A
Ahmed Mohamed
:: مسافر ::
اكثر الاسئله اللي بتتسأل في الجروب كل دقيقه واجابتهم الشامله
البوست دة هيجاوبلك علي معظم الاسئله عن السفر اللي في دماغك
.
1- ينفع ادخل ف الشنجن من دوله مخدتش منها التأشيرة ؟
ينفع بس يكون معاك حجوزات مؤكدة وكامله للايام اللي هتقعدها ف البلد اللي خدت منها التأشيرة وتذكره باص او طيران او قطر مؤكدة بين البلدين البلد اللي هتدخلها الاول والبلد اللي ادتك التأشيرة
.
2- عندي ترانزيت في تركيا اقل من 8 ساعات محتاج تصريح امني ؟
لا مش محتاج
.
طب لو اكثر من 8 ساعات ؟
ايوة هتبقي محتاج
.
3- رايح تركيا او روسيا او قبرص ترانزيت اليونان محتاج فيزا شنجن ؟
لا مش محتاج
.
طب هل هينفع اخرج برا المطار وادخل اليونان وانا مش معايا شنجن ؟
لا مش هينفع تخرج
.
4- فيزا دبي اطلعها ازاي ؟؟
عن طريقين
* تطلعها مع طيران فلاي دبي والاماراتيه والاتحاد والعربيه
بشرط تحجز معاهم ذهاب وعودة
فلاي دبي بتطلب منك تأمين مسترد لما ترجع
فلاي دبي بتعفيك من التأمين لو معاك شنجن او امريكا او كندا في اخر 5 سنين
الاتحاد هتنزل ف ابو ظبي وهتاخد باص من هناك لدبي
.
* الطريقه التانيه تطلعها مع اي شركه سياحه وتكاليفها الرينج بتاعها من 90 ل 150 دولار حسب الفئه والمدة سواء شهر او 3 شهور
.
5- عندي ترانزيت ساعه في مطار فلان الفلاني هلحق ؟
حتي لو هتلحق نظريا .. لازم اقل ترانزيت يكون ساعتين ع الاقل عشان لو الطياره الاولي اتأخرت لاي ظرف من الظروف متضيعش عليك الطياره التانيه
.
6- عندي ترانزيت اكثر من 12 ساعه ف مطار فلان الفلاني هيدوني فيزا و اوضه مجانا وترابيزات بلياردو وdvd وصوفيا لورين تبات معايا ؟
علي حسب شركه الطيران اسأل الاول عشان متلبسش وتنام ليلتك كلها ف المطار
.
7- اي اسهل سفاره اخد منها شنجن ؟
مفيش سفاره سهله لو ورقك مخروم بالبلدي لكن اسهل سفاره كمتطلبات اوراق هي فرنسا عشان مش بتطلب شهادة تحركات ومش بتطلب برنت تأمينات من شغلك ومش بتطلب كشف حساب لاخر 6 شهور بتطلبه لاخر 3 شهور بس
.
8- انا طالب وعايز اروح تركيا / ماليزيا / اندونيسيا / جورجيا / تايلاند محتاج تصريح امني ؟
محتاج تصريحين مش تصريح واحد
.
الاول التصريح الامني ودة بيطلع للطلبه بفيزا زياره مش فيزا سياحه عاديه وفيزا الزياره بتطلع بدعوة من شخص في البلد اللي هتروحها والدعوة بتعملهالك اي شركه سياحه
وبتروح المجمع وانت معاك الباسبور وصوره منه و صورة الفيزا ونص جنيه وتحفظ اسم الاب خماسي
.
التصريح الامني بيطلع في حوالي من اسبوع ل اسبوعين وصلاحيته شهرين من تاريخ الاستلام
.
التاني اذن السفر ودة بتجيبه من التجنيد من الهايكستب وبيطلع للطلبه في الاجازات فقط يأما اجازة نص السنه يا اجازة اخر السنه ماعدا اخر سنه في الدراسه لو انت في اخر سنه في الدراسه ملكش سفر اساسا
.
لو انت اقل من 18 سنه وهتسافر البلاد دي هتحتاج فقط اذن السفر بتاع التجنيد ولكن مش هتحتاج التصريح الامني
.
