ع
عبدالرحمن حبت
:: مسافر ::
هتكلم بقى النهارده عن تجربتي السنه اللي فاتت في موضوع الإقامة في مكان تاني غير الفنادق
طبعا انا مسافر أنا زوجتي وبالتالي قلقك بيكون مضاعف
يعني لو مسافر لوحدك مش هيهمك تبات فين ان شاالله تبات في الشارع
لكن اللي بيسافر معاه حد بيكون حريص جدا انه يوفر اعلى معايير الأمان للي معاه
المهم كنت بدور في موضوع الفنادق في الدول اللي انا رايحها ( اسبانيا - ايطاليا - فرنسا ) ولقيتها فيها مشكلتين
1- غاليه 2- الفنادق الرخيصه في اماكن مش حلوة
وفي نفس الوقت كنت سمعت عن حاجه للسكن اسمها airbmb وعشان الانسان عدو ما يجهل فانا كنت خايف جدا وقلقان من الموضوع ده ( يعني ايه اروح اسكن في شقه مع ناس غريبه واخد غرفه في الشقه دي واستعمل الحمام بتاعهم والمطبخ بتاعهم ) طبعا كنت قلقان جدا، ولكن القلق زال وانتهى فعليا مع بداية بحثي في الموضوع ودخولي على الموقع لما لقيت الدنيا بسيطه جدا وحاجه عالمية وامان عالي وكل حاجه زي الفل
ميزة airbnb هو انك بتسكن في اماكن نضيفه جدا وفي وسط البلد وباسعار بسيطه جدا
والميزه الأعظم في الاقامه دي حقيقة هي انها بعدتني تماما عن جو الفنادق الرسمي الممل ، بالعكس هي خلتني اشوف اهل كل بلد عايشين ازاي من خلال احتكاكي بتفاصيل حياتهم اليوميه
يعني مثلا في برشلونه كنا ساكنين في شقة جنب محطة المترو مباشرة وفي وسط المدينه وقريبه من كل حاجه وب 500 جنيه في الليله احنا الاتنين
وهكذا بقى في باقي المدن مثلا باريس كنا قاعدين جنب محطة مترو رئيسيه بينا وبين برج ايفل او متحف اللوفر حوالى 15 دقيقه
حاجه كده زى الفل
الحمد لله الرحله كلها واللي كانت 15 ليله قضيناها في شقق سكنيه بتاعة اشخاص كنا بنأجر منهم غرفه لينا احنا الاتنين والحمد لله بنسبة 98 % ما فيش مشاكل حصلت لنا من الموضوع ده
ـــــــــــــ
يمكن من أكتر الحاجات الكوميديه اللي حصلت لنا في الشقق دي
كنا في غرناطه والشقه اللي كنا حاجزين فيها كانت عيله كبيره ( الجدة والأم والبنت والاحفاد والبوي وفريند ) كان كل واحد منهم مثلا عنده كلب والشقه كان فيها حوالي 4 كلاب بأحجام مختلفه طبعا انت تقدر في الفلتر بتاع الاختيار اصلا تختار انه ما يكونش فيه كلاب ولا قطط ولا اى حاجه ... براحتك يعني
في فينسيا قعدنا عند برنس ايطالي رهيب في نفسه كده، وفي باريس قعدنا عن بنت جدعه جدا عايشه لوحدها، وفي مالقا قعدنا عند نقاش اسباني، وفي برشولنه قعدنا عن زوجين جدعان جدا جدا وفي غرناطة قعدنا عند عائلة مسلية للغايه وفي ميلان قعدنا في شقه فيها اربع غرف لناس من دول مختلفه
شقة فينسيا كانت فيلا واحنا واخدين شقه في الدور الأرضي
المهم واحنا ماشيين الصبح بدري فتحنا باب الفيلا الخارجي ماعرفناش نقفله لانه بيتقفل بطريقه غريبه جدا كده وقعدنا بقى حوالي 10 دقايق عصيبه في محاولات عشان نقفله وطبعا كان عندنا معاد اتوبيس كان هيروح علينا وصحينا الراجل الايطالي من النوم وكانت قصه يعني المشكله ان الايطالي بيتكلم ايظالي وانا بتكلم انجليزي مكسر وكانت لحظات جميييييييله بس خلصت الحمد لله على خير
الخلاصه
جربوا حاجات جديده وخدوا جرأه عليها لإنها هتفرق معاكم جدا جدا والله
وما تقلقوش كل ما تعملوش سيرش وتدورو هتلاقوا المواضيع بقت اسهل كتير جدا
ــــــــــــ
دي صور حقيقية لكل اماكن الإقامة اللي قعدنا فيها
