من فضلكم انا عايزة مساعدة سريعا فى انجلترا لو...

[Fatma El Araby]

من فضلكم انا عايزة مساعدة سريعا فى انجلترا لو حد يعرف يبلغنى الإجراءات
خالى معاه جنسية انجليزية وهو فى انجلترا بس حاليا مريض من سنة ونص تقريبا وقاعده فى المستشفى على طول او معظم الوقت
مفيش معاه حد غير زوجته ومعندهاش اى خبرة فى الورق
هو عايز يبعت ياخد والدتى فى اسرع وقت لان حالته اتاخرت جدا فجأة
ايه الإجراءات بالظبط اللى زوجته تبدا بيها من هناك وانا لو فى حاجة اعملها من هنا من مصر
اضافة إلى أن اخويا فى السعودية وهيجى ياخد والدتى يسفرها
بس هياخد تاشيرته من السعودية
هل من مساعد فى ترتيب الإجراءات
هل فى حاجة تسرع الورق نظرا للظروف المرضية
اللى ميعرفش فضلا يرفع البوست

تعديل
او الإجراءات لو انا اللى هاطلع مع والدتى مش اخويا
يعنى انا ومامتى هنسافر سوا من مصر

 

[Arbia Zaied]

Up

 

[Khaled Megahed]

بيبعتلك دعوه مرافق وييجب ورق من المستشفي ويبعتهولك ويعمل خطاب من هناك انو متكفل بيكم

 

[Ahmed Boghdady]

up

 

[Manal Afifi]

المستشفي هي اللي تطلع الدعوه ومعاها ورق بحالته الصحيه وهتروحي بالكلام ده السفاره تاخدي التأشيره فورا
بس سؤال لو مامتك مش عارفه حتي تسافر لوحدها ايه المساعده اللي هتقدمهاله هتاك؟
ممكن حد من الشباب اللي يسافر هيكون افضل ويعرف يتحرك ويتصرف لو الله لا يقدر حصل اي حاجه

 

[Lovely Hopiz]

Steven Gerrard Bergkamp help her

 

[Gamila Mohammed]

Up

 

[Luna Omar]

الف سلامه عليه ربنا يشفيه و يعافيه، يأخذوا تقرير من المستشفى بحالته الصحيه الحرجه و يعملوا دعوة و بانهم متكفلين بكل المصاريف لشقيقته

 

[Ahmed Moustafa]

انا راي بلاش حكايه المرض دي خالص ربنا يشفيه. يبعت دعوه ودي بتكون على ورقه بيضا عادي مكتوب فيها عنوانه وشغله ودخله ورقم بسبوره الانجليزي بيقول انه عزمكم عنده اسبوعين وهاتعدوا عنده ومتكفل بكل المصاريف ويمضي ويبعتهالك عادي بااايميل مع صوره الجواز كشف حساب بتاعه فواتير كهربا وغاز لبيته وفي جواب بتاع الضرايب بتاع البيت من الحي. وانت وماما كشف حساب وتذاكر مبدئيه ولو بتشتغلي او تدرسي جواب بيفيد كده كل ده بالانحليزي وتقدمي اون لين وبتدفعي كل شخص حوالي 2100 جنيه اون لين 100 واحاجه دولار وتحددي ميعاد وتروحوا انتم الاتنين وان شاء الله تخدوها خلال اسبوعين

 

[Steven Gerrard Bergkamp]

أجرات فيزا سياحه عادي جدا
.. فترة الفيزا ٦ شهور
دة امان موقف دون ذكر انك رايحه لمهمه محددة ..المهمه سياحه فقط لا غير
اي اجراء تاني مش في صالحك

 

[Alaa Eldin Emam]

الدعوة بتكون عبارة عن خطاب موجه لمن يهمه الامر فى السفارة فى القاهرة بيدعوكم فيه لزيارته فى وقت معين ويذكر فيه سبب الزيارة طبعا مع كتابة أسماء الأشخاص الموجه اليهم الدعوة و صلة قرابته بيهم و بيكتب فى الخطاب اذا كان متكفل بتكاليف الرحلة بالكامل و لا لا مع إثبات الموقف المالى إللى هو صور من حسابات البنك ليه و لزوجته فى آخر ستة شهور و إثبات مكا ن الإقامة و إثباتات صور القرابةعن طريق شهادات ميلاد و إثبات الحالة الصحية عن طريق خطابات المستشفى. و يبعتلك الورق كله سكان و حضرتك تطبعيه و تملى الابليكيشن اون لاين و تدعى ثمن الفيزا اون لاين برده عن طريق كريديت كارت و تعملى ميعاد و تروحى تسلمى الورق كله و بيتبعت لك الباسبورات على البيت فى مدة مش اكتر من ست أسابيع. الكلام ده عن تجارب لانى مقيم فى بريطانيا. بالتوفيق و ربنا يطمئنكم عليه و يشفيه

 

[Alaa Eldin Emam]

و صدقينى انه يأكد مرضه عن طريق أوراق رسميه ده شىء فى صالحك مش ضدتك و عامة الفيزا فى تلك الأحوال بتكون فيزا سياحة لمدة ستة شهور لان دى اقل مدة فيزا بالنسبة لبريطانيا

 

[Shreehan Ezzat]

Mary Abd El Malak ماتشوفي حمادة زميلك يمكن يساعدهم هناك

 

[Hamida Bouazza]

Try to call the Embassy or have someone from the hospital in UK to call them. The Embassy provide facilitation/ exceptional treatment for compassionate cases like this one