التصريح الامني
ل ( تركيا - قطر - اندونيسيا - ماليزيا - تايلاند - كوريا - لبنان - الاردن - السودان - اليمن - جورجيا - جنوب افريقيا - اسرائيل )
اقل من 18 واكبر من 45 مش محتاج اي تصريح
لكن اكبر من 18 واقل من 45
1- مكتوب ف باسبورك وظيفه : مش محتاج تصريح امني لاي دوله ف العالم باستثناء تركيا وجورجيا برضو لازم تصريح امني حتي لو مكتوب رئيس مجلس اداره
.
2- مكتوب ف باسبورك طالب : لازم تصريح امني للدول السابقه والتصريح بيطلع بفيزا زياره مش بيطلع ابدا بفيزا السياحه العاديه وفيا الزياره دي بتحتاج دعوة من مواطن البلد اللي هتروحها والدعوة بتعملهالك اي شركه سياحه
.
3- مكتوب ف باسبورك حاصل علي : لو تركيا و جورجيا لازم تصريح امني ... لكن باقي الدول اللي فوق هتبقي علي حسب مزاج الظابط وحسب موجود تأشيرات في باسبورك قبل كدة ولا لأ ..
.
9- مش معايا كشف حساب وعايز اسافر اعمل ايه ؟
قدامك حل من 3
* تاخد كشف حساب والدك او والدتك او زوجك
* تفتح كشف حساب من دلوقتي وكمان 6 شهور هيكون معاك كشف قوي
* تسافر البلاد الللي من غير فيزا
.
طب كنت بشتغل زمان ومش بشتغل دلوقتي ومش معايا اتش ار ليتر اعمل ايه ؟
تخلي حد حبيبك من ايام الشغل القديم يطلعلك اتش ار ليتر انك لسه شغال معاهم ويختمهولك كمان
.
طب لو منفعش ؟
تكتب انك مش بتشتغل وخلاص وتظبط كشف حسابك اوي اوي اوي بحيث يبقي هو العامل الاقوي في بروفايلك
.
10- مكتوب في باسبوري حاصل علي .. دي مشكله لما اقدم علي السفارات ؟
مفيش اي مشكله واعرف ناس لفوا العالم كله وهما باسبورهم حاصل علي لانك كدة كدة اولريدي هتقدم اتش ار ليتر من شغلك انك بتشتغل
وفي اوروبا مفيش خانه المهنه دي في الباسبور
.
11- انهي الافضل اكتب ف باسبوري حاصل علي ولا وظيفه ؟
وظيفه افضل للمطارات خصوصا لمطار القاهرة عشان موضوع التصريح الامني
.
12- عايز اغير المهنه في الباسبور اعمل ايه ؟
* لو مهنتك مهنه عاديه مش نقابيه هتجيب برنت تأمينات مختوم من شغلك والاتش ار ليتر وتروح السجل المدني تغير البطاقه وبعدين تروح الجوازات في القسم بتاعك وتغير المهنه
.
* لو مش متأمن عليك لكن مهنتك مهنه نقابيه بتجيب كارنيه النقابه وتروح بيه السجل المدني وتثبت فيه الوظيفه وبعدين تروح الجوازات تغير المهنه
.
13- عايزة اسافر السعوديه اعمل عمره من غير محرم اعمل ايه ؟
اولا: السيدات الاكبر من 45 سنه مسموح ليهم نظام التاشيرات السفر بدون محرم مرافق لهن من مصر ، ويكون عصبة النساء او الصحبة الامنه هي البديل لهن عن المحرم.
.
ثانيا : اي بنت او سيدة اقل من 45 سنة (ايا كانت ظروفها الاجتماعيه) لا يسمح لها الحصول على التاشيرة للمملكة بدون وجود محرم مرافق لها من مصر ، نكرر ...مش هتحصل على التاشيرة بدون وجود محرم مرافق لها من مصر
.
يعني مينفعش تبقي انت قاعد ف السعوديه وتبعت تجيب مراتك من مصر تعمل عمره وتقول انك انت كدة محرم .. لا .. لو هي هتعمل عمره لازم تروح تجيبها انت من مصر
.
والمحرم يكون ذكر .. صلة قرابته اما (الزوج- الاب- الجد للاب او الام- الاخ اكبر من 18 سنة شقيق او من الام - العم - الخال-الابن او ابن الاخ او ابن الاخت اكبر من 18 سنة) .
