سلام عليكم اتمني البوست يتقبل و حد يفيدني ان...

  • بادئ الموضوع بادئ الموضوع Alaa Um Yasin
  • تاريخ البدء تاريخ البدء
عرض العطلة
A

Alaa Um Yasin

:: مسافر ::
#1
سلام عليكم
اتمني البوست يتقبل و حد يفيدني
ان شاء الله مسافره لوحدي باولادي الاتنين 7 و 5 سنوات سفر 16 ساعه فيهم 3 ل 4 ساعات ترانزيت .. حد عنده اي نصيحه عشان الرحله تعدي على خير سواء وقت الطيران او الترانزيت او نصيحه بخصوص الشنط ( الكتير ) .. مش اول مره طيران لينا بس اول مره رحله طويله و اول مره بدون باباهم
كمان هل مفروض اني اعمل موافقه ولي الامر او حاجه زي كده قبل السفر ( السفر زياره للاب اصلا )
شكرا مقدما
 
#2
الشنط حضرتك مش مشكله اول ما تدخل الوزن هتبقى تخلصتى من همهم و ان شاء الله توصلك بالسلامه. الترانزيت مع الاطفال باعتقد جا وقت مش كتير. يادوب هتقعدى ساعه ولا حاجه و ممكن تتمشى فى السوق الحرة بيهم.
السفر الطويل دا بس اللى ربنا يعينك عليه حاولى تاخدى لبان علشان الضغط على الاذن ليهم. فى افلام كتير حلوة و قناه الاطفال فى الطيران الطويل. توصلى بالسلامه ان شاء الله
 
#3
خدلهم بس حجات تسليهم زي تابات وبسكوتات وكده والشنط بتسلميهم وخلاص لحد الوصول النهائي خلي معاك ال هتحتجيه فشنط الظهر
والوقت مش كبير للدرجه هيضيع اغلبه فتظبيط الورق من والي
 
#4
بخصوص الشنط حاولي أن وزنهم لا يتخطى ال 30 كيلو للواحدة علشان السير وخصوصا وأنتي ماشية من مصر ما تتبهدلش. هو كلام بديهي بس بلاش أكل في الشنط ولو معاكي أدوية ضرورية تكون الروشتة موجودة علشان ممكن يمنعوا دخول بعض الأدوية. طبعا السوائل كلها (مياه، عطور، معجون أسنان، الخ) ممنوعة في الشنط اللي هتاخديها معاكي على الطيارة. لو مسافرة أمريكا في تعليمات جديدة هقولك عليها لو مسافرة هناك
 
#5
خدي معاكي شنطه فيها ميه و عصائر و وسندوتشات كتير عشان كل حاجه غاليه فالسوق الحره هتصرفي كتير جدا ولازم تكون داخل اكياس بلاستيك ال بتتقفل بالضغط
لو عندك امكانيات مادية ادخلي اللونج فيه كنبات مريحه جدا للنوم و شامل الاكل وشرب اعتقد بحدود ١٠٠ دولار الدخول
 
عرض العطلة
#6
كنت مرة مسافر على البريتش وجابو للأولاد كتب تلوين فممكن تاخدي معاكي كتب تلوين. بسكوتات. تابلت بس حسب محظورات الطيران. السفر الطويل غالبا بيكون فيه شاشة أفلام كارتون.
بالنسبة للترانزيت. شوفي المطار ايه وغالبا لو مطار كبير هيكون فيه kids area. حاولي توصلي ليها. في مطار هيثرو كانت ممتازة.
 
#8
حاولي تنزلي كل شنطك علي الطياره علشان في الترانزيت تبقي خفيفه وتخدي بالك من الاولاد اكتر حتي الهاند باج وكل الشنط قوليلهم انا معايا اولاد ونزليها خلي معاكي شنطه ايديك ولو احسن خليها كروس ولو عايزه شويه مستلزمات للاولاد يعني غيار زياده او كده او اكل خدي شنطه علي الظهر افضل اعتقد
 
عرض العطلة
عرض العطلة
أعلى أسفل
عودة
قائمة