ولو حد عنده أى سؤال يقولي وأنا هجاوبه عليه ان شاء الله
طبعا انا مسافر أنا زوجتي وبالتالي قلقك بيكون مضاعف
يعني لو مسافر لوحدك مش هيهمك تبات فين ان شاالله تبات في الشارع
لكن اللي بيسافر معاه حد بيكون حريص جدا انه يوفر اعلى معايير الأمان للي معاه
المهم كنت بدور في موضوع الفنادق في الدول اللي انا رايحها ( اسبانيا - ايطاليا - فرنسا ) ولقيتها فيها مشكلتين
1- غاليه 2- الفنادق الرخيصه في اماكن مش حلوة
وفي نفس الوقت كنت سمعت عن حاجه للسكن اسمها airbmb وعشان الانسان عدو ما يجهل فانا كنت خايف جدا وقلقان من الموضوع ده ( يعني ايه اروح اسكن في شقه مع ناس غريبه واخد غرفه في الشقه دي واستعمل الحمام بتاعهم والمطبخ بتاعهم ) طبعا كنت قلقان جدا، ولكن القلق زال وانتهى فعليا مع بداية بحثي في الموضوع ودخولي على الموقع لما لقيت الدنيا بسيطه جدا وحاجه عالمية وامان عالي وكل حاجه زي الفل
ميزة airbnb هو انك بتسكن في اماكن نضيفه جدا وفي وسط البلد وباسعار بسيطه جدا
والميزه الأعظم في الاقامه دي حقيقة هي انها بعدتني تماما عن جو الفنادق الرسمي الممل ، بالعكس هي خلتني اشوف اهل كل بلد عايشين ازاي من خلال احتكاكي بتفاصيل حياتهم اليوميه
يعني مثلا في برشلونه كنا ساكنين في شقة جنب محطة المترو مباشرة وفي وسط المدينه وقريبه من كل حاجه وب 500 جنيه في الليله احنا الاتنين
وهكذا بقى في باقي المدن مثلا باريس كنا قاعدين جنب محطة مترو رئيسيه بينا وبين برج ايفل او متحف اللوفر حوالى 15 دقيقه
حاجه كده زى الفل
الحمد لله الرحله كلها واللي كانت 15 ليله قضيناها في شقق سكنيه بتاعة اشخاص كنا بنأجر منهم غرفه لينا احنا الاتنين والحمد لله بنسبة 98 % ما فيش مشاكل حصلت لنا من الموضوع ده
ـــــــــــــ
يمكن من أكتر الحاجات الكوميديه اللي حصلت لنا في الشقق دي
كنا في غرناطه والشقه اللي كنا حاجزين فيها كانت عيله كبيره ( الجدة والأم والبنت والاحفاد والبوي وفريند ) كان كل واحد منهم مثلا عنده كلب والشقه كان فيها حوالي 4 كلاب بأحجام مختلفه طبعا انت تقدر في الفلتر بتاع الاختيار اصلا تختار انه ما يكونش فيه كلاب ولا قطط ولا اى حاجه ... براحتك يعني
في فينسيا قعدنا عند برنس ايطالي رهيب في نفسه كده، وفي باريس قعدنا عن بنت جدعه جدا عايشه لوحدها، وفي مالقا قعدنا عند نقاش اسباني، وفي برشولنه قعدنا عن زوجين جدعان جدا جدا وفي غرناطة قعدنا عند عائلة مسلية للغايه وفي ميلان قعدنا في شقه فيها اربع غرف لناس من دول مختلفه
شقة فينسيا كانت فيلا واحنا واخدين شقه في الدور الأرضي
المهم واحنا ماشيين الصبح بدري فتحنا باب الفيلا الخارجي ماعرفناش نقفله لانه بيتقفل بطريقه غريبه جدا كده وقعدنا بقى حوالي 10 دقايق عصيبه في محاولات عشان نقفله وطبعا كان عندنا معاد اتوبيس كان هيروح علينا وصحينا الراجل الايطالي من النوم وكانت قصه يعني المشكله ان الايطالي بيتكلم ايظالي وانا بتكلم انجليزي مكسر وكانت لحظات جميييييييله بس خلصت الحمد لله على خير
الخلاصه
جربوا حاجات جديده وخدوا جرأه عليها لإنها هتفرق معاكم جدا جدا والله
وما تقلقوش كل ما تعملوش سيرش وتدورو هتلاقوا المواضيع بقت اسهل كتير جدا
ــــــــــــ
دي صور حقيقية لكل اماكن الإقامة اللي قعدنا فيها
ولو حد عنده أى سؤال يقولي وأنا هجاوبه عليه ان شاء الله