مع تقديم الاوراق الرسميه الداله على صلة القرابة لاتمام الاجراءات.
.
14- ارخص بلد اقضي فيها شهر العسل انا وجوزي ؟
الاجابه ع السؤال دة واسع اوي اوي اوي وملوش اجابه محدده بس الناس مبتحبش الرغي الكتير ف أنا هجبلهم الكلام اللي من الاخر اللي بيريحهم
.
لو بادجيت بتاعتك ما بين 15 ل 20 الاف جنيه يبقي تركيا - جورجيا
لو بادجيت بتاعتك ما بين 20 ل 25 الف جنيه يبقي لبنان - قبرص
لو بادجيت بتاعتك ما بين 25 ل 30 الف جنيه يبقي ماليزيا - تايلاند - بالي
لو بادجيت بتاعتك ما بين 35 ل 40 الف جنيه يبقي المالديف
لو شغاله ف مكان كويس و وظائفكم كبيره يبقي قدمي شنجن وروحي اسبانيا
لو لسه مش بتشتغلوا او ورقكم مش اوي يبقي بلاش شنجن
.
15- انا حامل وعايزة اولد بفيزا سياحه في بلد ابني ياخد الجنسيه اروح فين ؟
البرازيل - امريكا - كندا
البرازيل : الولد بياخد الجنسيه فورا والاب والام من تاني يوم بيقدموا علي الاقامه الدائمه
امريكا - كندا : الولد بياخد الجنسيه فورا والاب والام مش بيستفيدوا منها الا بعد لما الاب يتم 21 سنه ويعملهم لم شمل
.
طب وبلاد اوروبا ؟؟
لازم يكون معاك اقامه او جنسيه فيها لكن مينفعش تروح بفيزا سياحه وتولد وابنك ياخد الجنسيه
.
16- تركيا من متطلباتها تأمين للسفر .. مدته بتكون كام ؟
لو من القاهرة يبقي 3 شهور
لو من اسكندريه يبقي شهر واحد فقط
.
17 - ايه الاماكن الحلوة اللي اروحها في بوكيت
tripadvisor
ايه الاماكن الحلوة اللي اروحها في ماليزيا
tripadvisor
ايه الاماكن الحلوة اللي اروحها في بالي
tripadvisor
ايه الاماكن الحلوة اللي اروحها عند خالتي ؟
برضو ادخل عند tripadvisor وهو هيقولك احسن الاماكن اللي تروحها عند خالتك
.
18- اسئله الشنجن السريعه :
انا اترفضت في الشنجن بيأثر عليا لما اقدم تاني ؟ لا
انا اترفضت في الشنجن لازم استني 6 شهور عشان اقدم تاني ؟ لا
انا اترفضت في الشنجن بيختموا علي الباسبور ؟ لا
انا اترفضت في الشنجن لازم اقدم من نفس السفاره اللي اترفضت فيها ؟ لا
انا اترفضت في الشنجن التظلم اي كلام وتحصيل حاصل ؟ لا ساعات بينفع
انا باسبوري ابيض مش هتقبل ابدا في الشنجن ؟ لا تتقبل عادي لو ورقك مظبوط
انا معايا شنجن ساريه ينفع ادخل بلغاريا البوسنه وبيلارسيا او صربيا من مصر مباشره ؟؟ لا طبعا .. لازم تدخلهم من بلد شنجن ولازم الشنجن تكون مالتي انتري مش سنجل
.
19-
اقدم علي الشنجن و امريكا من الخليج ولا مصر ؟
لو معاك اقامه في بلد خليجيه قدم منها احسن من التقديم من مصر
.
طب ينفع اقدم من مصر بورق الشغل بتاعي بتاع الخليج ؟
ايوة ينفع بشرط الاتش ار ليتر يكون مختوم ومتصدق عليه من هناك
.
20- عايزة انا وجوزي نروح شهر العسل بالكروز من مصر لاوروبا ؟
مفيش كروز من مصر .. اتغلي من زمان .. بتضطر تطلعها من لبنان .. بتروح من مصر ل لبنان بالطياره وبعدين من بيروت ل اوروبا بالكروز
.
شركات سياحه بتطلعها وتكلفتها عاليه جدا جدا جدا اخر مرة شوفتها كانت من 2015 قبل التعويم ب 15 الف جنيه دة غير تعب الرحله اصلا من مصر
.
