سوأل للناس الي عايشة في أوروبا.. هو امبارح في...

[Youssef Whiteknight]

سوأل للناس الي عايشة في أوروبا.. هو امبارح في مطعم في مدينة أوروبية المفروض أن المطعم حلال .. بقول للتونسي الي شغال في المطعم هو الأكل حلال بيقولي يعني أية حلال.. بيقولي متصدقش الي يكتب أن الأكل حلال مصدر اللحمة كلة واحد في كل المطاعم قالي ماعدا يمكن المطاعم العربي الكبيرة ممكن فيهم ناس بتجيب لحمة حلال مخصوص.. من الأخر كدا هو أحنا بيضحك علينا ومفيش حاجة أسمها مطاعم حلال في أوروبا؟؟

 

[Khaled Badry]

يعني إيه حلال ؟ دا سؤال بجد

 

[Omar Selim]

مش باسمي وانت بتاكل خلاص كبر مخك اهم شيء ما تكونش اتغفلت في لحم خنزير

 

[Abdullah Elashmony]

دور علي مطاعم عرب ومسلمين
او كل اكل نباتي وخلاص مش لازم لحوم واهو بالمرة توفير

 

[Esraa Shreef]

انا مقدرش احكم علي كل المطاعم. بس اعتقد مادام هو كاتب حلال وانت سميت عليه. مفيش عليك اثم. والذنب عليه لانه هو نصاب

 

[Warda Ahmed]

سؤاله صادق بصراحه لان انت لازم تحدد قصدك في كلمة حلال. هنا في عدد كبير جداً يعتبرون ان الحلال هو اي شي لا يحتوي على مشتقات الخنزير. انت لو قصدك ذبح حسب الشريعه الاسلامية فلازم تكون واضح بكلامك

 

[Manal Afifi]

الله اعلم طلعت اشاعه من فتره ان المحلات دي مش بتبيع لحوم حلال(المقصود انها مذبوحه طيقا للشريعه الاسلاميه)
بس المطاعم رجعت نفت ومنهم كام محل بنتعامل معاهم وقالولنا علي المجزر اللي بياخذوا منه
اللخوم الحلال اخر 5 سنين انتشرت جدا ومبقاش غاليه ولا صعبه وبالنالي مفيش داعي للغش

 

[Mary Hanem]

الراجل بيتكلم صح.. أغلب المطاعم اللي مكتوب عليها حلال في أوربا اشتغالك... لو فعلا عايز مطاعم حلال يبقي عليك و علي مطاعم أصحابها يهود

 

[Ahmed Wagih Deabs]

احنا بندور علي الحلال علشان يبقي معذرة الي ربكم
يعني يارب احنا عملنا اللي علينا
كوّن ان هوا بقي يبيع لحم مش حلال هوا اللي هيشيل وزره مش انا
انا كدا بالنسبالي اللحم حلال ١٠٠٪‏حتي لو حطلي لحم خنزير

 

[Magdy Ragaa]

هو لو الجزار مش مسلم هيبقى الاكل مش حلال ..طعام اهل لكتاب حلال ..والله اعلم

 

[Abdelrahman Mohamed]

الحلال الى هيا مدبوحة من الرقبة ومتسمى عليها طبعا ودى بتبقى فى الشريعتين الاسلامية واليهودية بس فى اليهودية طبعا مبيتيماش عليها والمدابح اليهودية موجودة فى انحاء اوروبا ودى الى بيتجاب منها اللحمة هناك او بتتصدر لمصر

 

[Nourhan Ahmed Rady]

علفكره انا ليه صديقه بالدنمارك
لما اتكلمنا على الاكل الحلال
قالتلى حلال يعنى ايه مدبوح صح وله مش خنز ير ومشتقاته
او اكل معمول بخمور
واكدتلى ان اكبر المطاعم مبتقولش الحقيقه
غير انها مش خنزير او مش بخمور وبس

 

[Abdualla Ghamry]

عن تجربه في ألمانيا بتلاقي المحلات الحلال فيها شهاده متعلقة من وزاره الصحه الألمانية بالعربيه و الانجليزية و التركيه و الألمانية انها لحوم مذبوحة حسب الشريعه، اما في إيطاليا المحلات الاسلاميه تأتيها اللحوم من متعهدين مسلمين يذبحوا في المجازر العامه

 

[Ahmed Elagouz]

و انت مسافر و مش متأكد من اللحوم و الدجاج .. يا تخليك نباتي يا تاكل اسماك

 

[Ahmed Sharaf]

بس يا باشا الراجل التونسي ده كلام مضبوط المطاعم العربية السورية أو التركية بس هم اللي حلال

 

[Ahmed Hesham]

لا عادي سهل يكون بيدبح هوا الاكل

 

[Asma Omer]

الموضوع م يحتاج تعقيد ... كل العليك تتجنب لحوم الخنازير .. (طعام اهل الكتاب مباح) .. يعني مش بالضرورة الا ذبح اسلامي
..
كل العليك تدخل المطعم وتسأل
jewish food
او kosher food
وخلاص

 

[Fatma Elbercawie]

معظم المجازر عموما بتدبح من الرقبة عشان النزف بيكون افضل وده بيحسن جودة اللحم
مفيش مطعم كبير هيقدملك حيوان مقتول او ميت عشان هم ماشيين بقواعد ال food hygiene مش اكتر
بس طبعا مبيتسماش عليه ولا بيوجه ناحية القبلة
عموما طعام اهل الكتاب حلال تجنب بس الخنازير

 

[Ahmed Saad]

شهادات اكل حلال
انجلترا فيها جهات بتعتمد المطاعم والمجازر الحلال HMC
هتلاقي في دول كتير بتدي شهادات حلال مماثلة

المطعم لو أعلن انه حلال وكنت حريص علي السؤال واتقيت المطاعم اللي بتبيع خنزير و كحول .. ان شاء الله لك الأجر

لو شاكك كل اكل نباتي او سمك وقوله ميحطش كحول عشان عندك حساسية للكحول

 

[Laila Saber]

الفساد في كل حتة طالما اتوجد بشر