أنا هسأل سؤال مش عارف ليه علاقة بالجروب ولا...

[Sharaf E. Mahmoud]

أنا هسأل سؤال مش عارف ليه علاقة بالجروب ولا لأ.. دلوقتي أنا بشتغل في دولة خليجية و للأسف جهة العمل بتاعتي ضاع منهم الباسبور و هما بيعملولي الإقامة.. المطلوب مني علشان يعملولي باسبور جديد "بطاقة الرقم القومي و ٤ صور شخصية و شهادة الجيش" و المشكلة هنا إن شهادة الجيش أو صورة منها حتى ضايعة مني و بكدة مش هعرف أطلع الباسبور من السفارة من غيرها.. إيه الحل كدة؟ باسبوري ضاع و ورقي مش كامل علشان أطلع باسبور جديد.. هخرج من البلد اللي أنا شغال فيها إزاي و هرجع بلدي إزاي؟
بالله عليكم إدوني المعلومات صح علشان متسوحش أكتر و أكتر.. شكراً

 

[Tawfik Azer]

جواز السفر يطلع لك مطلوب للتجنيد
لغاية ما تجيب شهادة جيش جديدة
وساعتها يا اما ترفقها بصورة دائمة مع الباسبور او تطلع بأسبور جديد تانى

 

[Mohamad Barakat]

حضرتك روح السفاره اعمل وثيقة سفر تقدر ترجع بيها وانت في مصر سهل تطلع بدل فاقد لكل أوراقك

 

[Catherine Matthwe]

خلي بالك من موضوع وثيقه السفر ده عشان اكتر من حد وقف ف المطار اكتر من خمس ساعات بسببها ومنها ناس معرفه شخصيه حاول تعمله من غير الشهاده لحد ماتنزل مصر

 

[Ahmed Maher Gobbah]

لو ليك اخ او اب اعمله توكيل رسمي خاص بانهاء اجراءات التجنيد ف السفارة وهو يروح ف مصر يطلعلك بدل فاقد من شهادة الجيش....
او اعمل وثيقة سفر

 

[Sohair Salem]

اعتقد انك تسال السفارة المصرية ويمكن تلاقي عندهم الإجابة،وبالنسبة لشهادة الجيش ممكن حد من اهلك بيسأل ويطلع واحدة تانية،وبعدين أوراق مهمة زي دي أزي تضيع،ربنا يوفقك

 

[Omar Abdelghany]

اللي اعرفه ان الوثيقة لها مشاكل
اعتقد مشاكلها مش بس في النزول
ده كمان في الرجوع
لان فين التاشيرة
لازم بقي تروح سفارة البلد الخليجي ده وتطلع تاشبرتك علي جوازك الجديد
حاول مع الموظفين عندك تاني يدوروا عليه وحاول تدخل ل مديرهم تعرفه ان الموضوع مش سهل ..علي الاقل خالص عشان لما تجيب الجديد يبقي ملهومش عين يقولوا ناخده وتقولهم مش هاديهولكم ب قلب جامد
شوية مقترحات ل شهادة الجيش
لو انت شغال في مصر هيكون في منها اكيد صورة في ملفك .. اخوك يروح ياخد منهم صورة طبق الاصل ويبعتهالك
صورة الجواز القديم هيكون فيها انك معفي .. دور اكيد هتلاقي صورة ل الجواز
والدك يروح يحاول يطلع شهادة جيش من الهايكستب ومعاه قيد عائلي
غالبا لو قابل حد من الضباط وشرحله الوضع هيدوهاله

 

[Ali E. Elarb]

خلي حد قريبك يسال ف منطقه التجنيد ويقولهم انك بره وعايز بدل فاقد لشهاده الجيش لو بتتعمل بتوكيل يبقي وفر دا كله واتمل توكيل يطلعوهالك وحد يبعتهالك عندك مع اي حد مسافر وتطلع بسبورك عادي