طب فيزا لبنان دي نعملها ازاي ؟؟
الفيزا دي بتبقي عند الوصول ب 20 دولار وشرط يكون معاك 2000 دولار وقت الوصول عشان توريهم لظابط المطار ولو مش معاك 2000 دولار يبقي طلع فيزا من السفاره احسن ب 500 جنيه بس لازم كشف حساب واتش ار ليتر
======================================
اقروا كمان البوستات دي هتجاوب ع كل اسئلتكم المتكرره
1- الاسطورة الزائفه مدن تدفع لك للعيش فيها
/Ahmed Mohamed
.
2- اجراءات فيزا كوريا الجنوبيه المضمونه
/Ahmed Mohamed
.
3- ازاي تقدم للسفارات وانت فريلانسر
/Ahmed Mohamed
.
4- بوست حجز الاقامه والفنادق التاريخي للمبتدئين
/Ahmed Mohamed
.
5- بوست حجز الطيران التاريخي للمبتدئين وازاي تجيب ارخص تذكره طيران
/Ahmed Mohamed
.
6- بوست اجراءات فيز المغرب العربي ( تونس - مغرب - جزائر )
/Ahmed Mohamed
.
7- الابلكيشن السحري للتوصيل من المطار ل الفندق
/Ahmed Mohamed
.
8- جايلي عرض عمل من الخليج اسافر ولا لأ ؟
/Ahmed Mohamed
==========================
جبت جاز وانا بكتب البوست دة مش عشان تعملوا لايك ولا كومنت ... انا لا عايز لا لايك ولا كومنت ..... انا عملته عشان لما تشوفوا حد سائل سؤال من دول تدوله لينك البوست دة وتقفلوا وراه الكومننات وبكدة الجروب هيقل اوي من الاسئله النمطيه اللي بتخلي الناس تزهق من انها تشارك فيه بسبب التكرار
.
يعني كل ما عليك انك تعمل save للبوست دة ولما تلاقي اي حد سائل سؤال من دول اديله اللينك وبكدة الجروب هيفضي للتجارب بتاعه المسافرين فقط
.
اقعدوا بالعافيه
البوست دة هيجاوبلك علي معظم الاسئله عن السفر اللي في دماغك
.
1- ينفع ادخل ف الشنجن من دوله مخدتش منها التأشيرة ؟
ينفع بس يكون معاك حجوزات مؤكدة وكامله للايام اللي هتقعدها ف البلد اللي خدت منها التأشيرة وتذكره باص او طيران او قطر مؤكدة بين البلدين البلد اللي هتدخلها الاول والبلد اللي ادتك التأشيرة
.
2- عندي ترانزيت في تركيا اقل من 8 ساعات محتاج تصريح امني ؟
لا مش محتاج
.
طب لو اكثر من 8 ساعات ؟
ايوة هتبقي محتاج
.
3- رايح تركيا او روسيا او قبرص ترانزيت اليونان محتاج فيزا شنجن ؟
لا مش محتاج
.
طب هل هينفع اخرج برا المطار وادخل اليونان وانا مش معايا شنجن ؟
لا مش هينفع تخرج
.
4- فيزا دبي اطلعها ازاي ؟؟
عن طريقين
* تطلعها مع طيران فلاي دبي والاماراتيه والاتحاد والعربيه
بشرط تحجز معاهم ذهاب وعودة
فلاي دبي بتطلب منك تأمين مسترد لما ترجع
فلاي دبي بتعفيك من التأمين لو معاك شنجن او امريكا او كندا في اخر 5 سنين
الاتحاد هتنزل ف ابو ظبي وهتاخد باص من هناك لدبي
.
* الطريقه التانيه تطلعها مع اي شركه سياحه وتكاليفها الرينج بتاعها من 90 ل 150 دولار حسب الفئه والمدة سواء شهر او 3 شهور
.
5- عندي ترانزيت ساعه في مطار فلان الفلاني هلحق ؟
حتي لو هتلحق نظريا .. لازم اقل ترانزيت يكون ساعتين ع الاقل عشان لو الطياره الاولي اتأخرت لاي ظرف من الظروف متضيعش عليك الطياره التانيه
.
