السلام عليكم معلش يا شباب انا عندي استفسار...

[Ahmed Samir Adbelrahman]

السلام عليكم
معلش يا شباب انا عندي استفسار سريع انا عندي سفر لتريننج تابع للشركة اللي انا فيها في دولة اتحاد اوروبي (بلجيكا) للعلم انا مقيم في السعودية
ولكن عندي مشكلة حاليا انا لسه منضم للشركة دي جديد بعد فتره ٣ شهور بدون عمل الحساب لغايه يوم ١٥/٦ وعليه حركات كتيرة والمرتب منتظم واجمالي مبالغ الحركات كبير مش قليل ف حاليا لما هطلع كشف الحساب هيكون في ٣ شهور الحساب صفر
هيكون في خطاب موثق من بلجيكا دعوة للعمل من فرع الشركة هناك
السؤال دلوقتي هل ينفع اطلع كشف حساب من اول السنه لغايه دلوقتي ؟او لغايه شهر ٦ بس وتعدي ولا لأ
ولو لأ ممكن اتغلب علي المشكلة دي ازاي ؟
اسف للاطالة واتمني الرد لان مطلوب مني اقدم الورق قبل نهاية الشهر

 

[Ahmed Samir Adbelrahman]

Up

 

[وحيد عبد المقصود]

لا طبعلا لازم 6 شهور اقل من هايترفض

 

[Hani Dawah]

بص يا باشا أنا لسه واخد الشنجن وقدمت كشف حساب أخر 6 شهور وفيه شهور منها مكنش فيه تحويلات وكان حسابي مبلغ بسيط جدًا وأحيانا صفر لكن كان فيه حركة سحب وإيداع وأخر شهر قبل التقديم كان معايا مبلغ معقول في الحساب.
طبعًا كل ما يكون المبلغ في حسابك كبير يكون أفضل.
انت هات كشف الحساب لأخر 9 شهور مثلًأ - مش أقل من 6 شهور- وقدم خطاب الدعوة من الجهة اللي داعياك، وكمان كل ما يثبت إن تكلفة الرحلة دي متغطية من الجهة المضيفة يعني حجز الفندق والطيران والتأمين الطبي إلخ. ده مهم جدًا وبيدعم موقفك.
وطبعًا خطاب العمل مهم جدًا يكون مثبت إن فلان الفلاني شغال عندنا من تاريخ كذا في منصبك والراتب كذا وانك مسافر بغرض كذا من الفترة كذا لكذا حسب خطاب الدعوة اللي جايلك.

ولو أول مرة مسافر شنجن هتجتاج شهادة تحركات من مجمع التحرير وبتاخد 10 أيام وتترجمها في مركز ترجمة معتمد.
وبالتوفيق إن شاء الله

 

[Tan Tan]

إذا ها تقدم من السعوديه هات لهم كشف حساب لآخر 6 شهور
المهم الخطاب من شركتك وخطاب الدعوة من الشركة البلجيكية
كشف الحساب البنكي ليس ذو أهمية اذا كنت ها تقدم من السعوديه
نفس الشىء حدث معى لفيزة امريكا ولا له لزمه كشف الحساب البنكي طالما أن فى خطاب من شركتك فى السعوديه يوضح تاريخ تعيينك وظيفتك وراتبك الشهرى وسبب الزيارة وأنهم متكفلين بمصاريفك هناك ولا تنسى التأمين الصحي من شركة التأمين التابع لها