزاه منها. يواء باص او قطر
شوفي انتي عايزه تزوري مدن ايه اهم حاجه بالنسبالك وانزلي عندها او ف مدن تكون بالكتير ٦ سعات عشان تقدري اروحي وترجعي علي نفس المكان ومتدفعيش فلوس كتير ف اقامات فمدن تانيه الا لو انتي حابه تعملي ده .. القطر المحطات بيكون فيها اماكن للنوم واماكن للانتظار مقفوله بسعر بسيط جدا عشان لو سافرتي ووصلتي مكان متاخر متخافيش وكمان مشلازم تدفعي فلوس ف فندق او هوستيل استني فالمحطه وبعدين اتحركي فالوقت اللمناسب
 
#7
بصي... الاوراق المطلوبه العاديه لاي سفارة. يعني hr letter and bank statement وبعدين حجز طيران مبدأي وحجز فندق و برنامج للرحله بتاعتك. صورة الجواز و صور شخصيه. دة للاوراق المطلوبه. مبتاخدش كتير.. يومين او تلات ايام عمل. البرنامج بقا... لو هتنزلي في العاصمه دلهي...عندهم رحله اسمها triangle حلوة اوي ودي بتروحي تزوري معالم 3 مدن. نيو دلهي... اجرا (الي فيها تاج محل) و جايبور بتاعه الافيال و كدة. كل مدينه فيها من 5-6 اماكن تحفه تتعرفي علي الحضارة و التاريخ. بعد كدة في جزيرة اسمها جوا... دي حلوة اوي... منقسمه جزئين. الشمال لل night life و الهلس و الجنوب للاسترخاء و المناظر الطبيعيه. اي استفسار.... انا تحت امرك.
 
عرض العطلة
عرض العطلة
أعلى أسفل
عودة
قائمة