6- عندي ترانزيت اكثر من 12 ساعه ف مطار فلان الفلاني هيدوني فيزا و اوضه مجانا وترابيزات بلياردو وdvd وصوفيا لورين تبات معايا ؟
علي حسب شركه الطيران اسأل الاول عشان متلبسش وتنام ليلتك كلها ف المطار
.
7- اي اسهل سفاره اخد منها شنجن ؟
مفيش سفاره سهله لو ورقك مخروم بالبلدي لكن اسهل سفاره كمتطلبات اوراق هي فرنسا عشان مش بتطلب شهادة تحركات ومش بتطلب برنت تأمينات من شغلك ومش بتطلب كشف حساب لاخر 6 شهور بتطلبه لاخر 3 شهور بس
.
8- انا طالب وعايز اروح تركيا / ماليزيا / اندونيسيا / جورجيا / تايلاند محتاج تصريح امني ؟
محتاج تصريحين مش تصريح واحد
.
الاول التصريح الامني ودة بيطلع للطلبه بفيزا زياره مش فيزا سياحه عاديه وفيزا الزياره بتطلع بدعوة من شخص في البلد اللي هتروحها والدعوة بتعملهالك اي شركه سياحه
وبتروح المجمع وانت معاك الباسبور وصوره منه و صورة الفيزا ونص جنيه وتحفظ اسم الاب خماسي
.
التصريح الامني بيطلع في حوالي من اسبوع ل اسبوعين وصلاحيته شهرين من تاريخ الاستلام
.
التاني اذن السفر ودة بتجيبه من التجنيد من الهايكستب وبيطلع للطلبه في الاجازات فقط يأما اجازة نص السنه يا اجازة اخر السنه ماعدا اخر سنه في الدراسه لو انت في اخر سنه في الدراسه ملكش سفر اساسا
.
لو انت اقل من 18 سنه وهتسافر البلاد دي هتحتاج فقط اذن السفر بتاع التجنيد ولكن مش هتحتاج التصريح الامني
.
التصريح الامني
ل ( تركيا - قطر - اندونيسيا - ماليزيا - تايلاند - كوريا - لبنان - الاردن - السودان - اليمن - جورجيا - جنوب افريقيا - اسرائيل )
اقل من 18 واكبر من 45 مش محتاج اي تصريح
لكن اكبر من 18 واقل من 45
1- مكتوب ف باسبورك وظيفه : مش محتاج تصريح امني لاي دوله ف العالم باستثناء تركيا وجورجيا برضو لازم تصريح امني حتي لو مكتوب رئيس مجلس اداره
.
2- مكتوب ف باسبورك طالب : لازم تصريح امني للدول السابقه والتصريح بيطلع بفيزا زياره مش بيطلع ابدا بفيزا السياحه العاديه وفيا الزياره دي بتحتاج دعوة من مواطن البلد اللي هتروحها والدعوة بتعملهالك اي شركه سياحه
.
3- مكتوب ف باسبورك حاصل علي : لو تركيا و جورجيا لازم تصريح امني ... لكن باقي الدول اللي فوق هتبقي علي حسب مزاج الظابط وحسب موجود تأشيرات في باسبورك قبل كدة ولا لأ ..
.
9- مش معايا كشف حساب وعايز اسافر اعمل ايه ؟
قدامك حل من 3
* تاخد كشف حساب والدك او والدتك او زوجك
* تفتح كشف حساب من دلوقتي وكمان 6 شهور هيكون معاك كشف قوي
* تسافر البلاد الللي من غير فيزا
.
طب كنت بشتغل زمان ومش بشتغل دلوقتي ومش معايا اتش ار ليتر اعمل ايه ؟
تخلي حد حبيبك من ايام الشغل القديم يطلعلك اتش ار ليتر انك لسه شغال معاهم ويختمهولك كمان
.
طب لو منفعش ؟
تكتب انك مش بتشتغل وخلاص وتظبط كشف حسابك اوي اوي اوي بحيث يبقي هو العامل الاقوي في بروفايلك
.
10- مكتوب في باسبوري حاصل علي .. دي مشكله لما اقدم علي السفارات ؟
مفيش اي مشكله واعرف ناس لفوا العالم كله وهما باسبورهم حاصل علي لانك كدة كدة اولريدي هتقدم اتش ار ليتر من شغلك انك بتشتغل
وفي اوروبا مفيش خانه المهنه دي في الباسبور
.
11- انهي الافضل اكتب ف باسبوري حاصل علي ولا وظيفه ؟
وظيفه افضل للمطارات خصوصا لمطار القاهرة عشان موضوع التصريح الامني
.
12- عايز اغير المهنه في الباسبور اعمل ايه ؟
* لو مهنتك مهنه عاديه مش نقابيه هتجيب برنت تأمينات مختوم من شغلك والاتش ار ليتر وتروح السجل المدني تغير البطاقه وبعدين تروح الجوازات في القسم بتاعك وتغير المهنه
.
* لو مش متأمن عليك لكن مهنتك مهنه نقابيه بتجيب كارنيه النقابه وتروح بيه السجل المدني وتثبت فيه الوظيفه وبعدين تروح الجوازات تغير المهنه
.
13- عايزة اسافر السعوديه اعمل عمره من غير محرم اعمل ايه ؟
اولا: السيدات الاكبر من 45 سنه مسموح ليهم نظام التاشيرات السفر بدون محرم مرافق لهن من مصر ، ويكون عصبة النساء او الصحبة الامنه هي البديل لهن عن المحرم.
.
ثانيا : اي بنت او سيدة اقل من 45 سنة (ايا كانت ظروفها الاجتماعيه) لا يسمح لها الحصول على التاشيرة للمملكة بدون وجود محرم مرافق لها من مصر ، نكرر ...مش هتحصل على التاشيرة بدون وجود محرم مرافق لها من مصر
.
يعني مينفعش تبقي انت قاعد ف السعوديه وتبعت تجيب مراتك من مصر تعمل عمره وتقول انك انت كدة محرم .. لا .. لو هي هتعمل عمره لازم تروح تجيبها انت من مصر
.
والمحرم يكون ذكر .. صلة قرابته اما (الزوج- الاب- الجد للاب او الام- الاخ اكبر من 18 سنة شقيق او من الام - العم - الخال-الابن او ابن الاخ او ابن الاخت اكبر من 18 سنة) .
مع تقديم الاوراق الرسميه الداله على صلة القرابة لاتمام الاجراءات.
.
14- ارخص بلد اقضي فيها شهر العسل انا وجوزي ؟
الاجابه ع السؤال دة واسع اوي اوي اوي وملوش اجابه محدده بس الناس مبتحبش الرغي الكتير ف أنا هجبلهم الكلام اللي من الاخر اللي بيريحهم
.
لو بادجيت بتاعتك ما بين 15 ل 20 الاف جنيه يبقي تركيا - جورجيا
لو بادجيت بتاعتك ما بين 20 ل 25 الف جنيه يبقي لبنان - قبرص
لو بادجيت بتاعتك ما بين 25 ل 30 الف جنيه يبقي ماليزيا - تايلاند - بالي
لو بادجيت بتاعتك ما بين 35 ل 40 الف جنيه يبقي المالديف
لو شغاله ف مكان كويس و وظائفكم كبيره يبقي قدمي شنجن وروحي اسبانيا
لو لسه مش بتشتغلوا او ورقكم مش اوي يبقي بلاش شنجن
.
15- انا حامل وعايزة اولد بفيزا سياحه في بلد ابني ياخد الجنسيه اروح فين ؟
البرازيل - امريكا - كندا
البرازيل : الولد بياخد الجنسيه فورا والاب والام من تاني يوم بيقدموا علي الاقامه الدائمه
امريكا - كندا : الولد بياخد الجنسيه فورا والاب والام مش بيستفيدوا منها الا بعد لما الاب يتم 21 سنه ويعملهم لم شمل
.
طب وبلاد اوروبا ؟؟
لازم يكون معاك اقامه او جنسيه فيها لكن مينفعش تروح بفيزا سياحه وتولد وابنك ياخد الجنسيه
.
16- تركيا من متطلباتها تأمين للسفر .. مدته بتكون كام ؟
لو من القاهرة يبقي 3 شهور
لو من اسكندريه يبقي شهر واحد فقط
.
17 - ايه الاماكن الحلوة اللي اروحها في بوكيت
tripadvisor
ايه الاماكن الحلوة اللي اروحها في ماليزيا
tripadvisor
ايه الاماكن الحلوة اللي اروحها في بالي
tripadvisor
ايه الاماكن الحلوة اللي اروحها عند خالتي ؟
برضو ادخل عند tripadvisor وهو هيقولك احسن الاماكن اللي تروحها عند خالتك
.
18- اسئله الشنجن السريعه :
انا اترفضت في الشنجن بيأثر عليا لما اقدم تاني ؟ لا
انا اترفضت في الشنجن لازم استني 6 شهور عشان اقدم تاني ؟ لا
انا اترفضت في الشنجن بيختموا علي الباسبور ؟ لا
انا اترفضت في الشنجن لازم اقدم من نفس السفاره اللي اترفضت فيها ؟ لا
انا اترفضت في الشنجن التظلم اي كلام وتحصيل حاصل ؟ لا ساعات بينفع
انا باسبوري ابيض مش هتقبل ابدا في الشنجن ؟ لا تتقبل عادي لو ورقك مظبوط
انا معايا شنجن ساريه ينفع ادخل بلغاريا البوسنه وبيلارسيا او صربيا من مصر مباشره ؟؟ لا طبعا .. لازم تدخلهم من بلد شنجن ولازم الشنجن تكون مالتي انتري مش سنجل
.
19-
اقدم علي الشنجن و امريكا من الخليج ولا مصر ؟
لو معاك اقامه في بلد خليجيه قدم منها احسن من التقديم من مصر
.
طب ينفع اقدم من مصر بورق الشغل بتاعي بتاع الخليج ؟
ايوة ينفع بشرط الاتش ار ليتر يكون مختوم ومتصدق عليه من هناك
.
20- عايزة انا وجوزي نروح شهر العسل بالكروز من مصر لاوروبا ؟
مفيش كروز من مصر .. اتغلي من زمان .. بتضطر تطلعها من لبنان .. بتروح من مصر ل لبنان بالطياره وبعدين من بيروت ل اوروبا بالكروز
.
شركات سياحه بتطلعها وتكلفتها عاليه جدا جدا جدا اخر مرة شوفتها كانت من 2015 قبل التعويم ب 15 الف جنيه دة غير تعب الرحله اصلا من مصر
.
طب فيزا لبنان دي نعملها ازاي ؟؟
الفيزا دي بتبقي عند الوصول ب 20 دولار وشرط يكون معاك 2000 دولار وقت الوصول عشان توريهم لظابط المطار ولو مش معاك 2000 دولار يبقي طلع فيزا من السفاره احسن ب 500 جنيه بس لازم كشف حساب واتش ار ليتر
======================================
اقروا كمان البوستات دي هتجاوب ع كل اسئلتكم المتكرره
1- الاسطورة الزائفه مدن تدفع لك للعيش فيها
/Ahmed Mohamed
.
2- اجراءات فيزا كوريا الجنوبيه المضمونه
/Ahmed Mohamed
.
3- ازاي تقدم للسفارات وانت فريلانسر
/Ahmed Mohamed
.
4- بوست حجز الاقامه والفنادق التاريخي للمبتدئين
/Ahmed Mohamed
.
5- بوست حجز الطيران التاريخي للمبتدئين وازاي تجيب ارخص تذكره طيران
/Ahmed Mohamed
.
6- بوست اجراءات فيز المغرب العربي ( تونس - مغرب - جزائر )
/Ahmed Mohamed
.
7- الابلكيشن السحري للتوصيل من المطار ل الفندق
/Ahmed Mohamed
.
8- جايلي عرض عمل من الخليج اسافر ولا لأ ؟
/Ahmed Mohamed
==========================
جبت جاز وانا بكتب البوست دة مش عشان تعملوا لايك ولا كومنت ... انا لا عايز لا لايك ولا كومنت ..... انا عملته عشان لما تشوفوا حد سائل سؤال من دول تدوله لينك البوست دة وتقفلوا وراه الكومننات وبكدة الجروب هيقل اوي من الاسئله النمطيه اللي بتخلي الناس تزهق من انها تشارك فيه بسبب التكرار
.
يعني كل ما عليك انك تعمل save للبوست دة ولما تلاقي اي حد سائل سؤال من دول اديله اللينك وبكدة الجروب هيفضي للتجارب بتاعه المسافرين فقط
.
اقعدوا بالعافيه
